Á Kon Tiki í Helgustaði

Það er stundum undarlegt hvernig leiðir manna liggja og hvert leiðsögutækið er.  Fyrir rúm ári rakst ég á frétt sem mér þótti svo stórmerkileg að ég hélt að hún myndi jafnvel breyta heimsmyndinni, allavega þeim upplýsingum sem okkur eru gefnar um hana.  En ég hef lítið séð meira af þessari stórmerku uppgötvun nema það sem má finna á internetinu enda tekur sennilega meira en eitt ár að leiðrétta kennsluefni sem hefur verið notað af menntastofnunum heimsins í að upplýsa heila mannkynsögu, ef það er þá einhver áhugi á svoleiðis leiðréttingu. 

Samt var þessi uppgötvun, sem fréttin greindi frá alltaf til í munnmælum og jafnvel fyrir augunum á þeim sem kunna að lesa.  Þetta var bara allan tímann skilgreint af latínufélaginu sem þjóðtrú og hindurvitni.  Það má því segja að það hafi verið einstaklega ánægjulegt þegar langskólagengnir gráðuhafar viskunnar sem hafa þar að auki stimpil upp á að vita orðið svo mikið um lítið að þeir geti staðfest það sem sérfræðingar að það kunni að vera að hin sameiginlega vitund, sem stundum hefur verið kölluð þjóðtrú, eigi við rök að styðjast. 

En það var ekki fyrr en í fyrra, eftir að sólarsteinn fannst meðal skiglingatæka í skipinu Alderney sem sökk árið 1592, að settar hafa verið fram tilgátur af sérfræðingum um að slíkir steinar hafi verið notaðir samhliða áttavita eftir að hann var uppgötvaður.  Prófanir á steininum leiddu svo að í ljós að hann var nákvæmari en nokkur áttaviti enda höfðu víkingarnir ekki yfir áttavita að ráða þegar þeir sigldu fram og til baka frá Ameríku, það var ekki búið að finna hann upp þá frekar en Ameríku, samkvæmt trúarbrögðum fræðimannasamfélagsins. 

Þessi frétt sem mér fannst svo merkileg var sem sagt um sólarstein nokkurn sem þjóðtrúin segir að víkingarnir hafi notað sem siglingartæki við að sigla um norðurhöf í þoku myrkri, svo nákvæmlega að þeir gátu siglt alla leið frá Noregi til Íslands og áfram til Ameríku vandkvæðalaust.  Þjóðsagan um sólarsteinninn var flokkuð með mamboo, jamboo af latínusamfélaginu þar til fyrir tæpu ári síðan, en þá var staðfest af sama sérfræðigráðufélagi, með því að prófa fyrirbrigðið, að sólarsteinn er svo nákvæmt siglngartæki að ekki skeikar nema gráðu. 

Sólarsteinninn gat því hafa verið nokkurskonar GPS tæki víkingaaldar.  Siglingartæki sem nemur stefnu á sólina jafnvel þó svo að hún sé undir sjóndeildarhring, sem hefur komið sér einstaklega vel á skammdegisnóttum í norðurhöfum.  Sólarstein þekkja flestir íslendingarundir einnig undir nafninu silfurberg, en enska heitið er Icelandic spar.

Á wikipeidia alfræðiriti almennings má nú m.a. finna; "Sólarsteinn var steinn (kristall?) sem norrænir menn til forna notuðu til að sjá stefnu til sólar í skýjuðu veðri, sem var gagnlegt við siglingar. Aðferðin byggist á því að slíkir steinar skauta sólarljós. Óstaðfest tilgáta er um að íslenskt silfurberg (kalkspat)  hafi verið notað sem sólarsteinn, en fleiri tegundir kristalla koma einnig til greina, til dæmis korderít  sem finnst meðal annars í Suður-Noregi. Sólarsteinar eru nefndir í fornritum, til dæmis í Rauðúlfsþætti , sem fylgir sumum gerðum Ólafs sögu helga. Þar segir:"Þá lét [Ólafur] konungur kalla fyrir sig Rauðúlfssonu, Dag og Sigurð. Þá lét konungur sjá út, og sá hvergi skýlausan himininn. Þá bað hann Sigurð segja sér, hvar sól væri komin. Hann kvað á. Þá lét konungur taka sólarsteininn og hélt upp, og sá hann hvar geislaði úr steininum, og markaði á því svo til sem hann hafði sagt."- Flateyjarbók " 

