Hinn óendanlegi möguleiki.

Nú er rétt að birta fyrirlestur hjá David Icke sem frægastur er fyrir að hafa gerst svo ósvífinn að kalla sig son Guðs, eða guðseindarinnar.  Sennilega erum við öll börn þeirrar eindar þegar öllu er á botninn hvolft. 

Allavega hafa allir vísindalega þenkjandi álfar gott að því að kynna sér efni þessa fyrirlestrar því þetta er ekki kennt í háskólum.   Eins að velta því fyrir sér að; þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki.

Vísbendingar um tilvist Guðseindarinnar

Eru álfar kannski menn?

Það er misjafnt hvað það er sem vekur fólk til umhugsunar um sitt umhverfi, fæst af því er að finna í námsefni skólanna.  Þar er meira um að kennt sé hvernig meðhöndlun pappírs gagnist hinum heilaga hagvexti.  Auk þess sem spilað er á metnaðargirnd og sjálfhverfu einstaklingsins.  Nú eru það hinar heilögu kýr neytendurnir sem halda eiga uppi hagvextinum, þetta er hægt að gera með því einu að auka framboð af drasli, hækka síðan verð og skatta.

Fyrir nokkrum árum rakst ég á sænska mynd á netinu þar sem Floyd Red Crow Westeran fer yfir lífsýn indiána N-Ameríku, spádóm Hobi ásamt fleyru.  Hjá honum kom fram að indiánar N-Ameríku hefðu fækkað úr 60 milljónum niður í áttahundruð þúsund með tilkomu hvíta mannsins til Ameríku auk þess sem landið væri orðið allt annað. 

Það sem vakti mig til umhugsunar fremur öðru í máli Red Crow var lýsing hans á því að hvað maðurinn gerði sér litla grein fyrir því að þegar hann fellir tré þá eyðir hann heilu samfélagi dýra og plantna sem hafa átt tilveru sína í skjóli þess.

Kannski var lífsýn indiána N-Ameríku eitthvað sem skólarnir mættu bæta við námsskrána, en hún gæti nokkhvernvegin verið svona í stuttu máli.

"Jörðin er okkar móðir, berum önn fyrir henni.

Heiðra öll þín samskipti.

Opnaðu hjarta þitt og sál til hins mikla veruleika.

Allt líf er heilagt, komdu fram við allar verur með það að leiðarljósi.

Taktu frá jörðinni þess sem þér er þörf og ekkert umfram það.

Gerðu það sem þú veist vera rétt.

Gefðu stöðuga þökk til hins mikla veruleka, fyrir hvern dag.

Leitaðu eftir velferð huga og líkama.

Helgaðu framtaki þínu ævinlega meiru af því góða.

Vertu sannar og heiðarlegur öllum stundum.

Njóttu lífsins ferðar, en skildu ekki eftir neina slóð"

Að gera stutta sögu langa.

Það er skrítið með okkur bjálfana að við eigum það til að leggja á okkur langt og leiðinlegt nám til að geta gert flóknar og yfirgripsmiklar rannsóknir til að komast að því sem við vissum í hjarta okkar allan tímann og fórum létt með að framkvæma á sandkassa aldrinum.

Bjálfinn sem gerði þessa rannsókn, í videoinu hér að neðan, á þó nokkuð eftir til að komast á sandkassa stigið aftur ef hann heldur að hestar séu hálfvitar. Það sem öll dýr eiga sameiginlegt með okkur bjálfunum er hjartað og með hjartanu heillum við þau rétt eins og ástina.

Án þess að ég ætli að fara að gera mig að sérfræðingi um bjálfa, hálvita eða hesta þá vil ég meina að ég kannast aðeins við ketti og þessi bjálfi ætti kannski að byrja á því að líta upp úr pappírnum til að sjá það sem fram í kringum hann. 

Prófessor Transmann.

Það hefur lengi staðið til að manna sig upp í að blogga um myndina hans Max Igans, The transformation.  En á útvarpsþættina hans Max Igans hef ég hlustað næstum vikulega í nokkur ár.  Ef ég á að segja eins og er þá fannst mér efni myndarinnar svo yfirþirmandi að það örlaði á þunglindi við að setja sig inn hana.  Samt fann ég þar púsl sem ég hef verið að birta í miðvikudagsbloggunum, þau Dr. Jill B Taylor heilasérfræðing sem fékk heilablóðfall og Justin Hall með orkuflögurnar.

