Vitskert ríkisstjórn.

 

Það er nokkuð ljóst að skattahækkanir ríkisstjórnarinnar hafa sömu afleiðingar og aðgerðir bankanna í aðdraganda hrunsins.  Það er að blóðmjólka kúna þar til hún dettur niður dauð.  Bankarnir freistuðust til að fella gengi krónunnar og magna upp verðbólguna til að blása út efahagsreikninginn, þar til blaðran sprakk og krónan hrundi.

 

Nú hefur ríkisstjórnin ákveðið að nota sömu hagfræðiuppskriftina, enda komnir með alla helstu hönnuði hrunsins úr bönkunum yfir á sína launaská.  Fyrirtækin hafa ákveðið að bíða ekki lengur, heldur grípa til þeirra aðgerða sem þau vonuðust til að geta komist hjá í heilt ár, þ.e. segja upp fólki í stórum stíl.

 

Undanfarnar vikur hafa verið fréttir af því hvernig opinberar stofnanir hafa séð sér leik á borði og lækkað starfshlutfall til að mæta kröfum um hagræðingu og síðan hefur atvinnutryggingasjóður borgað það sem upp á starfshlutfallið vantar.  Jafnframt hefur komið fram að þeir sem hafa mátt þola skert starfshlutfall fá atvinnuleysisbætur hlutfallslega jafnvel þó þeir haldi ennþá launum allt að 500 þús á mánuði.  Hækkun tryggingagjalds var það sem köppum kerfisins kom helst til hugar og nutu til þess stuðnings stöðugleikliðsins.

 

Í stað þess að stoppa trixin og taka á augljósum göllum kerfisins s.s. með því að skattleggja sjálfvirkar lífeyrisgreiðslur launafólks til stöðugleikaliðsins sem lofar atvinuppbygginu, hefur félagsmálráðherra helst gert ungt fólk og einstæðar mæður að skotspæni í hagræðingarskini.  Þessar skattaaðgerðir ríkisstjórnarinnar eru endanlega að sliga fólk og fyrirtæki landsins. 

 

En þó svo að þessar skatthækkanir gangi allar eftir, þá mun þetta engan vegin duga til að borga þær skuldir til er verið að stofna í nafni þjóðarinnar.  Tekjuskatturinn einn, af öllum skattgreiðendum þessa lands, rétt dugir upp í vexti til erlendra lánadrottna. 

Uppsagnir hjá Ölgerðinni

Að skora á vinsældarlistanum.

Með breytingum á skattlagningu arðgreiðslna einkahlutafélaga ætlar ríkisstjórnin að skora stig í vinsældum.  Þetta mun virka til vinsælda hjá þeim sem ekki skilja eðli rekstrar og hvernig hann er skattlagður hjá einkahlutafélögum.   Flestar fréttir af einkahlutafélögum, undanfarna mánuði, hafa verið tengdar kúlulánum og öðru gjörningum sem ekkert á skylt við rekstur.  Þetta mun því aðeins draga máttinn úr nýsköpun, frumkvæði og sjálfstæðum atvinnurekstri.  En svona trixum er ætlað að skora hjá launþegum sem eru að stórum hluta hjá ríkinu eða fyrirtækjum sem eru rekin á ábyrgð ríkisins í gegnum bankana.

 

Skattayfirvöld hafa alltaf skattlagt eigendur einkahlutafélaga í atvinnurekstri á sambærilegan hátt og launþega.  Þetta hefur verið gert með reiknuðu endurgjaldi sem er t.d. hjá sjálfstætt starfandi iðnaðarmanni af launum upp á kr.276.000 á mán, hjá sérfræðingi sem stýrir rekstri af launum upp á kr.725.000 á mán..  Af þessum tekjum verður að greiða  36% skatt af áður en  má taka út arð af hagnaði félagsins sem er skattlagt 18% + 10% fjármagntekjur af arðinum alls 28%.  Þannig að ekki hefur munurinn verið stór og varla þess virði að taka áhættu af rekstri.  Öruggara hefur verið að planta sér á launskrá þess opinbera.  Reglur um reiknað endurgjald 2009 má sjá hér.

 

Ríkið mun því með þessari breytingu á skattlagningu grípa í meira en tómt.   Það sama á við hækkunina á fjármagnstekjuskattinum hún mun hitta þá fyrir sem síst skyldi, ellilífeyrisþega og heimili í vanda sem reyna að drýgja tekjur sínar með húsaleigu.  Þessar breytingar hefðu skilað tekjum í ríkiskassann 2007 en í dag munu þær sennilega minka tekjuflæðið í hann.  Þau einkahlutafélög sem voru í raunverulegum rekstri og lifðu hrunið af eiga flest hver gífurlegt tap til að mæta sköttum.  Einkahlutfélögin sem stofnuð voru um kúlulán stjórnmála- og bankamanna eru hvort því sem er komin í þrot og skuldirnar verða afskrifaðar samkvæmt uppskrift frá félagsmálaráðuneytinu.