En hvernig kemst maður svo á Kon Tiki í Helgustaði við Reðarfjörð? Þannig er að ég fór í bíó sem ekki hefur gerst síðan 2004 að ég fór á myndina hans Gibson "Passion of Christ" með bróður mínum buddamunkinum.  En nú í lok sumars narraði vinnuveitandi minn hún Mette mig með sér og kunningjum sínum í bíó hérna í Harstad.  Myndin var "Kon Tiki" norsk stórmynd um siglingu Thor Heyerdahl frá Perú til Pólenesíu.

Eftir myndina ræddum við efni hennar þ.e. þessa erfiðu hetjuför sem farin var samkvæmt gamalli þjóðtrú Pólenesíumanna um hvaðan þeir væru upprunnir.  Ég taldi að Heyerdahl hefði gert sér ferðina miklu erfiðari en hann hefði þurft því að fólk á þessum tíma hefði að öllum líkindum búið yfir mikið fullkomnari tækni til ferðalaga en kunn er jafnvel í dag.

Mette vildi vita meira um það hvernig ég fengi svona hugmyndir við að fara á Kon Tiki.  Ég sagði henni það að fyrst árið 2011 hefði það verið staðfest með rannsókn að sameiginlegir forfeður okkar víkingarnir hefðu getað búið yfir fullkominni staðsetningartækni til siglinga.  Þjóðtrúin hefði alltaf vitað af því að þeir hefðu notað "sólarsteininn" til að rata, en nú væri búið að staðfesta það vísindalega að sá steinn væri jafn nothæfur til þess og staðsetningatbúnaður dagsins í dag. 

Vinnuveitandi minn spurði mig hvers vegna þetta væri þá ekki þekkt og hvers vegna um þetta hefði aldrei verið upplýst í æðri menntaofnunum.  Einnig hvernig ég vissi þetta og hefði yfir höfuð tekið eftir frétt af svona rannsókn.  Ég hefði sjálfsagt getað sagt henni hjartnæmar sögur frá sögueyjunni um það hvernig þekking aldanna geymdist á þeim skinnpjötlum sem marg étnar voru í hungursneyðunum miklu en munnmælin geymd þar til næst var til blóð og skinn og sem afkomandi þeirra sem átu þjoðsöguna hefði ég tekið eftir svona frétt.  En málið var það að hún sjálf þ.e.a.s. Mette var orsökin  fyrir því að ég tók eftir þessari rannsókn.

Þegar hún bauð okkur Matthildi minni í siglinguna á seglskútunni sinni Libru í fyrrasumar sagði hún mér sögu af því þegar hún og Sverre sambýlismaður hennar sóttu skútuna til Kanaríeyja og sigldu henni til N-Noregs.  Milli Kanaríeyja og Englands kom það í ljós að öll siglingatæki voru biluð.  Á daginn notuðu þau sólina til að sigla eftir, en á nóttinni pólstjörnuna.  Hún lýsti þessu svo frábærlega myndrænt að ég gat ekki annað en haft i huga, hvað ef skyggnið hefði verið þannig að ekki sást til sólar og pólstjörnu?   Hún var semsagt sjálf ástæðan fyrir því að ég tók eftir þessari frétt af niðurstöðu vísindamanna um að sólarsteinn þjóðtrúarinnar ætti við rök að styðjast. 

Þarf að ræða meira um það hvernig þjóðtrúin geymir og útbreiðir hina sameiginlega vitund svo ekki skeikar gráðu?

Í september heimsókninni til Íslands fór ég svo með henni Matthildi minni niður í Helgustaði til að skoða stærstu sólsteina námu Íslands.  Þangað hafði ég farið áður á bernsku árum með foreldrum mínum á gömlum willis.  Þó árin séu orðin hátt í fimmtíu síðan, þá rötuðum við Matthildur leiðsögutækjalaust í sólsteina námuna, eins og vanalega gerist með allar okkar ferðir.  Þar fékkst það staðfest að silfurbergið á Helgustöðum hefur verið gert ónothæft sem staðsetningartæki með dynamit sprengingum sem fundnar voru upp af náunganum Nobel, einum handhafa sérfræðigráðu latínusamfélagsins, sem nú um stundir er kenndur með undaverðum hætti við frið.