Eins komst ég betur inn í hina ömurlegu framtíðarsýn sem Max setur fram í myndinni um ofurhugsuði framtíðarinnar, sem hafa verið fylltir af gagnslausum upplýsingum í svipðuðum mæli og google, með ígræddri gervi greind, þegar ég rakst svo á það hjá Ian Xel Lungold, sem ég flaggaði hérna í miðvikudagsbloggi fyrir stutt, að eina von mannkynsins væri að verða ga, ga, eða réttar sagt að fylgja visku hjartans þar sem mannshugurinn réði ekki við meira en 24 möguleika á mínútu á meðan tölvur á við leitarvél google réði við fleir milljón möguleika.  Þá sá ég betur hvað Max Igan er að fara með myndinni The transformation.

Möguleg innræting einstaklingsins er að komast á nýtt stig.  Hingað til hefur hver maður fæðst frjáls og dáið frjáls, jafnvel átt nokkur ár sem barn og jafnvel sem gamalmenni frjáls frá þeim heimi sem byggir algerlega á rökhyggju vinstra heilahvelsins sem er það sem nánast öll innræting frá vöggu til grafar gengur út á.  Samkvæmt The tranformation er mannkinið komið á nýtt level, nú er fátt því til fyrirstöðu að einstaklingurinn fæðist fullprogrammeraður inn í þennan heim og verði haldið vandlega skóluðum út yfir gröf og dauða.

Stundum hef ég átt áhugaverðar samræður við fólk hversu dámsamlegt það er að vera barn og eins það sem kallað er elliær, semsagt ekki í prógrammi.  Ég ræddi þetta við systir sem er hjúkrunarfræðingur fyrir skömmu, en hún sagði, veistu Magnús ég held ekki, fólki t.d. með allsheimer líður alls ekki vel.  Ég spurði þá, er það ekki bara á meðan það er enn að rembast við að flækjast í rökhyggunni líður því svo ekki bara ágætlega þegar það er algerlega komið út úr heiminum, er það þá ekki bara okkur hinum sem ennþá brúkum prógrammið sem líður illa yfir öllu saman?

Undanfarna miðvikudaga hef ég verið að birta efni sem mér hefur þótt tengjast innrætingu og menntun.  Núna ætla ég að breyta til og setja þessi miðvikudagsblogg yfir á þriðjudaga.

   

Prófessor Vandráður.

Það er alltaf gaman að heyra Sir Ken Robinson skýra út menntakerfið á mannamáli, svolítið merkilegt að prófessor skuli hafa ráðist í slíkt verkefni. 

Þennan link sendi sonur minn mér í vetur, hefur sjálfsagt fundist hann eiga erindi við mig, en þessi fróðleikur varð til þess að ég fór að kynna mér kenningar Robinsons og verð að viðurkenna að ég hef aldrei heyrt menntamann tala af eins miklu viti um menntakerfið.

Áríðandi tilkynning úr álfheimum.

Í síðustu viku heimsótti ég skemmtilegt fólk á Stöðvarfirði.  Fólk sem keypti 3000 fermetra aflagt frystihús á krónu og ætlar að gera það að sköpunarmiðstöð.  Til liðs við sig hafa þau fengið íbúa staðarins auk fólks víðsvegar að úr heiminum sem vill skapa eitthvað sérstakt.  Verkefnið er m.a. í samstarfi við Central Saint Martins College of Arts and Design í London.  Um verkefnið má fræðast hér.

Þó svo þetta skapandi fólk hafi keypt frystihús á krónu, hugsi í myndum, kartöflugörðum og hænum, þá eru nokkur praktísk viðfangsefni sem kosta peninga.  Þar á meðal er orka til að kynda húsið.  Um þess konar hluti spunnust okkar umræður í síðustu viku.  Þau spurðu mig ráða um það hvernig hægt vari að nálgast eldfastan stein í eldstæði sem mætti nota til að búa til ódýran hita.  Mín heilabrot snérust meira um hvernig hægt væri að nálgast ódýrt brenni í eldsstæðið sem hitagjafa út við ysta haf, þar sem varla finnst nokkurt tré hærra en 1.80.  Einhverra hluta vegna varð mér hugsað til nafna míns á Pilipseyjum sem býr við 30°C að staðaldri í frumskóginum.

