Skildi þetta vera tilviljun.

Það er einkennilegt hvað tilboð frá Kanada koma oft í auðlindatengd fyrirtæki á Íslandi.  Þar er skemmst að minnast Magma Energy.  Skildi þetta vera tilviljun eða ætli sérfræðiþekking á íslenskum verðmætum sé til staðar á bak við þessi viðskiptaáform?  

Það er vonandi að þarna séu einhver íslensk tengsl.  Það yrði ekki gott ef þessi 50 störf sem eftir eru hérlendis hjá Icelandic töpuðust.  Í fréttinni kemur fram að starfsmenn Icelandic eru samtals um 3700 og af þeim starfa um 50 hér á landi.  Íslenskur fiskur skapar sem sagt 3700 störf erlendis hjá ramm-íslensku fyrirtæki.  Er það nema von að sjávarpláss Íslands séu orðnar eins og drauga bæir?

Það væri eftir öðru að lífeyrissjóðir launafólks á Íslandi settu ekki aðeins punktinn aftan við sögu fiskvinnslu á Íslandi, heldur einnig íslensks eignarhalds í sjávarútvegi.  Enda er miklu meira upp úr því að hafa að stunda lögfræðistörf, komast í óþrjótandi verkefni Sérstaks, svo ekki sé talað um uppgripin í slitastjórnum og skilanefndum.

Eru menn farnir að átta sig á því hvað erlend fjárfesting er?

52 milljarða tilboð í Icelandic