Mér líkar hvernig þú hugsar.

Jói litli er sá klárasti í bekknum, en ekki endilega í að klára prófin og spurningarblöðin. Til að ná  til hans í prófinu ákvað kennarinn að spyrja hann aukalega spurningar.

 "Jói minn, þú ert nú svo klár, að ég ætla að spyrja þig einnar spurningar. Það eru 5 fuglar á grein, þú ert með byssu og skýtur einn fuglinn, hvað eru þá margir fuglar eftir?"

 "Enginn", svarar Jói.

"Hvað meinar þú... enginn?", spyr kennslukonan?

 "Já, einn drepst, dettur til jarðar og hinir fljúga í burtu" segir Jói

 Kennslukonan kinkar kolli og segir "svarið átti nú að vera 4, en mér líkar hvernig þú hugsar"

 Örstuttu seinna réttir Jói litli upp hendi.

 "Já Jói"

 "Má ég spyrja þig einnar spurningar?"

 "Endilega" segir kennslukonan.

 "Ókei, 3 konur standa við ísbíl, og allar eru búnar að kaupa sér ís, ein af þeim sleikir ísinn, ein af þeim bítur í ísinn og ein af þeim sýgur ísinn. Hver þeirra er gift?" Spyr Jói

 Kennslukonan roðnar og segir, "Eee....ég veit ekki alveg, ætli það sé ekki sú sem sýgur ísinn?....eða bara eitthvað.."

 "Neeiiii" segir Jói litli, "það er sú sem er með giftingarhringinn, en mér líkar hvernig þú hugsar".

101 fyrir álfa.

Sagt er að menntakerfi nútímans komi að uppistöðu til frá Prússnesku kerfi 19. aldar kerfi sem var ætlað að búa til gott starfsfólk og hlýðna hermenn. Starfsfólk sem fylgir fyrirfram gefnum ferlum sem leiða til ákveðinnar niðurstöðu. Framúrskarandi nemendur þessa kerfis eru nær því undantekningarlaust verðlaunaðir, með vinnu við að viðhalda þeim gildum sem kerfið hefur innrætt og auka þannig skilvirkni þess.

Nú má ætla að þekkingu mannsins hafi fleytt það mikið fram að augljósar rökvillur kerfisins hafi verið leiðréttar. En er það svo? Heimurinn situr t.d. uppi með peningakerfi sem er byggt upp á þeirri staðreynd að lánuð eru verðmæti í formi peninga sem aldrei voru til sem raunveruleg verðmæti og af þeim eru innheimtir vextir. Hin viðurkennda þekking gengur út á að þessu kerfi verði viðhaldið með öllum tiltækum ráðum. Að öðrum kosti er okkur sagt að samfélagið hrynji með tilheyrandi hörmungum, það á sama tíma og allt sekkur í skuldafenið.

Skortur á frjálsri hugsun skólakerfisins hefur leitt til þess að fólk er tilbúið til að gefa stjórnvöldum sífellt meiri völd í lífi sínu. Vegna þess að því hefur verið innrætt að það búi ekki yfir nægilegri færni til að ráða við eigið líf í flóknu kerfi sem byggir á síaukinni skuldaánauð. Þess í stað er okkur ætlað að vænta þess að stjórnvöld leysi vandamálin. Með þessum hætti framseljum við frelsi okkar til stjórnvalda nútímans sem hafa sannað sig í því að vera verkfæri fjármálakerfisins að vösum almennings sem aldrei fyrr.

Séní menntakerfisins eru gerðir að ráðherrum, jafnvel eftir að þeir talandi á torgum hafa gefið almenningi von með því að tjá sig út frá innsæi hjartans. Þegar kemur að völdunum tekur ábyrgðartilfinning við og menntun rökhyggjunnar er notuð til að viðhalda kerfi skuldaánauðar og vonleysis. Þetta er sennilega gert í góðri trú um að verða að gagni, en þegar kemur að því að endurreisa kerfi sem sligast hefur undan skuldum er langsótt að sannfæra hjartað um að auknar skuldi séu besta lausnin. Þannig er fortíðar fáviska rökhyggjunnar sett ofar visku hjartans.