Nafni hefur nefnilega sent mér plastflögur sem eru álíka stórar fingurnögl svo ég geti límt þær á mig við verkjum og orkuleysi.  Þetta gerir svipað gagn og nálastungu meðferð segir hann, en er bæði ódýrara og hentugra en að hafa mann með nálar á fullu kaupi í eftirdragi.  Reyndar hefur nafni ekki haft mikinn buisiness í viðskiptunum við mig vegna þess að hann sagðist ekki vilja selja mér flögurnar nema að þær virkuðu og gaf mér þær fyrstu sem virkuðu það glimrandi vel að ég hef ekki þurft nema örfáar síðan og er nú rúmt ár liðið frá því ég kynntist orku flögunum hans nafna.

En hvernig gagnast 30°C hjá nafna á Pilipseyjum aflögðu frystihúsi á Íslandi?  Það hefur með orkuflögur að að gera,  reyndar ekki frá nafna, heldur mundi ég allt í einu eftir stórmerkilegum fyrirlestri á TED.

  

Álfarnir verða ga, ga.

Á miðvikudagskvöldum í vetur hefur mér orðið tíðrætt um menntakerfið og hvernig álfarnir búa til hundrað þúsund hálfvita.  Í því sambandi hefur verið bent á fyrirlestra Sir. Knen Robinsons prófessors sem hefur miklar efasemdir um tilgang menntunar.  Tilgátur Graham Hancoks um 2012 og horfna menningu.  Stórkostlegur fyrirlestur Nassim Harameins um óendaleikann og fyrirlestur  Dr. Jill B Taylor heilasérfræðings um hvað gerist þegar rökhugsun vinstra heilahvelsins þurrkast út við heilablóðfall sem hún upplifði sjálf.  Þessa fyrirlestra og hugleiðingar vetrarins má finna hérna til hliðar vinstra megin á síðunni undir færslulokknum menntun og skóli.

Upphafið af þessum miðvikudags bloggum var árið 2012 og sú vitneskja sem ekki er kennd í skólum s.s. um undur pýramídanna og tímatal Mayanna.  Í vetur hef ég einnig átt merkileg samtöl við vinnufélaga sem koma víða að og hafa lagt mér til púsl í þessar vangaveltur.  Sem dæmi þá upplýsti ég norskan vinnufélaga um mánaðamót Þorra og Góu hefðum við dag á Íslandi sem væri konudagur samkvæmt gömlu norrænu tímatali.  Í sama spjalli upplýsti 23. ára vinnufélagi okkar að á þessum sömu mánaðarmótum Þorra og Góu væru mánaðarmót og áramót í Afganistan árið 1391 væri að ganga í garð.  Í sömu umræðum upplýsti vinnufélagi frá Sudan að samkvæmt gamla tímatalinu þar í landi væru mánaðarmót, eins að nafnið hans Juma hefði með föstudag að gera því það skipti máli við hvaða dag maður væri kenndur.  Þessar samræður fóru fram um miðjan febrúar en fyrsti dagur Góu 2012 var 19. febrúar. 

Um helgina barst mér svo stórmerkilegt púsl í þessa mynd frá Sólrúnu sem linkur á fyrirlestur Joe Marshalla Ph.D. um mind control.  Sem leiddi mig síðan til fyrirlesturs Ian Xel Lungolds um tímatal Mayanna, út á hvað það raunverulega gengur, hvaða atriði þess hafa þegar komið fram og hvers er að vænta, fyrirlesturinn er sláandi.   Það sem við köllum menntun er því sem næst úrelt fyrirbrigði.  Í þessum heimi er eitt sem allir verða að vita það er hvaða dagur er, ef það skiptir einhvern ekki máli er hann veruleikafirrtur, jafnvel vistaður á stofnun í það minnsta á lyfjum.  Eins kemur fram í fyrirlestri Lungolds hvers vegna krossinn er heilagt tákn um himnaríki og hvernig tölunni 13 hefur verið snúið upp í andhverfu sína, auk margra púsla í viðbót sem passa jafnvel  inn í þær myndir sem raðað hefur verið saman af þeim sem hafa lagt til blogg inn í hugleiðingar vetrarins á þessari síðu.