 

Það má svo spyrja sig í ljósi þess að fyrirhugað er að hækka fjármagnstekjuskatt í 18% um næstu áramót, hvort það ætti ekki að lækka tekjuskatt á einkahlutafélög?

 

Sá sem starfar já eigin ehf fyrirtæki greiðir væntanlega 37-46% tekjuskatt samkvæmt reiknuðu endurgjaldi af viðmiðunartekjum sem fylgja meðaltekjum á vinnumarkaði.  Einkahlutafélagið greiðir 18% af hagnaði og ef eigandi tekur út arð ber honum að greiða 18% fjármagnstekjuskatt til viðbótar allt gerir þetta samtals 36% sem er sama hlutfall og tekjuskattur.  Skiptir þá ekki máli hvort um lágt reiknað endurgjald er aða ræða eins og t.d. hjá iðnaðarmanni sem starfar við eigið fyrirtæki, hann lendir í raun með allan arðinn í fullum tekjuskatti.

 

Boðaðar skattkerfisbreytingar eru óskiljanlegar ef það á að nýta sjálfsbjargarviðleitni og frumkvæði einstaklinganna við endurreisn efnahagslífsins.  Það er hreinlega verið að ýta fólki á ríkisjötuna. 

Hluti arðgreiðslna skattlagður

Gjaldborgin efld með hærri fjármagnstekjuskatti.

Það eru litlar líkur til þess að þessi hækkun á fjármagnstekjuskatti verði sóttur annað en til heimilanna, fyrirtækin eiga gífurlegt tap uppsafnað í kjölfar hrunsins.  Eins flestum er ljóst voru flestir þeir sem báru fjármagnstekjur þegar búnir að koma sér upp eháeffi til skattalegs hagræðis.

 

Með því að hækka fjármagnsskattur úr 15% í 18%, hafa heimilin verið skattlögð enn frekar.  Þau heimili sem hafa tekjur af leigu hafa mátt horfa upp á 80% skattahækkun af þeim tekjum á þess ári en flest húsaleiga heimila hefur verið skattlögð sem fjármagnstekjur.

 

Það er nokkuð ljóst að nú borgar sig fyrir mörg heimili að ehf væðast, svo ekki sé nú talað um að nýta sér ehf sem kann að vera til í fjölskyldunni sem á uppsafnað tap hrunsins til að dekka "hagnaðinn" af húsaleigunni. 

Þriggja þrepa skattkerfi

Hversu öruggt er bóluefnið?

Fram hefur komið í erlendum mbl  fjölmiðlum að svissnesk stjórnvöld hafi ekki veitt leyfi til að nota bóluefnið Pandermix til að bólusetja þungaðar konur, börn og fólk 60 ára og eldra við svínaflensu, en það er bóluefnið sem notað er hér á landi. 

 

Í fjölmiðlum hér á landi fer lítið fyrir þessum efasemdum um bóluefnið, yfirlýsingar sóttvarnalæknis um öryggi þess eru látnar nægja.  En skildu vera áform uppi hér á landi, um að nota tvennskonar bóluefni eitt fyrir þungaðar konur, börn og fólk 60 ára og þá kannski fyrir háttsetta stjórnmálamenn eins og hugmyndir virðast hafa verið uppi um í Þýskalandi.

 

Í Iris Times 21.10. koma fram að skiptar skoðanir eru uppi um Pandermix í öðrum löndum, má sjá grein Irish Time í heild hér. 

 

Þar segir m.a. "THE GERMAN Medical Association (BAK) has advised against giving young children and pregnant women the new swine flu vaccine Pandemrix, containing an immune system-stimulating compound.  Instead the BAK, the equivalent of the Irish Medical Organisation, has called for the federal government to hand over to high-risk groups another, standard vaccine - Celvapan - which was ordered for use on armed forces and state employees. "It would be wise to swap - the federal government should use the normal vaccine and make its own doses available to those who should be using the better-tested vaccine," said Dr Frank Ulrich Montgomery, vice-president of the German Medical Association. "We know the effects of the various ingredients in adjuvant vaccines but not the combined effect. It's understandable that people are wary of getting jabs of drug cocktails.  "Health authorities in Ireland and Germany have recommended swine flu vaccination and have ordered the same two vaccines - Celvapan by Baxter and Pandemrix by GlaxoSmithKline (GSK).

 

Bólusetningarsöngurinn; finnst þér að þú ættir að spyrja spurninga?

http://www.youtube.com/watch?v=0bly-hmh8jk&feature=player_embedded

Bólusetja á sem flesta

Verkfæri fjármagnseigenda.

