Þau geta fengið hyskið.

Mín vegna mættu þjóðir í skuldbasli fá Steingrím, Jóhönnu og allt helferðarhyskið sér til aðstoðar.  Almenningur í þessum löndum myndi þá gera eitthvað róttækt til að losa sig við það hyski í eitt skipti fyrir öll þegar það kæmist að því að það ætti að borga heimili sín aftur og það ekki einu sinni heldur oft. 

Íslenska leiðin felst í því að það var farið inn á heimilin og þau rænd svo hægt væri að halda bönkunum og hyskinu uppi.

Íslenska leiðin til fyrirmyndar

Hryðjuverk!

 

Hvernig í ósköpunum komst maðurinn inn í þinghúsið með raksápu?  Það er auðséð að þeir verða að bæta öryggiseftirlitið þarna áður en fólk fer að valsa út og inn með vatnsflöskur.  Þeir geta varla verið með lakara öryggiseftirlit en flugfélögin á sjálfri hryðjuverkalagasamkuntunni.

Kastaði raksápu á Murdoch

Blessaðir bjálfarnir.

 

Ætli það væri ekki ráð að brynna músum á hávísindalegan hátt í háskóla til að komast að niðurstöðu í þessu vatnsmáli ? 

Senda svo niðurstöðuna út á öldum ljósvakans með diet, snakki og prosac.

Véfengir kosti vatnsþambsins

Trúir þú enn?

Úrvalssveitin sem myrti Bin Laden

Hvernig á annað að vera?

Lúðvík Ólafsson, lækningaforstjóri Heilsugæslu höfuðborgarsvæðisins segir fólk verða að átta sig á því að íslenska heilbrigðiskerfið sé að hruni komið og þolmörkum varðandi niðurskurð sé náð.  Hann fer örugglega nokkuð nærri sannleikanum þegar hann bendir á að; „Hluti af stóra vandamálinu er að við erum með fólk sem fær að taka ákvarðanir án þess að hafa til þess þekkingu og reynslu."

Hin hliðin á vandanum er sérfræðingarnir sem vita orðið svo mikið um lítið að engin er marktækur nema vera með helst fimm háskólagráður. Nægir þar að líta til alþingis með þétt skipaðan bekkinn af hagfræðingum og lögfræðingum, en meira en galtóman ríkiskassann.  Og allra þeirra vel menntuðu sérfræðinga sem voru á fínum launum við að setja Ísland á hausinn með reynsluleysi sínu og rörsýni.

Heilsugæsla nálgast hrun

Geymt en ekki gleymt.

Það er nokkuð víst að aðgerðir stjórnvalda til handa heimilum á Íslandi í kjölfar hrunsins á framtíðin eftir að dæma sem mannréttindabrot og einhverjar verstu efnahagsaðgerðir sem um getur á byggðu bóli.  Það er í raun með ólíkindum að fólki skuli vera ætlað að skulda 110% í eignum sínum, að öðrum kosti sé því ógnað af stjórnvöldu með útburði. Dæmin um hvað heimilum landsins er ætlað að þola eru orðin mörg og yfirgengileg.

Dæmi: Tvær fjölskyldur, A og B kaupa fasteign í sama hverfi, tvö samskonar hús á sama verði, segjum 40 milljónir. Fjölskyldurnar eru með svipuð laun, hafa safnað álíka miklum sparnaði og eru með jafn mörg börn á framfæri.

Þessar fjölskyldur fara þó sitthvora leiðina í húsakaupum. Fjölskylda A leggur allan sparnaðinn sinn, 20 milljónir í húsakaupin og á þar með c.a. 50% í eigninni.

Fjölskylda B er svolítið grand á því og ákveður að rífa allt innan úr húsin og endurnýja það frá A-Ö. Iðnaðarmenn eru að störfum í 6 mánuði og kostnaður endar með því að vera c.a. 12 milljónir. Fjölskylduna hefur alltaf langað í húsbíl og jeppa svo hún notar 4 milljónir af sparnaðinum til að fjármagna þau kaup. Þau taka 90% lán fyrir húsinu.

Eftir fall krónunnar og misgengi verðbólgu, fasteignaverðs og launa þá er staðan svona:

Fjölskylda A skuldar 27 milljónir en fasteignin er komin í 32 milljónir. Þau eru með c.a. 85% veðsetningarhlutfall.

Fjölskylda B skuldar 48.6 milljónir en fasteignin er komin í 32 milljónir. Þau eru með c.a. 150% veðsetningarhlutfall.

Fjölskylda A fær engar afskriftir, samkvæmt 110% reglunni.