Það er samt engi tilviljun að við höfum tímatal sem öll menntun kerfisins byggir á, tímatali sem hefur verið troðið upp á heiminn með góðu eða illu og er kallað Grgorianska tímatalið sem er samt ekki nema nokkur hundurð ára gamalt.  Í raun hefur verið lögð svo mikil áhersla á þetta tímatal að milljóna manndráp hafa verið réttlætanleg við að koma því á um allan heim, sem segir kannski svolítið um viðhorf heimsins til Afganistan sem enn er að bögglast í gömlu tímatali sem reyndar gengur samhliða gamla íslenska tímatalinu.  Á tölvuöld gengur gamalt tímatal einfaldlega ekki upp því allar tölvur og þeirra möguleikar eru bundnir við tímatal dagsins í dag það Gregoríanska. 

Flest könnumst við við að það er eins og tíminn líði sífellt hraðar sem er í raun ekki rétt heldur eykst tíðni viðburða sem þjappast á styttri tíma.  Það sem við hugsum er samt ekki það sem við erum.   Til að gefa smá innsýn í hve takmarkað verkfæri mannshugurinn er ræður hann ekki við að vega nema ákveðinn fjölda möguleika á mínútu, eða 24 á meðan tölvur ræður t.d. við milljónir möguleika.  Leiðin sem við erum á er hnitmiðuð og nákvæm samkvæmt tímatali Mayanna , sem mældi miklu meira en bara tíma, við verðum að missa vitið samkvæmt skilgreiningu nútíma menntunar, verða ga,ga og það merkilega er að það er eina færa leiðin.  Þetta púsl sem mér barst um helgina leiddi sem sagt til fyrirlesturs sem teiknaði upp heildar myndina fyrir mig og skýrði það út hvers vegna ég hef aldrei getað keypt þau rök sem haldið er á lofti af skólum kerfisins.

Allan fyrirlestur Lungolds má sjá með því að fara á youtube hérna fyrir neðan sem gefin er upp í link fyrir neðan myndina.  Fyrirlesturinn er í mörgum bútum og verður að finna framhaldið á hverjum kafla til hægri á youtube síðunni.

 

http://www.youtube.com/watch?v=63swS3r6TZY&feature=relmfu

 

Bleikur fíll í stofunni.

Fræðslumynd kvöldsins fjallar um fílinn í stofunni sem flestir finna fyrir, fæstir vita af og jafnvel sumir þræta fyrir að sé þar.

    

Nútíðarvísindi.

Þau eru fimm skilningsvitin sem við notumst við í okkar daglega lífi, sjón , heyrn, snerting, bragð og lykt. Þessi skilningsvit er okkur innrætt að styðjast við í gegnum lífið. Innrætingin kemur í formi uppeldis og menntunar sem er byggða á reynslu fortíðar.  Það má því segja að menntun sé fortíðarvísindi sem taki ekki tillit til 6. skilningsvitsins eða þess hvernig við tengjumst núinu, því eina sem skiptir máli. 

Ef við ætlum að komast út fyrir fortíðar kassann sem skilningsvitin fimm hafa verið sett í þá verðurað treysta á augnablikið. Þegar barnið leitar í feluleik á þekktum stöðum er það ekki vegna þess að það hafi ekki hugmyndaflug til að leita í hinu óþekkta, heldur er það vegna þess að það hefur hlotið hól fyrir að læra að leita í hinu þekkta og finna.  þannig er barninu innrætt í gegnum uppeldi og menntun að aftengjast trausti hjartans.

Menntun í formi fortíðarvísinda verður til þess að margt af því sem áður var viðurkennt er orðið framandi eða jafnvel hindurvitni. Það breytir ekki því að það er til staðar þó svo að skynjun skilningsvitana fimm ná ekki til þess.  Í myndbandi kvöldsins má sjá einn sem kann að nota skilningsvitið sem okkur er sagt að sé ekki til, í það minnsta að vantreysta.

 

Álfasaga fyrir svefninn.

Það verður ekki betur séð en tími sé kominn á að setja tappann í olíulindina, Darwin í pappírstætarann og endurskoða námskrána í hagfræðideild háskólans jafnvel læknavísindadeildinni. 

Hér er einstaklega áhugavert viðtal sem Lilou á við raunvísindamanninn Nassim Haramein.