Í verðtryggðu víti.

Hafi einhver efast um að stjórnkerfið hafi verið búið að koma sér saman um niðurstöðu Hæstaréttar þá þarf þess ekki lengur. 

 

Frumvarp um að gengistryggð lán verði ólögmæt

Tími kominn á bless við AGS.

Fréttamenn ættu að rifja það upp þegar svona frétt er birt að samstarfi við AGS átti að ljúka í nóvember n.k..  Það segir meira en mörg orð hversu vel hefur gengið að endurreisa efnahag landsins að nú þegar hefur verið ákveðið að framlengja veru AGS við landstjórnina í fram til ágúst á næsta ári.

Það þarf ekki að gera ráð fyrir að Ísland fari betur út úr "endurreisn" AGS en aðrar þjóðir.  Jamaica fór t.d. í fimm ára "endurreisnarprógramm" 1977 AGS er enn í dag að aðstoða eyjaskeggja við landstjórnina, enda skuldastaðan orðin gjörsamlega óviðráðanleg.

Víkingar hjartans það er kominn tími á bless á AGS.

 

Þriðja endurskoðun að hefjast

Steingrímur hittir naglann á höfuðið.

Það er nákvæmlega af þessum ástæðu sem Steingrímur nefnir sem ekkert gengur að endurreisa nýtt og betra Ísland.  Þó svo hans flokkur sé sá eini sem hugsanlega geti lýst sig saklausan af hruninu, þá munu hann og fleiri aldrei getað tekið á málum vinnufélaga til áratuga.  Þannig er það einfaldlega ekki á vinnustöðum.  Þess vegna þarf að skipta út flokkum og fólki frá því fyrir hrun.

Það er nauðsynlegt að gera upp málin við þá sem telja sig hafa unnið landi og þjóð gagn við að setja allt á hausinn. Til þess þarf að skipta um fólk á Alþingi og í stjórnsýslunni.  Taka af launaskrá, losa þjóðina við eftirlaunaklafana.  Það er nokkuð ljóst að Steingrímur mun aldrei geta rétt fyrrverandi vinnufélögum þann starfslokasamning sem þeir hafa unnið til. 

Mikið tilfinningamál

Þessi klúbbur minnir á hænsnabú.

Í verksmiðjuvæddu hænsnabúi er ekki gott að vera svarti kjúklingurinn.

 

Hvers konar klúbbur er þetta?

Það mun sameina Íslendinga.

Sennilega væri það besta sem gæti hent íslendinga í dag að ESB aðildarviðræður rynnu út í sandinn.  Og kannski myndi það gagnast íslenskum almenningi best að viðskiptabann yrði sett á Ísland af ESB vegna makrílveiðanna.  Það er gífurlegt magn af fiski flutt óunnið úr landi og unnið í Grimsby og Hull.   Hugmyndir hafa verið viðraðar um að selja orku til ESB í gegnum sæstreng, þar yrði þá um frekar sölu á afrakstri auðlinda án virðisauka og atvinnusköpunar á Íslandi.

Ef ESB vildi aðstoða íslenskan almenning þá væri hann sennilega mestur með því tvennu að slíta viðræðum og setja á viðskiptabann.  Það vantar nefnilega hvorki markaði fyrir fullunnin matvæli né orku.

Það er hollt að kynna sér viðhorf Nigel Farage til vinnubragða ESB, hjá honum fellur talsvert á glansmynd ESB.

 

Sögð geta hindrað ESB-aðild

Hryðjuverkamenn og stríðsglæpamenn.

 

Tony Blair hefur verið iðinn við að skilgreina hverjir eru hryðjuverkamenn.  En er hann ekki einn af stríðsglæpamönnum 21. aldarinnar og ætti hann ekki að svara til saka sem slíkur?

Hryggur vegna fórnarlamba í Írak

Að vona það besta.

Mikið ofboðslega skil ég áhyggur  forsvarsmanna Avant vel, þegar; "Friðjón (formaður bráðabyrðarstjórnar) segir að "vonir standa til þess að stór hluti starfsmanna verði endurráðinn ef tekst að ná fram nauðasamningi.   En miklu skipti, hvað varðar framtíð Avant, niðurstaða Hæstaréttar varðandi gengistryggðu lánin. Verður málið flutt í Hæstarétti þann 6. september nk. Fjárhagsgrundvöllur Avant ræðst af þeirri niðurstöðu."

