Icesave verður smþykkt, engin hætta á öðru.

Nú þyngist áróðurinn og dramatíkin verður átakanlegri í icesave leikritinu.  Það er lítil hætta á öðru en leikararnir 63 finni lausn á því að koma icesave skuldum einkabankans yfir á aalmenning þó svo að það verði sennilega ekki 63-0.  Því að öðrum kosti verða þeir að skera niður hjá elítunni.  Jóhanna kom klökk og skjálfrödduð fram í sjónvarpsréttum í gær yfir hugsanlegur örlögum ríkisstjórnarinnar og þar með elítunnar.  Dramatíkin í röddinni var í svipuðum tón og þegar hún kom fram 6. október s.l. og talaði um skjaldborgina fyrir heimilin.

Það sem almenningur hefur mátt horfa upp á eftir hrunið er að elítan ætlar með öllum ráðum að sitja áfram við valdaborðið.  Þetta er farið að minna óþyrmilega á veisluborð þar sem menn éta á sig drullu og standa upp til að hafa sætaskipti, en rétt á meðan ekki var setið á almenningur í hlutverki ræstingakonunnar að þrífa sætin.  Þetta lið þrífst ekki á öðru en hnallþórum í formi kúlulána og nú á að taka þau af ríkinu á kostnað almennings.

Samkvæmt fréttum gerir "Jón Sigurðsson ráð fyrir að efnislega ljúki samningaviðræðum við Pólverja um 200 milljóna dala lánveitingu til Íslendinga á næstu vikum. Formlega má ætla að samningum verði lokið í september. Þetta segir Jón Sigurðsson, formaður samninganefndar íslenska ríkisins, um gjaldeyrislán."  Ef mér skjöplast ekki er þetta sami Jón Sigurðsson og var fyrrverandi stjórnaformaður hins umdeilda FME sem svaf vært, ekki bara á icseave verðinum heldur einnig gagnvart íslenskum almenningi.  Nú er hann eitt helsta andlit Íslands út á við í samninganefnd við að slá lán hjá hinu margrómaða alþjóðasamfélagi. 

Samkvæmt fréttum "stendur skilanefnd Glitnis  í málaferlum við félag í eigu Sigurðar Helgasonar, nýkjörins stjórnarformanns Icelandair, vegna gjaldfallinnar skuldar. Sigurður og félag hans Skildingur skulda Glitni einn og hálfan milljarð. Skilanefndin hefur meðal annars kyrrsett tugmilljóna króna innistæðu félagsins."  Skilanefndin er skipuð endurskoðendum sem kvittuðu upp á uppgjör Glitnis sem sýndu frábæra afkomu.  Nú sjá þeir engan hæfar en Sigurð til að taka við stjórnaformennsku Icelandair.

Þetta eru m.a. fréttir sem hafa verið að birtast síðustu klukkustundir, ef fréttir síðustu mánaða af þessu tagi yrðu súmmaðir í eitt, er hætt við að almenningi yrði meira en lítið flökurt.

Ríkisstjórn á suðupunkti

Er bólusetning örugg?

Varað var við svínaflensu faraldri 1976.  Bólusetningarherferð var sett í gang í USA, sumir vilja meina að svína flensan gangi út á bólusetningarherferð og bólusetningu beri að varast.

Hér er myndband sem er þeirra 15 min. virði sem það tekur að horfa á það.

http://www.dailymotion.com/video/x9mh9f_swine-flu-1976-propaganda_webcam 

 

Blogg-umræðu um bóluetningu má sjá hér.

 

Yfir 100 flensusmit staðfest

Icesave verður samþykkt, engin hætta á öðru.

Stjórnmálamenn, seðlabankamenn og önnur elíta stjórnkerfisins á eftir að finna leið til að samþykkja icesave.  Það er engin hætta á öðru.  Þeir vita sem er að þeirra eina von til að halda sínum lífskjörum og áhrifum felst í þjónkun við erlenda lánadrottna.  Þess vegna verður það talið réttlætanlegt að hella skuldum gjaldþrota einkabanka yfir íslenskan almenning.  Það er eingin eftirspurn eftir þessu fólki erlendis og það vita þau.

Helstu meðmælendur þessa samkomulags eru, auk afdankaðra stjórnmálamanna, Seðlabankinn sem eftir gjaldþrot hefur sömu hagfræðingana á sinni launaskrá, ASÍ, SA og stöðugleika liðið.  Öll þessi elíta sér þær lausnir eina að stórauka skuldir almennings í kjölfar eigin klúðurs með stórauknum lántökum.