Fjölskylda B fær hámarksafskriftir, allt að 13.4 milljónir og 7 milljónir í það minnsta. Þetta gæti raunverulega verið meira en reiknað tjón sem fjölskyldan varð fyrir vegna forsendubrests (þ.e. misgengi verðbólgu og launa), en reikna má með að raunverulegt tap sé ca 6-10 milljónir.

Óréttlætið er nokkuð augljóst eins og þetta liggur fyrir núna en það má líka breyta dæminu svolítið og gefa sér það að Fjölskylda A sé með lægri laun en B (og fékk þess vegna ekki greiðslumat fyrir 90% láni). Fjölskylda A ræður því ekki við afborganir en fær enga lausn og fer á hausinn. Fjölskylda B sem réð ágætlega við sínar afborganir fær samt sem áður afskriftir á sínum lánum.

Annað dæmi: Fjölskylda tekur út séreignasparnaðinn, 2 milljónir til þess að lækka hjá sér greiðslubyrði. Við það fer viðkomandi ( t.d. ef lánið stóð í 24 milljónum) úr 120% veðsetningu niður í 110%

Þessar 2 milljónir eru glataðir peningar og hefðu allt eins geta farið beint í ruslið (eða sem framlag til styrktar einhverjum velgjörðarsamtökum), því það er akkúrat upphæðin sem viðkomandi hefði fengið afskrifað hvort sem var.

Þessi tvö ofangreind dæmi má finna í grein Þórðar Magnússonar á Svipunni.   Dæmi Þórðar eru aðeins einn angi af óskapnaðnum.  110% leiðin á eftir að komast í sögubækur sem einhver mesta misgjörð sem gerð hefur verið gagnvart eignaréttinum í hinum vestræna heimi á síðari árum.  Lögbirtingablaðið ætti að vera skyldulesning, þar má sjá hvernig lögfræðingar maka krókinn við að leiða heimili landsins svo þúsundum skiptir til nauðasamninga við að afsala sér eignum sínum til bankanna í boði stjórnvalda.  Þó er þar aðeins hálf sagan sögð.

Fleiri og vavalust ljótari dæmi um rán fjármálastofnanna á heimilum fólks í skjóli stjórnvalda:

Tvær fjölskyldur keyptu sér sitt hvora íbúðina í sama húsinu 2007 á 25 milljónir. Önnur fjölskyldan tók 100 % lán og skuldar í dag um 34 milljónir. Hin fjölskyldan átti 10 milljónir og tók því 15 milljónir að láni og skuldar í dag um 21 milljón. Gefum okkur að íbúðirnar kosti í dag um 20 milljónir og lánin hafi hækkað um c.a. 35 % samkvæmt verðtryggingu.

Samkvæmt leið ríkisstjórnarinnar þá fær fyrri fjölskyldan sem tók 100 % lánið afskrifað niður í 110 % og skuldar því 22 milljónir og hefur engu tapað þó hún skuldi 2 milljónir umfram verðmæti, hún losnar í reynd við að greiða 3 milljónir af upphaflega höfuðstólnum.

Hin fjölskyldan fær enga leiðréttingu, skuldar 21 milljón og er búin að tapa þeim 10 milljónum sem hún lagði fram í upphafi. 

Þessar 110% hundakúnstir kosta bankana ekkert, því verið er að færa lán í 110 % veðsetningu, úr 100% veðsetningu sem var áður og ef þeim tekst að fá fólk til að borga af 110 % veðsetningu þá eru þeir að græða en ekki tapa því eðlilegt er að skuldari skuldi ekki meira en nemur verðmæti eignarinnar ef hann lagði eitthvað fram sjálfur í upphafi.  Ef bankinn lánaði 100 % í upphafi þá væri eðlilegt að bankinn tæki sjálfur tapið af því.

Það er enginn akkur í því fyrir neinn að skulda umfram verðmæti húsnæðisins síns og sinnar fjölskyldu og aðeins ógnin um að hafa ekki þak yfir höfuðið sem heldur fólki í þannig skuldaáþján.

Það mun koma að skuldadögum hjá helferðastjórninni og hyskinu á alþingi.  Þá verður ekki hægt að skýla sér á bak við heimsku því það er löngu ljóst að hér er um hreina glæpastarfsemi að ræða. Hvers vegna í ósköpunum hyskið verðlaunar þá sem aldrei áttu neitt með110% leiðinni og hunsa þá sem áttu 50% í eign sinni en eru í dag eignarlausir er hvorki hulin ráðgáta né heimska.  Það er glæpur í boði stjórnmálamanna við að ræna heimili landsins til að þóknast fjármálaöflunum.  Glæpur sem verðu geymdur en ekki gleymdur á Íslandi um ókomin ár.