Nú verð ég bara að vona fyrir mína og Avants hönd að hæstiréttur standi í lappirnar og dæmi að í lagi sé að taka vexti samkvæmt tilmælum Seðlabankans og FME.  Annars eru störf tuga starfsmanna í uppnámi og ég búin að ofborga bíldrusluna, svo ekki sé talað um allar þær hörmungar sem starfsmenn Avants hafa leitt yfir aðra, kannski að tilefnislausu, það gæti verið þungbært að hafa það á samviskunni í atvinnuleysinu.

Öllum sagt upp hjá Avant

Að slá út á frest.

Reykjanesbær virðist vera fastur í þeirri hringiðu þegar málum er slegið á frest, þegar ekki er horfst í augu við vandamálið og staðan núllstillt.  Þetta er ekkert sér vandamál Reykjanesbæjar né Íslands þessu veldur ónýtt peningakerfi. 

Til að átta sig á viðfangsefnnu er ágætt að kíkja á skrif Jóhannesar Björns á síðunni http://www.vald.org/ .  Hér er síðasta færsla Jóhannesar, sem kemur inn á þennan alheimsvanda.

 

Peningakerfið gengur ekki upp

[19. ágúst 2010] Þessa dagana er mikið fjallað um „tvöfalda dýfu" eða hættuna á að hagkerfi heimsins sé að sigla inn í nýja efnahagslægð. Þetta eru léttvægar bollaleggingar í ljósi þess að hagkerfið hefur verið í samfelldri niðursveiflu í yfir tvö ár og þessi svokallaða uppsveifla var aldrei neitt annað en auglýsingaskrum. Það sem raunverulega fer hér fram er að bankaelítan er að reyna að réttlæta glæp. Hún setti hagkerfi heimsns á hausinn og tæmdi síðan ríkissjóði margra landa með hjálp spilltra stjórnmálamanna. Núna er þjófnaðurinn auglýstur sem góð hagfræði og aðgerð sem bjargaði heiminum frá enn verri kreppu.

Allar tölur benda til þess að verstu köflum kreppunnar hafi einfaldlega verið slegið á frest og peningunum sem ausið var í bankahítina hafi mestmegnis verið eytt í vitleysu. Skuldir fjölda ríkisstjórna eru í framhaldinu svo miklar að kerfið sem heild þarf að búa til nýjar skuldir (prenta nýja peninga sem bera vexti) upp á $4,5 trilljónir á þessu ári, bara til þess að geta borgað af gömlu lánunum.

Það sem skiptir mestu máli í þessu samhengi er að peningakerfið siglir í strand um leið og vextir hækka. Afborganirnar verða strax allt of háar og þess vegna er reynt að halda vöxtunum niðri með handafli. Stýrivextir geta þó ekki verið óeðlilega lágir of lengi í nútíma hagkerfi. Stærstu sjóðir samfélagsins-lífeyrissjóðir, fjárfestingasjóðir, tryggingafélög o.fl.-verða að ávaxta pund sitt til þess að geta skilað eðlilegum arði. Þegar vaxtastiginu er þrýst niður með handafli neyðast stjórnendur sjóðanna til þess að taka óskynsamlegar ákvarðanir, en flestir verða að ná um 8% ávöxtun til þess að geta staðið við skuldbindingar sínar. Í hagkerfi þar sem stýrivextir eru t.d. 1% fá menn ekki 8% arð nema þeir taki töluverða áhættu. Þess vegna eru núllvextir tifandi tímasprengja. Áhættuvextir eru boðnir vegna þess að fjárfestingin er hættuleg og það síðasta sem við viljum er að stórar upphæðir renni í vafasamar fjárfestingar sem einn góðan veðurdag springa í loft upp.

Stöðugur áróður og leikur með hagtölur á sér dýpri tilgang en að sviðsetja feluleik sem varpar hulu yfir nýleg voðaverk bankaveldisins. Það liggur alveg ljóst fyrir að svokölluð hnattvæðing, sem alfarið er í höndum risafyrirtækja og sömu elítu og stjórnar stærstu bönkunum, hefur eyðilagt hagkerfi margra landa og þá sérstaklega Bandaríkjanna. Áróðursdeildir fjölþjóðafyrirtækjanna verða að fela þessa staðreynd og flækja umræðuna eins lengi og unnt er.