Engin niðurstaða um Icesave

Bólusetning, nei takk?

http://www.youtube.com/watch?v=9wqWJrYNd3A&feature=PlayList&p=5CFDB40ABED134A2&playnext=1&playnext_from=PL&index=98

 

Blogg-umræðu um bóluetningu má sjá hér.

72 greindir með svínaflensu

Nú sér Steingrímur ekki lengur út fyrir eigið veski.

Það sem Steingrímur er að segja er að það sé í lagi að hella skuldasúpu bankahrunsins yfir almenning á Íslandi athugasemdalaust af hálfu stjórnvalda.  Stjórnkerfið er farið að óttast svo um eigin hag að lánsfé má kosta hvað sem er svo elítan losni við að skera sjálfa sig niður. 

Hann talar um stríð ef við tökum ekki á okkur botnlausar skuldir einkabankanna.  Hann talar um að hann sé sammála Evu Joly bara ekki hvað það varðar að við höfum rök fyrir því að þessar skuldir séu ósanngjarnar vegna þess að þær eru okkur ofviða. 

Ég veit ekki með ykkur en mér finnst eyrun og nefið á Steingrími vera að liengast, hann er að verða eins og Gosi þegar hann laug. 

Hér má sjá skuldirnar sem Steingrímur ætlar þjóðinni að greiða.

Vill ekki stríð við aðrar þjóðir

Bólusetning, nei takk?

http://www.youtube.com/watch?v=ASibLqwVbsk 

Blogg-umræða um bóluetningu má sjá hér.

Bóluefni gegn H1N1 í september

Skuldina ber að greiða margfalda til baka.

Þetta myndband skírir vel um hvað málið snýst. 

http://www.youtube.com/watch?v=peiTfY7Bx4c

 

Þúsundir vilja greiðsluaðlögun

Þetta datt mér í hug.

Þau á Alþingi virðast ætla að samþykkja icesavesamninginn með álíka leikrænum tilburðum og ESB aðildarumsóknina.  Hjá þessu liði er þetta farið að snúast um að fá útborgað og það sér ekki fram á annað en það gerist með stór auknum lántökum. 

Allan tímann síðan skrifað var undir þetta icesave samkomulag hafa verið að koma upp dekkri spár nú síðast sú sem hagfræði stofnun háskólans setti fram, en þá ætlar Pétur að taka mark á Seðlabankanum með fyrirvara, því eins og hann segir þá verður ekkert mál að borga þetta ef sú spá gengur eftir. 

 

Styðja Icesave með fyrirvara

Bólusetning, nei takk?

Svona fóru lyfjafyrirtækin að því að selja bólefni við svínaflensu 1976. 

http://www.youtube.com/watch?v=ASibLqwVbsk

Sennileg þætti þetta heldur hallærisleg markaðssetning í dag, þannig að nú eru fjölmiðlarnir notaðir að fullum krafti.

http://www.youtube.com/watch?v=yAbWbAe3Y04

En skildi þessi flensu faraldur koma? eða verður hann í sama mæli og bráðalungnabólgan, fuglaflensan ofl.of.?  Hvað sem öðru líður fá lyfjafyrirtækin sínar 380 milljónir  frá gjaldþrota ríkissjóði vegna svínaflensunnar.

Hér má sjá blogg umræðu og meira efni.

Bóluefni fyrir 380 milljónir

Verður Eva Joly okkar hundadagadrottning?

Hún er sérstök tilfinningin sem því fylgir að lesa þessa frétt.  Að það skuli vera erlend eldri kona sem talar eins út úr mínu hjarta.  Engan samhljóm hef ég fundið með síðustu þremur ríkisstjórnum Íslands.  Ég hef tortryggt þær og jafnvel hefur orðið landráð komið ítrekað upp í hugann.

Samt segir mér svo hugur að íslenskir stjórnmálamenn eigi eftir að taka lítið mark á Evu Joly, líkt og þeir gerðu lítið með hugmyndir Jörundar Hundadagakonungs á sínum tíma.  þeir muni samþykkja icesave á Alþingi Íslendinga innan skamms, með álíka leikrænum tilburðum og aðildarumsókn að ESB var samþykkt.  Því þetta fólk veit að það mun þurfa að lifa í sama veruleika og þorri þjóðarinnar nú þegar gerir ef það hafnar icesave.

Hjá stjórnkerfinu, (sem ennþá reynir að halda uppi "bankaleind" yfir sama fólkinu og "vissi" og "fékk"), snýst þetta um að halda sér á launaskrá hjá skattgreiðendum svolítið lengur.  Jafnvel þó svo að til þess þurfi að taka lán hjá kúgurum okkar sem munu kosta okkur ættlandið.

Stöndum ekki undir skuldabyrði