Sagt er að grundvallar tilgangur ríkisstjórna nútímans sé að vera verkfæri fjármagnseigenda að vösum almennings.  Þau sannindi hafa sjaldan opinberast eins rækilega og síðastliðið ár.  Ræningjar nútímans eru eru jakkafataklæddir og njóta aðstoðar stjórnmálamanna.  Rán nútímans fara fram með því að ræna banka og sjóði innanfrá og láta síðan almenning borga brúsann í formi, skatta, vaxta, verðbólgu og greiðslna í lífeyrissjóði.  Skattar eru notaðir til að greiða skuldir ríkisins við lánadrottna sem urðu til þegar sömu aðilar tæmdu banka og sjóði innanfrá,  almenningur er látin borga vexti af stökkbreyttum höfuðstól, verðbólgan malar gull í gegnum vertrygginguna og sem fyrr er launafólki gert að láta 12 % tekna sinna renna  lífeyrissjóði án þess að skattleggja iðgjaldagreiðslur fyrirfram, því þá myndi spilapottur þeirra jakkafataklæddu minka. 

 

Sömu aðilar og komu okkur í þessa stöðu telja síðan almenningi trú um að þeir séu best til þess fallnir að greiða úr flækjunni og ránið heldur áfram.  Það að kenna núsitjandi ríkisstjórn Íslands við velferðarstjórn og ASÍ við alþýðu eru einhver mestu öfugmæli sem hægt er að huga sér, nema átt sé við velferð fjármagnsins.  Það hefur aldrei áður á Íslandi verið við völd ríkisstjórn og verkalýðsforysta sem hefur gengið eins hart fram í þágu fjármagnseigenda.  Nú er ekki svo að lengur sé um eiginlega íslenska fjármagneigendur að ræða, því þeir eru ekki til hér á landi, nema þá sem tækifærissinnaðar afætur á almenningi, hinn raunverulegur auður þjóðarinnar rennur úr landi.

 

Það er ekki þar með sagt að einhver önnur ríkisstjórn eða aðilar vinnumarkaðar hefðu farið öðruvísi að og það er ekki mikill stigsmunur á ríkisstjórnum annarra þjóða sem keppast við að moka skattgreiðslum í bankakerfið.  En hér er viðnámið nákvæmlega ekkert.  Þegar Micael Hudson  talaði um "Stríðið gegn Íslandi" í apríl síðastliðnum þá mátti hverju mannsbarni vera ljóst hver vígstaðan var.  Sem aldrei fyrr mun afraksturinn af vinnu Íslendinga renna til þeirra ofurríku.  Þetta er að gerast með aðstoð ríkisstjórnarinnar og aðila vinnumarkaðarins, AGS sér svo um heimturnar.  Staðan er orðin þannig að hinn almenni borgari þarf í reynd að taka lán, til að borga sér laun, borga skatta og safna upp lífeyrissréttindum.  Síðan á að treysta þeim aðilum sem létu greipar sópa innanfrá til að ráðstafa pakkanum.

Íslenska leið peniganna til fjármagseigenda.

Ameriska leiðin.

 

Hinn hámenntaði hagfræðingur.

Skoða hærra tryggingagjald og þrep í tekjuskatti

Bólusetning; nei takk?

 

Þó svo allar fréttir sem koma fram í almennum fjölmiðlum birti gagnrýnilaust áætlanir um fjöldabólusetningu sem lausn við svínaflensu, þá má finna lækna sem vara eindregið við bólusetningum.  Þeir hvetja hraust fólk til að íhuga bólusetningu gaumgæfilega áður en ákvörðun um hana er tekin.

 

Margir benda á D vitamin sem góðri vörn gegn við flensuvírusum.  Öflugur D vitamin gjafi er t.d. gamla góða þorskalýsið.  Kannski er lífstíll ungs fólks orðin þannig að D vitamin er ekki til staðar í líkamanum í nægu magni?  Hér  er bráð skemmtilegur fyrirlestur Michael F Holick Ph.D, M.D. í Boston Univrsiti um gagnsemi D vitamins, settur fram á alþýðumáli Homers Simpsons.

 

Þetta video er um eiginleika D vitamins gegn flensu. 

http://www.youtube.com/watch?v=rCadkv_8_5Q&feature=player_embedded

Svínaflensan veikindi unga fólksins

Hvar er draumurinn, hvar er lífið sem ég þrái?