Þrátt fyrir stöðug húrrahóp s.l. 18 mánuði og blaður um batnandi hagvöxt hefur skelfilega lítið gerst. Mörg ríki eru tæknilega gjaldþrota og bankakerfið felur enn feikilegt tap í bókhaldinu. Atvinnuleysi hefur víða ekki verið meira síðan í heimskreppunni miklu og fasteignir halda áfram að lækka út um allan heim. Þýski fasteignamarkaðurinn verður líklega eina undantekningin þegar upp er staðið, en fyrirsjánlegt verðfall fasteigna í Kína og Kanada (síðustu vígin) er byrjað.

Atvinnuleysi til lífstíðar blasir við vaxandi fjölda fólks í mörgum löndum. Þrátt fyrir að í kringum 15 milljónir einstaklinga hafi t.d. bæst við vinnumarkaðinn í Bandaríkjunum á þessari öld, þá hefur hagkerfið sem heild ekki skapað eitt einasta nýtt starf.

Á súluriti lítur þetta þannig út.

Sem fræðigrein hefur hagfræðin frekar slæmt orð á sér. Þetta stafar af því að flestir hagfræðingar, líkt og lögfræðingar, eru aðeins talsmenn þeirra sem borga þeim kaup. Þeir sníða kenningar að hagsmunum skjólstæðinga sinna frekar en að grúska í einhverjum grundvallarsannindum. Undanfarið hafa margir hagfræðingar í Bandaríkjunum talað um að það sé tímabært að endurmeta það sem nefnt er „eðlilegt" atvinnuleysi. Í staðinn fyrir að slá því föstu að 5% atvinnuleysi sé alveg eðlilegt þá sé t.d. 8% atvinnuleysi miklu nær sanni í nútíma hagkerfi. Sem sagt, frekar en að spyrna fótum við orsök vandans, nútíma þrælahaldi fjölþjóðafyrirtækja og vaxandi tekjuskiptingu, þá á að breyta gífurlegu atvinnuleysi í náttúrulögmál.

Eins og sést á þessu sögulega línuriti yfir Bandaríkjamenn sem eru búnir að vera atvinnulaust í 27 vikur eða lengur (og það sýnir ekki milljónir sem hafa dottið út eða milljónir ungmenna sem aldrei komust á blað), þá lítur út fyrir að varanlegt atvinnuleysi sé að þróast í miklu stærra vandamál en nokkurn grunaði fyrir aðeins örfáum árum.

Samkvæmt Financial Times hafa tekjur 90% Bandaríkjamanna staðið í stað síðan 1973 (lækkað ef verðbólgan er reiknuð út eins og gert var fyrir 1996) á sama tíma og tekjur ríkasta 1% þjóðarinnar hafa ætt upp um yfir 300%. Forstjórar voru að meðaltali með 26 sinnum hærri tekjur en pöpulinn 1973 en yfir 300 sinnum hærri tekjur í dag.

Eigendur risafyrirtækja raka inn peningum og borga forstjórunum vel fyrir að sýna einga miskunn. Þessi hörkutól rústa heimahögunum með fjöldauppsögnum og koma fyrirtækjunum síðan fyrir á stöðum sem leyfa þrælahald og eyðileggingu náttúrunnar. Leitin eftir sífellt ódýrari þrælum endar aldrei. Forstjórar Wal-Mart eru t.d. þreyttir á að borga kínverskum saumakonum sem svarar til $147 á mánuði (vinnuvikan er væntanlega 60-70 stundir) og eru að flytja verksmiðjur sínar til Bangladesh þar sem mánaðarkaupið er $64.

Hagfræðingar á launum hjá fjölþjóðafyrirtækjum reyna að rugla okkur í ríminu með því að blanda hnattvæðingu saman við hugmyndir um frjálsa samkeppni. Samkvæmt þessum rökum er það eðlileg þróun að flytja framleiðsluna til láglaunasvæða og byggja síðan upp þjónustuhagkerfi heima fyriri. Í orðagjálfrunu gleymist að geta þess að þjónustustörf eru yfir höfuð illa borguð, sérstaklega ef rannsóknar- og þróunarvinna er líka send til láglaunasvæða.