"Þú átt þér engan líkan, vertu einstakur", á alltaf við. Það er aldrei eins mikilvægt að láta sérstöðu sína ráða eins og á krepputímum. Þú ert einstakur og með sérstöðu þinni losar þú þig við samkeppni. Kreppa er oft ekki annað en hörð samkeppni um fánýta hluti þar sem glíman snýst um að komast af á öðru en sköpunarmætti eigin sérstöðu.

Viðurkennd þekking, þ.e.a.s. menntun tekur lítið tillit til sérstöðu einstaklingsins. Menntun gengur út á að þjálfa rökhugsun eftir ákveðnum fyrirfram gefnum leiðum, fremur en að efla sköpunargáfu og frumkvæði. Þessi tegund þekkingar hefur margoft verið til mikilla hindrana fyrir samfélagið og er oftar en ekki notuð til að halda einstaklingnum innan vissra viðurkenndra marka, burtséð frá augljósum villum.

Sem einfalt dæmi má nefna hversu lengi haldið var fram að jörðin væri flöt og hversu illa Galileo gekk að koma þeirri þekkingu á framfæri að jörðin snerist í kringum sólina, í óþökk akademískrar þekkingar þess tíma. Þannig má sjá að þekking sem aðlöguð er að fyrirfram gefnum kenningum þarf ekki að vera rétt. Sannleikurinn getur verið margbreytilegur eftir því frá hvaða sjónarhorni hann er skoðaður. Nýju föt keisarans eru annað dæmi um það.

Þegar hugsanir hjartans tengjast þeirri skapandi hugsun, sem við köllum Guð, ákvarðar hún hvað þær skapa. Það skírir hvers vegna jákvæðar hugsanir, bænir, trú og sköpunargáfa er nauðsynleg þegar nýjum markmiðum skal náð sem boða raunverulegar breytingar.  Listin við að lifa felst í að nýta hugrekki og sköpunarkraft án þess að ganga á rétt annarra, en því betur sem hverjum og einum tekst upp í því efni þeim mun meira mun hann uppskera. Það að lifa í fullu samræmi við eigið hjarta, er að gera öðrum það sem þú vilt að þeir geri þér, ef þú værir þeirra sporum. Hversu erfitt sem það kann að reynast.

Það er aldrei of seint að endurheimta fjársjóð barnshjartans því hann býr innra með hverjum manni. það sem hverjum og einum finnst skemmtilegt og áhugavekjandi, á hvaða sviði sem er, þar er sá fjársjóður sem honum er ætlað að eignast.

 

Bob Marley.

Don't let them fool ya,
Or even try to school ya! Oh, no!
We've got a mind of our own,
So go to hell if what you're thinking is not right!
Love would never leave us alone,
A-yin the darkness there must come out to light.

The road of life is rocky and you may stumble too,
So while you point your fingers someone else is judging you
Love your brotherman!

Don't let them change ya, oh! -
Or even rearrange ya! Oh, no!
We've got a life to live.
They say: only - only -
Only the fittest of the fittest shall survive -
Stay alive! Eh!

You ain't gonna miss your water until your well runs dry;
No matter how you treat him, the man will never be satisfied.
Say something!

 

Vissi ég ekki!

Okkur hættir til að trúa því að utanaðkomandi innræting sé raunveruleg og heimurinn sé því utan okkar sjálfra.  Sem börn höfum við upplifað að draumurinn er raunveruleikinn vegna þess að hann býr í hjarta okkar.  Því er kenning Krists í fullu gildi "hver sem tekur ekki við Guðs ríki eins og barn mun aldrei inn í það koma". Þrátt fyrir þessa meðfæddu vitneskju hefur innræting heimsins gengið út á að aftengja traust barnsins á innsæi hjartans.

Í tilefni þess að skólarnir eru að byrja í þessari viku set ég hér á síðuna áhugaverðra mynd um öll börnin sem "greinast einstök".  Það sem mér datt í hug eftir að hafa horft á hana var; "þetta vissi ég allan tímann", og nú veit ég að;

"Sannleikurinn og samhengið mun með ótrúlegri orku sinni ná til alheimsins með síauknum hraða."

