Landráðaliðið

Landsmenn fljóta nú að feigðarósi með augun, vatnsblá glær og galtóm límd við snjall skjáinn. Sjónlausir á það hvað missir fullveldis kostaði í 7-800 ár með öllum sínum hörmungum. Gullaldir þessarar þjóðar hafa verið tvær í þessu landi og báðar með fullveldi.

Og nú er svo komið að fjárplógsfólk ræður allri umræðu og er langt komið með að skipta um þjóð í landinu. Mikið af nýju þjóðinni þekkir ekkert annað en júníonið og svo að búa við velmegnum á Íslandi, en það tvennt á enga samleið eins og sagan sannar.

Þetta vita þeir sem aldir eru upp á Íslandssögunni og eru færir um að halda henni til haga, en ekki bara því sem við blasir hverju sinni á skjánum. Erlend öfl hafa aldrei náð völdum á Íslandi öðruvísi en með landráðum innanlands.

Stjórnvöld sem byggja allt sitt á fölskum forsendum, lygum og blekkingum, eru verri en engin. En alltaf virðist vera hægt að sannfæra almenning um að á því sé eitthvað að græða.

Athugasemdir

[Guðjón E. Hreinberg, 8.6.2023 kl. 16:24]

Það sem hann sagði.

[Jóhann Elíasson, 8.6.2023 kl. 18:00]

Já rétt er það Magnús.  Heimur versnandi fer og og okkur rekur sofandi að "feigðarósi"..........

[Húsari. (IP-tala skráð) 8.6.2023 kl. 18:17]

Sæll Magnús!

Kann að vera að fyrirsögn standist sem áætlaður sveifluleiðréttur frumjöfnuður ríkissjóðs sem hlutfall af VLF!

Einhver kynni einnig að freistast til að segja:

Þetta steinliggur hjá þér, Magnús!

[Magnús Sigurðsson, 9.6.2023 kl. 05:48]

Svo er það spurning hvort flokka megi sveifluleiðrétta frumjöfnuð ríkissjóðs sem upplýsingaóreiðu í falsréttamennsku eða jafnvel sjálfshatursorðræðu, það þarf varla ósamstöðuleysi til þess.