Kenningin um frjálsa samkeppni, eins og hún var sett fram af David Ricardo fyrir tveim öldum, gerði ráð fyrir „hlutfallslegum yfirburðum" og hagræðingu sem skapast þegar jafningjar keppa. Fjölþjóðafyrirtækin ná hins vegar „algjörum yfirburðum" með því að breyta leikreglunum og notafæra sér eymd og spillingu í fátækum löndum. Þau ná einokun sem beinlínis vinnur gegn frjálsri samkeppni.

Siðlaus hnattvæðing og allt of stór og spilltur fjármálageiri settu heiminn á hausinn. Bankaelítan sannaði síðan að hún heldur í alla valdatauma sem skipta máli. Það leikur varla nokkur vafi á að peningakerfið siglir í strand innan tíðar-við erum að tala um mánuði eða í mesta lagi tvö ár-og það verður annað hvort endurreist frá grunni eða millistéttin hverfur eins og dögg fyrir sólu.

Sennilega byrjar hrunið þegar Grikkland fuðrar upp í hálfgerðri borgarastyrjöld og önnur illa stæð ríki hætta þá um leið að fá önnur lán en okurlán. Ástandið í Grikklandi er hreint út sagt hræðilegt. Hagvöxtur lækkar um heil 4% á þessu ári, verkalýðssambandið, GSEE, telur að atvinnuleysi fari upp í 20% árið 2011 og landið verður að borga 11% vexti af fimm ára lánum á meðan Þýskland borgar ekki nema 1,4%.

Það er engu líkara en Alþjóðagjaldeyrissjóðurinn sé að nota Grikkland í tilraunaskyni til þess að sjá hvort ekki sé hægt að losa sig við millistétt þróaðs lands á einu bretti. Laun ríkisstarfsmanna hafa verið lækkuð um 20%, eftirlaun skert, skattar hækkaðir og þjónusta af öllu tagi skorin niður við trog. 17% allra verslanna í höfuðborginni eru komnar á hausinn og fjórðungur þeirra sem eftir standa eru með „Enoikiazetai" (til leigu) miða í glugganum. Ný alda uppsagna ríður yfir í haust ... og þá sjáum við hvernig fólk sem engu hefur að tapa tekur á málunum.

Óvissa um eignina

Veit Castro sínu viti?

Allir sem hafa kynnt sér atburðina 11.09.2001 vita að það eru tvær sögur á kreiki um orsakir þessara atburða.  Sú opinbera er útgáfa Bush stjórnarinnar um að Muslimskir öfgamenn séu ábyrgir fyrir þessum hryðjuverkum.  þessi útgáfa hefur alla tíð verið studd rökum ríkisstjórna sem hafa farið með stríð á hendur öðrum þjóðum með þeim afleiðingum að hryðjuverkið sjálft 9-11 bliknar í samanburði við þau voðaverk sem síðan hafa verið unnin.

Hin útgáfan af orsökum þessara atburða er sú að vantað hafi ástæðu sem alamenningsálitið gæti samþykkt til að ráðist á þann heimshluta sem Afganistan og Írak tilheyra.  Því hafi hryðjuverkin 09.11.2001 sem gerð voru í nafni Osama bin Laden og al-Qaida í raun verið gerð af voldugum öflum innan hins viðurkennda stjórnkerfis.   

Það einkennilega er að að opinbera útgáfan virðist vera það eina sem vestrænir fjölmiðlar eru tilbúnir til að fjalla um, jafnvel þó margir meinbugir séu á þeirri útgáfu og sýnt hafi verið fram á að margt í þeirra atburðarás fáist trauðla staðist.  Frekar en að leggjast í rannsóknarblaðamennsku hafa "mainstream" fjölmiðlar heimsins kosið að flokka allt undir "samsæriskenningar" sem ekki fylgir hinum opinbera sannleika.

 

Castro telur Bin Laden og Bush í samvinnu

Pása / The Show Must Go On.

 

 

Það er að verða eitt og hálft ár síðan að ég opnaði þessa bloggsíðu og hóf að setja fram mínar skoðanir á málefnum dagsins oft tengt mbl fréttum.  Eins og sannur karlmaður þá get ég hvorki straujað eða hugsað um meira en eitt í einu.  Það að tyggja tyggjó og labba samtímis er jafnvel of flókið fyrir mig.  Því hef ég ákveðið að taka pásu frá þessum bloggskrifum allavega næstu sex mánuðina.  Hugurinn stefnir annað og ég vil ekki láta fréttir dagsins trufla þá vegferð.  Það að setja sig inn í málefni frétta tekur einfaldlega of mikla athygli frá öðrum áhugamálum.