"Það verður vaxandi meðvitund á jörðinni fyrir því að margir hlutir eru í raun ekki eins og þeir hafa virtist vera, og svo hefur verið um langan tíma."

"Fyrir marga verður þessi mynd til þess að þið segið

" vissi ég ekki."

Fjörutíu öskur á þykkt.

Hvað þykk getur þögnin verið  og hversu hljóðlátur verðu þá hávaðinn?  Við erum fædd sem lítil kríli hinna óendanlegu möguleika.  Þegar þú stækkaðir byrjaðirðu að spyrja heiminn í kringum þig. En í skólanum var þér kennt að endurtaka upplýsingar í stað þess að hugsa eigin hugsanir. 

Er furða að okkur finnist við vera rugluð og ráðvillt? Með valdi hefur verið unnið hörðum höndum að því að telja þér trú um að þú hafir ekkert vald, enga stjórn. En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei framar vinna gegn sjálfum þér.

Hérna er merkileg mynd um hljóðbylgjur. Einhvern veginn fór þessi fróðleikur alveg fram hjá mér í skóla.  En algebru voru gerð gríðarlega góð skil þó svo að ég sæi ekki tilganginn með því, þá var mér sagt að hún þjálfaði rökhugsun það myndi ég uppgötva síðar á lífsleiðinni.  Ég bíð enn í þykkri þögninni sem gæti þess vegna verið meira en 40 öskur á þykkt.

 

Bill Hicks.

Undanfarið hefur ímyndun átt hug minn allan og á því ímyndunarfylleríi hefur Bill Hicks verið nefndur ítrekað til sögunnar.  Í sumar höfum við Matthildur mín þvælst um fjöll og firnindi N-Noregs.  Á þessum þvælingi hafa tvenn mannvirki vakið sérstaka athygli mína án þess að ég hafi gert meira með það en að minnast orða Hicks um tilveruna, m.a. hvernig okkur er ætlað að trúa á annarra manna ímyndunarfyllerí.  Þessi mannvirki eru tómar kirkjubyggingar fortíðarinnar og skólabyggingar nútímans.   

Lífið er eins og ferð í skemmtigarð og þegar við ákveðum að fara um hann finnst okkur hann vera raunverulegur, vegna þess hve máttugur hugur okkar er. Og ferðin er upp og niður, hring eftir hring, með spennandi og hrollvekjandi uppákomum þar sem allt er litað skærum litum, og með háværum áherslum, og það er svo gaman - um stund.

Sumir, eftir að hafa verið á ferð um langa hríð, spurðu eftir stund er þetta raunveruleikinn eða er þetta virkilega bara ferðalag? Sumir sem þekkja þetta ferðalag koma til baka til að segja okkur; "Hey, hérna þarft þú ekkert að óttast aldrei, eða vera hræddur, vegna þess að þetta er bara ferð" -og við drepum þetta fólk.

"Hann verður að halda kjafti! Ég hef fjárfest í þessari ferð...sérðu ekki hvað ég ég markaður áhyggjum...sjáðu hvað ég hef lagt á mig fyrir bankainnistæðurnar mínar...fyrir fjölskylduna....þetta verður að vera raunveruleikinn".

En þetta er nú samt sem áður bara ferðalag.

En við drepum alltaf góðu gæjana sem reyna að segja okkur það, og leifum djöflunum að ganga af göflunum. En það skiptir ekki máli, þetta er bara ferðlag og við getum breytt um stefnu hvenær sem við viljum.

Allt sem við þurfum er að velja.

Ekkert erfiði, engin vinna, ekkert starf, engin sparnaður né peningar - bara að velja á milli ótta og kærleika.

Með augum óttans viltu setja stærri lás fyrir útidyrnar, kaupa byssur og loka þig af - augu kærleikans sjá okkur aftur á móti öll sem eitt.

Það sem við getum gert til að breyta heiminum strax, er að taka alla peninga sem við samþykkjum að eitt sé í vopn og varnir ár hvert. Í staðinn notað þá í að fæða, klæða og uppfræða þá sem eru þurfandi í heiminum, sem væri samt mörgum sinnum meira en þyrfti, og ekki ein manneskja yrði útundan, síðan kæmumst við áfram ...saman...bæði hið innra og ytra...að eilífu...í friði.  - Bill Hicks 1961 - 1994 (grínisti og uppistandari var vanur að ljúka þáttum sínum með þessari orðum).