Til að taka þetta saman í örstuttu máli þá er110% leiðin er eins ranglát og hugsast getur, í dag skuldar maðurinn sem skuldaði 100% árið 2007 110%, í dag skuldar maðurinn sem skuldaði 50% árið 2007 85%.  Með 110% hundakúnstum getur sá varkári í dag skuldaðh jagnvel meira í sinni eign en sá sem aldrei átti neitt.

Hvar er réttlætið? Er ekki málið að sá sem eitt sinn skuldaði 50% og í dag skuldar 85% heldur áfram að borga og sá sem skuldaði eitt sinn skuldað100% heldur áfram að borga og glæpa hyskið sem setti allt á haus heldur áfram að fá sitt.

Hættan var upphaflega sú að sá sem alltaf skuldaði allt sitt í formi gengistryggðra lána hætti að borga þegar skuldin var komin í 200% samkvæmt ólöglegum reiknikúnstum hyskisins, sá er færður niður í 110% ásamt þeim sem tóku glannaleg verðtryggð lán, til að þess að þeir borgi áfram og aðferðin er kölluð "skjaldborg um heimilin"...

Skjaldborgin er ekki einu sinni byggð á hræsni hún er byggð á hreinni glæpastarfsemi.

 

300 umsóknir í gær

Trúir þú enn?

Mikill herkostnaður

Blessaðir álfarnir.

 

Blessaðir vísindaálfarnir, ætli þeir hafi fengið vel borgað fyrir þessar rannsóknir.  Því verður aldrei of oft haldið til haga að menntun er máttur, allavega er hún atvinnuskapandi.

Leikmenn hafa lengi vitað að það er til mikillar bölvunar að éta og drekka vísindaformúlur, þó svo álfarir í vísindasamfélaginu séu fyrst að uppgötva það núna, eftir áralangar tilraunir á mönnum og músum.  Þeir hefðu reyndar getað sleppt þessu með mýsnar í þetta sinn, því þetta hefur verið augljóst á mannfólkinu í meira en tvo áratugi.  Það ber það utan á sér eins og aðvörunarskilti. 

Það var strax á áttunda áratugnum sem flestu hugsandi fólki var ljóst að sá sem ætlaði að halda í við sykurneysluna með Diet Coke, hafði sjúklega þörf fyrir að skófla í sig nokkrum Lionbar á eftir.  Við félagarnir tókum sérstaklega eftir einum sem síður en svo var sólgin í sykur.  Hann var þykkur frá náttúrunnar hendi, stórbeinóttur og sterklegur en þætti ekki feitur í dag.  Hann vildi samt vera grennri, í upphafi var það bara ein Diet Coke á sjoppunni á kvöldin, eftir svolítinn tíma var hann farinn að biðja um eina Diet Coke og tvö Lionbar.  Það var strax þá sem við vissum að hann var ekki hálfviti heldur var það vísindaformúlan "diet" sem var orsakavaldurinn.  Hann hætti strax í dietnu og hefur aldrei átt við 70% stærra mittismál að glíma.

 

Sykurskertir drykkir fitandi

Ísland; langbest í heimi.

Manni er semsagt leyfilegt að að lána leppfyrirtæki annarra fé, sem kaupir ónýta pappír af manni sálfum, ef maður er í aðstöðu til þess. 

Eftir sem áður hlýtur að vera harðbannað að stela.  En gæti maður komist upp með að láta leppfyrirtæki stela fyrir sig og sína 800 milljónum í verslun þar sem manni er treyst fyrir lyklunum?

Brutu lánareglur en voru sýknaðir

Hvenær fer jarðaförin fram?

Upphaflega var það gjaldmiðilsvandi Íslendinga sem var notaður sem réttlætingin fyrir umsókn að ESB, ekkert annað kallaði á aðildarumsókn. 

Undanfarið hefur banalega evrunnar orðið lýðum  ljós og því ekki spurning lengur um að krónan þjónar hagsmunum Íslands betur í framtíðinni.   

Leiðandi ríki ESB eru nú þegar farin að haga sér eins og gráðugir ættingi sem reynir að leyna dauða fjölskyldumeðlimar í þeim tilgangi að svíkja ellistyrkinn áfram út úr almannatryggingakerfinu.  Nægir þar að líta til Grikklands. 

 

Söguleg stund fyrir Ísland