 

Á þessari síðu hef ég m.a. leitast við að koma að annarri hlið á málefnunum fréttanna þar sem sérviska mín hefur verið látin óspart í ljós.  Í mörgum athugasemdum hafa komið fram upplýsingar og ábendingar sem hafa gefið mér nýja sýn á málefnin, þó svo að ég hafi ekki viðurkennt það umbúðalaust.  Öll samskipti á þessari síðu hafa verið ánægjuleg og aukið mér víðsýni.

 

Hér til vinstri á síðunnar má finna "myndaalbúm", "færsluflokkar" og "mínir tenglar" þar hef ég sett inn það sem hefur verið mér hugleikið undanfarin ár, þar má fá innsýn á hverju sjálfsánægja mín og þrjóska hefur byggst.

 

Mínir tenglar eru;  

Sólhóll  sælureitur við sjóinn.  Síða sem býður til útleigu orlofshús. 

Múr, skraut og myndlist  er síða af múrverki og myndlist sem ég hef unnið að undan farin ár. 

Múrarinn  er betri síðan mín á mbl blogginu, hefur að geyma glósur um jákvæða hugsun.  Á þá síðu mun ég væntanlega bæta við efni á næstu mánuðum. 

Falið vald  er síða Jóhannesar Björns Lúðvíkssonar sem gaf út bókina Falið vald 1979, sem ég las þá um tvítugt og hefur haft mikil áhrif á mína heimsmynd.  Jóhannes sem er hagfræðingur, hefur reynst sannspár í gegnum tíðina þó svo að upplýsingar hans séu ekki þær sem haldið er að okkur í gegnum fjölmiðla.

Kryppan, annað sjónarhorn  er ný íslensk fréttasíða þar sem önnur sýn er gefin á málefni dagsins.  Þessi síða er glæ ný, vonandi nær hún að dafna.  Það er í það minnsta húmor í fréttunum þar.

The Crowhouse  er síða Ástralans Maxwell Igan sem hefur margt forvitnilegt efni að geima.

The Awakening  er mynd Maxwell Igan þar sem almenningur er vakni til vitundar um það sem er að gerst á þeim tímum sem við lifum.

Beyond The Cutting edge  er fyrirlestu David Icke í Brixton Agademy þar er öðruvísi sýn gefin á veruleikann og bent á að það erum við sem ráðum okkar veruleika.

Zeitgeist The Movie  er frábær mynd til að komast að á hverju valdakerfi samfélagsins byggir, hvernig fjármálakerfið virkar.  Það mun enginn líta peninga sömu augum eftir að hafa horft á þessa mynd.

Zeitgeist Addendum  er mynd um upphaf og endir fjármálkerfis okkar tíma, auk þess að gefa innsýn í þá framtíð allsnægta sem framundan er.

 

Þeir eru spennandi tímarnir sem við lifum.  Heimurinn sýnist útblásinn og spilltur með öllum sýnum launhelgu leyndarmálum.  Leyndarmálum sem nú er sópað undan teppinu, dregin fram úr skúmaskotunum þar til þau liggja fyrir almannasjónum.  Á þessum tímum þegar lögregla ætti að standa í fjöldahandtökum á þeim sem fara með valdið, hef ég reynt að láta ljós mitt skína hér á þessari síðu. 

 

Lög verða ekki betri þó þau séu sett samkvæmt leikreglum lýðræðis.  Ef þau eru setta af siðblyndum einstaklingum sem hafa tvöfalt siðgæði til að bera, eitt sem er í boði á fjögurra ára fresti fyrir almenning og hitt sem þjónar valdinu. 

 

En hver eru þau lög sem ber að virða?  Þau getur hver manneskja fundið í hjarta sínu.  Öll höfum við leiðsögukerfi hjartans sem segir okkur hvað er rétt og hvað er rangt.  Ef við efumst er gott að grípa til gullnu reglunnar "Allt sem þú vilt, að aðrir menn geri þér, það skalt þú þeim gera".  Því eins og meistarinn sagði á þeirri reglu hvílir lögmálið.

 

Ég vil þakka öllum þeim sem haf litið hérna inn til að lesa þessi sjálfumglöðu skrif.  En nú er mál að linni "the show must go on".