Ef einhver hefur haft þolinmæði til að lesa svona langt er spurning um að gefa sér einnig tíma til að horfa á þetta uppistand.  Það tekur grínarann ekki nema nokkrar mínútur að ná fullri athygli, að vísu nokkuð grófur á köflum, og eftir er setið með allskonar ímyndanir.

 

Áfangi 101 í ímyndun fyrir fábjána.

Hérna kemur enn eitt fræðslumyndbandið um það hvernig heimurinn verður til fyrir eintóma ímyndun.  Eins og grínistinn Bill Hicks komst að orði þá ert þú ímyndun eigin hugsana og getur því breytt heiminum að vild.  Á það sama hefur verið bent af ekki minni spámönnum en Gandih, Buddha og Jesú Kristi ásamt mörgum fleirum. Ef þú vilt breyta heiminum byrjaðu þá á sjálfum þér, við að mála þá mynd sem þú vilt sjá notarðu ímynunarafl en ekki steingelda rökfræðina 2+2=4.   

Þegar ég sá þetta video sem hér er kynnt til sögunar vissi ég að hér var vísindaleg sönnun á ferðinni um það að hver og einn hefur allt vald í sínu lífi, það er bara spurning um það hvernig það er notað.  Mér varð meir að segja svo mikið um að ég bloggaði um þetta myndband á sínum tíma og tók hálfs árs frí frá bloggi á þessari síðu í framhaldinu til að sökkva ofan í viðfangsefnið laus við allt dægurþras. http://magnuss.blog.is/blog/magnuss/entry/1009444/

Þó ég hætti að blogga um dægurþras um stund þá breytti það samt ekki því að ég birti niðurstöður þess sem ég varð áskynja í rannsóknarvinnunni.   Til þess notaði ég sparisíðuna þar sem ég forðast eins og heitan eldinn að nefna það að fólk sem hefur verið hvít skrúbbað á milli eyrnanna af menntakerfinu gæti átt á hættu að öðlast gráðu til fábjána. http://maggimur.blog.is/blog/maggimur/entry/1068933

 

Eintóm ímyndun.

Í efni þess videos er bent á hversu mikilvægt það er að hugsa með hjartanu, láta tilfinninguna ráða á svipaðan hátt og þegar lært er að hjóla eða aldan stigin. Hér er gerð er tilraun til að benda á að við erum fædd sem lítil kríli hinna óendanlegu möguleika.  Það var í skóla sem okkur var kennt að endurtaka hugmyndir annarra í stað þess að hugsa eigin hugsanir. 

En allt er sjónhverfing og allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum. Sama sálin þó tími innrættra skilyrða hafi hulið skynjun þína móðu. Eða eins og Bill Hicks sagði; "Þú ert ímyndun þín sjálfs".

 

Dr. Rauni-Leena Luukanen-Kilde

Hér er kynnt til sögunnar Dr. Rauni-Leena Luukanen-Kilde er finnskur læknir auk þess að vera rithöfundur og fyrirlesari í dulsálarfræði.  Þetta viðtal er m.a. áhugavert fyrir þær sakir að þarna tjáir hún sig um eldra viðtal þar sem stórir kaflar fengu aldrei að koma fyrir almanna sjónir. 

Luukanen-Kilde var um árabil heilbrygðisráðherra í Finnlandi, nánar tiltekið yfirmaður heibrygðismála í Rovaniemi og Lapplandi. Hún hefur búið í Noregi síðan 1992, en hún giftist norskum diplómat í 1987.  Það er sjaldgæft að fólk með bakgrunn Rauni Kilde tjái sig um málefni sem oft eru flokkuð undir "samsæriskenningar" á jafn hispurslausan hátt og hún gerir í þessu viðtali

Rauni-Leena hefur gefið út fjölda bóka og hefur að minnsta kosti ein þeirra komið út á íslensku þ.e. Dauðinn er ekki til.  Þó svo að stór hluti viðtalsins sé um "fljúgandi furðuhluti" þá er þetta er sérlega skemmtilegt viðtal þar sem fjöldi málefna eru sett fram hiklaust og greinileg.