Lögfræðilegir loftfimleikar

Það er sniðugt af Umhverfisstofnun ríkisins að sekta gjaldþrota kompaní um 3.798.631.250 kr vegna aflátsbréfa ímyndaðs loftslags.

En hver ætli rökstuðningurinn sé fyrir 3.798.631.250 kr sekt á gjaldþrota WOW.

„Þú færð þessa risa­stóru sekt ef þú stend­ur ekki skil á þínum heim­ild­um,“ seg­ir Elva Rakel Jóns­dótt­ir, sviðsstjóri lofts­lags­mála og græns sam­fé­lags hjá Um­hverf­is­stofn­un, við mbl.is.

„Það er mjög af­ger­andi stefna tek­in hjá Evr­ópu­sam­band­inu í þess­um mál­um. Menn ákveða að leggja svona rosa­lega háa sekt á það ef fé­lög brjóta regl­urn­ar sem all­ir þurfa að vinna eft­ir,“ seg­ir Elva.

Hvað ætli margir lögfræðingar nái svo að mata krókinn á kostnað íslenskra skattgreiðenda á svona loftfimleikum?

Og ætli viðurlögin verði kolefnisfríar galdrabrennur ef ekki tekst að innheimta 3.798.631.250 kr sektina?

Losunarheimildir mun ódýrari en sektin

Athugasemdir

[Aztec, 5.7.2019 kl. 17:26]

Og hvað ætli margir flokksgæðingar hinna ýmsu flokka hafa fengið marga pólítíska bitlinga og óþarfa stöðugildi vegna loftslagssvindlsins?

Ég er viss um að allir þessir embættismenn geri sér grein fyrir þeirri eðlisfræðilegu staðreyndað koltvíldi hefur engin áhrif á hitastig andrúmsloftsins og er ekki mengunarvaldur, heldur þvert ámóti. En þeir halda áfram með svindlið og blekkingarnar, því að þetta er þeirra lifibrauð.

Og eins er þetta lifibrauð hinna sem stunda kolefnisverzlun og þeirra sem lifa á styrkjum fyrir óþarfa verkefni tengdum svindlinu. Og mikið áhugamál pólítísku elítunnar sem eyðir tíma og fé í vitleysuna til þess að þurfa ekki að leysa alvöru vandamál, sem er henni ofviða.

Tæplega fjögurra milljarða sekt erauðvitað alveg út úr kú (beljurassi), en sýnir hversu íslenzkir embættismenn eru auðsveipir gagnvart ESB.

"Þér hefði orðið flökurt að horfa þar á

þann hundflata skrælingjalýð"

kvað Þorsteinn Erlingsson á sínum tíma um íslenzka embættismenn (sem framseldu Jörund Hundadagakonung til danskra yfirvalda).

[Magnús Sigurðsson, 5.7.2019 kl. 18:59]

Sæll Aztec og takk fyrir athugasemdina. Já það er mikil veisla í gangi hjá skrælingjalýð ríkisvaldsins, sem matar krókinn út í loftið. Það er hrein gullgerðarlist hvernig þau vísindi eru útfærð.

Dýrt var drottinsorðið á dögum aflausnarbréfa og galdrabrenna. Og hvað skildi svo kosta að draga að sér andann þegar það er búið skóla fólk í kostnaðinum við útblásturinn?

Kolefnisspor með jafningi er hreinn viðbjóður sem manni flökrar við, jafnvel þó flugviskubit sé í eftirrétt fyrir þann skrælingjalýð sem hefur hugsað sér að stunda loftfimleika á kostnað skattgreiðenda.

[Helga Kristjánsdóttir, 5.7.2019 kl. 21:19]

Gat nú verið að einhver Imba Gudda Maja stýrði þessu mikilvæga starfi hjá Umhverfisstofnun.

[Magnús Sigurðsson, 5.7.2019 kl. 21:53]

Sæl Helga, það er ekki gott að átta sig á hvort loftslagið hefur eitthvað farið úrskeiðis á milli eyrnanna á þessu stofnannaliði þegar svona tala er sett fram sem loftslagssekt eða hvort þetta er eins og Aztek segir; "þessir embættismenn geri sér grein fyrir þeirri eðlisfræðilegu staðreynd að koltvíldi hefur engin áhrif á hitastig andrúmsloftsins og er ekki mengunarvaldur, heldur þvert ámóti. En þeir halda áfram með svindlið og blekkingarnar, því að þetta er þeirra lifibrauð."

[Kolbrún Hilmars, 6.7.2019 kl. 17:52]

Mér dugir að sjá umhverfisvæna fólkið fljúga milli landa eins og enginn sé morgundagurinn.  Þá geri ég það bara líka!