Það er óþarfi að missa svefn vegna efnhagshrunsins.

 

Þegar þeir atburðir urðu í byrjun október s.l. að bankarnir hrundu og kreppan skall á Íslandi fór ég að fylgjast með fréttum í fjölmiðlum sem aldrei fyrr.  Um tíma var ég orðin fíkill á fréttir af efnahagshruninu og neikvæðum afleiðingum þess með tilheyrandi svefntruflunum.   Eins og fleirum varð mér svo mikið niðri fyrir að ég byrjaði að blogga um fréttir á mbl.

 

Fljótlega eftir bankahrunið varð sá tími sem ég hef haft til að setja mig inn í þessa atburðarás nægur.  Eins hef ég gefið mér góðan tíma til að skoða ýmis önnur sjónarmið á þessa atburði en fram koma í fréttum fjölmiðlanna.  Nú er mér að verða vel ljóst hve stórkostlegt tækifæri það er að hafa fengið tíma til að skoða lífið út frá allt öðru sjónarhorni.

 

Eftir því sem á veturinn hefur liðið hef ég gert mér betur grein fyrir að grunnur góðs lífs er einfaldleiki.  Reynt að venja mig á að velja ávallt það sem er einfalt.  Lífið getur orðið flókið ef ég læt það verða þannig.  Ég get orðið yfirhlaðinn erfiðleikum ef ég leifi þeim að taka of mikinn tíma.  Alla erfiðleika get ég annað hvort leyst eða leitt hjá mér með því að setja annað betra í staðinn.  Það er betra að bera lotningu fyrir því sem er einfalt, dá það sem lítið lætur yfir sér, því gildismatið má aldrei miðast við auð og völd. 

Þessi kreppa á sér stað um allan heim.  Hún er ekkert slys heldur vandlega skipulögð atburðarás ætlað að ná fram ákveðinni heimsskipan "new world order" sem stjórnmálamenn heimsins, s.s. Bush, Blair, Clinton, Zarkosy, Brown og Obama hafa verið ötulir við að tala fyrir undanfarin ár.  Skipan þar sem samhæft peningakerfi tryggir alræði fjármagnsins.  Þessi ásetningur á sér langan aðdraganda og hefur fylgt manninum frá örófi alda og mætti kalla græðgi, þar sem ímynduð verðmæti og vextir af þeim leika stærstu hlutverkið.

Áróðrinum fyrir þessar nýju heimskipan er markvist haldið á lofti í gegnu fjölmiðla heimsins.  Þessar "new world order " áætlun er haldið að fólki í stórum dráttum með því að sýna fram á vandamál, fá  viðbrögð og bjóða fram lausn.  Blásið er upp vandmál í fjölmiðlum til að gera fólk óttaslegið því það telur afkomu sinni vera ógnað.  Fólkið sýnir viðbrögð með því að mótmæla og segja "eitthvað verða stjórnvöld að gera".  Stjórnvöld koma með lausn en hún mun kosta aukna skuldsetningu almennings í m.a. í gegnum það opinbera. 

 

Með því að segja "eitthvað verða stjórnvöld að gera", erum við að gefa frá okkur vald.   Í stað þess að ákveða hvernig við ætlum að bregðast sjálf við gagnvart tilbúnum vandamálum peningakerfis sem byggir á ímynduðum tölum og vöxtum af þeim.  Vandamál sem við getum ekki leyst ættum við einfaldlega að líta strax fram hjá og halda áfram með líf okkar.

http://www.davidicke.com/index.php/

Hagfelld niðurstaða í augsýn

Athugasemdir

[(IP-tala skráð) 23.3.2009 kl. 19:16]

Magnús ertu til í að hringja í mig þegar þú mátt vera að í síma 8478221 kv SG

[Magnús Sigurðsson, 24.3.2009 kl. 08:24]

Það er áhugavert að skoða efnið á slóðinni   http://www.davidicke.com/index.php  sem er gefin í færslunni hér að ofan í samhengi við þessa frétt á mbl frá því í morgunn  http://www.mbl.is/mm/frettir/erlent/2009/03/24/vilja_dollarann_ut_ur_imf/ þar sem fram kemur að;

"Seðlabanki Kína segist vilja skipta dollaranum út sem alþjóðlegum gjaldeyrisvaraforða fyrir nýtt kerfi sem rekið verði af Alþjóðagjaldeyrissjóðnum. Bankastjóri seðlabankans, Zhou Xiaochuan, skrifar í dag á heimasíðu bankans að markmiðið með því væri að koma á stöðugleika í hagkerfum heimsins með því að skapa kerfi sem verði ekki auðveldlega fyrir áhrifum frá stefnum og straumum einstakra landa."......................."Rússar hafa einnig lagt fram tillögu um að koma á fót alþjóðlegum gjaldeyrissjóði sem sé hafinn yfir einstaka gjaldmiðla. Vænta má þess að bæði Rússar og Kínverjar vilji ræða þessi mál formlega á efnahagsráðstefnu G20 ríkjanna þann 2. apríl."