Vill einhver vera um borð í flugvél þar sem flugstjórinn heilsaði farþegunum með þessum orðum, "góðir farþegar, við vitum ekki hvert við erum að fara, en við vitum að við viljum ekki lenda í sjónum, flugskilyrði eru afleit og það verður að koma í ljós hvort við höfum nægt eldsneyti yfir hafið".  Sennilega ekki en í svona flugferð finnst vafalaust mörgum þeir hafa verið í mánuðum saman. Fyrirvarar sem Alþingi setti við ríkisábyrgð á icesave í sumar voru ekki rismiklir.  En þó má segja að þeir hafi gengið út á að björgunarbátar yrðu hafir með í þessa óvissu ferð yfir hafið.

 

Hún viðist ekki vera björt framtíðarsýnin sem stjórnvöld boða nú þegar rúmt ár er liðið frá hruninu og rykið er að setjast.  Kannski ekki hægt að ætlast til þess að stjórnvöld veki stóra drauma með þjóðinni um bjartari framtíð.  Grundvöllurinn er allt annar en fyrir rúmu ári síðan.  Flestir íslendingar búa við breyttan veruleika. 

 

Nú er verður hver og einn að móta sína framtíðarsýn, ekki er hægt að bíða lengur eftir stjórnvöldum. Drauminn um um bjarta framtíð má aldrei slokkna og það er síst minni ástæða til að dreyma stóra  drauma nú en fyrr.  Þeir eru mikilvægasta leiðsögnin til framtíðar.  Þeir eru mikilvægir við að rétta af leiðsögkerfi hvers og eins.  Aðeins með hjartans draumum kemst einstaklingurinn til þess staðar sem hann óskar sér í framtíðinni. 

 

Um 2024 verða íslendingar á mínum aldri komnir á það aldursskeið sem fólkið í þessu meistaraverki er og geta látið sig dreyma óháð icesave um að aldrei framar verði börnin skuldsett.  

http://www.youtube.com/watch?v=ghFN1UFtQho&feature=player_embedded

253 milljarða skuldbinding

Er bólusetning skaðlaus?

Það fer lítið fyrir gagnrýni íslenskra fjölmiðla á þeirri bólusetningaherferð við svínaflensu sem nú er að fara í gang. Það er samt vitað að bóluefnið kostar álíka mikið og fyrirhugaður niðurskurður í heilbrigðiskerfinu á næsta ári. 

Erlendis eru þeir margir sem hafa verulegar efasemdir um þessa bólusetningaherferð gegn heimsfaraldri svínaflensu,  þar á meðal má finna lækna sem var eindregið við sjálfu bóluefninu.

http://www.youtube.com/watch?v=E1z7KSEnyxw&feature=player_embedded

Byrjað að bólusetja

Sterling trixin tekin á icesave.

Það er alltaf jafn athyglivert þegar menn ná samkomulagi við sjálfa sig, nær undantekningarlaust verður útkoman frábær.  Nú hafa íslensk stjórnvöld, gamli gjaldþrota Landsbankinn og nýi fjárvana Landsbankinn náð samkomulagi um uppgjör sem gerir ráð fyrir að 90% fáist upp í icesave. 

Eins og kunnugt er orðið er allur pakkinn á framfæri íslenskra skattgreiðenda.   Þetta hlýtur því að teljast frábær árangur og eru varla dæmi um eins jákvæða fjármuna myndun síðan Sterling gekk kaupum og sölum, sælla minninga.

Bankamenn geta einnig andað léttar, þeir sem misstu vinnuna flestir komnir í vinnu aftur hjá gömlu þrotabúunum eða nýju févana bönkunum við að annast verðmætin.  Svona atvinnusköpun hafa einungis útrásarvíkingar og pólitíkusar getað staðið fyrir.  En ætla má að almenningur borgi brúsann að meira eða minna leiti á endanum.

90% upp í forgangskröfur

Bólusetning, nei takk?

Það hefur verið athyglisvert að fylgjast með því hvernig áróðurinn fyrir bólusetningu hefur farið stig vaxandi.  Fyrstu fréttir hér á landi gáfu til kynna að aðeins helmingur landsmanna ætti kost á bólusetningu.  En nú er talið að bóluefnið sem kemur til landsins séu það öflugt að ein bólusetning í stað tveggja dugi.  Því verði hægt að bólusetja alla landsmenn innan skamms. 

 

Það fer ekkert fyrir efasemdum í fjölmiðlum um gagnsemi þessarar bólusetningar né um hugsanlegar afleiðingar.  Það er samt margt málsmetandi fólk sem efast um ágæti þessara fjöldabólusetninga og sumir vara hreinlega við þeim. 

 

Það ætti því hver og einn að kynna sér málin frá fleiri en einn hlið áður en hann ákveður að láta bólusetja sig það þarf ekki að taka nema nokkrar mínútur.  Það er auðveldast að gera á netinu því allar upplýsingar fjölmiðla eru einhliða.  Ef þú vilt virkilega koma róti á hugann þá geturðu byrjað hér .

15 þúsund skammtar á fimmtudag