Hagkvæmt fyrir hvern?

 

Seðlabankinn virðist horfa á málið út frá sínum þrönga sjónarhorni og einungis sjá hagkvæmni lánadrottinsins.  Enda sitja þarna ennþá sömu hagfræðingar og fyrir nokkrum mánuðum síðan, sáta í gjaldþrota banka.  Þá var væntanlega hagkvæmt að endurreisa hann með afskriftum yfir á skattgreiðendur, þó að það hafi að mestu verið gert til að gæta erlendra hagsmun.

 

Fyrir mér opinberast hagfræði i Seðlabankans í sinni einföldustu mynd, á þann hátt að hann telji enga hagkvæmni í afskriftum nema að um fjármálastofnanir sé að ræða.  Þannig að þegnar landsins eigi ekki að vera annað en skuldaþrælar lánadrottnanna (í gegnum peningamálastefnu sem Seðlabankinn klúðraði gjörsamlega) og sem framtíðar skattgreiðendur skuldanna.

 

Til einföldunar fáránleikans, er stærsta skuld hverrar venjulegrar fjölskyldu falin í íbúðarhúsnæði.  Til að byggja hús, þarf í stórum dráttum, land, byggingarefni og iðnaðarmenn, banki er svo fenginn til að miðla greiðslum.    Fyrir þetta fékk bankinn mun hærri tölur til baka en allir þeir sem komu að verkinu fengu fyrir sinn hlut.  Það sem meira er bankinn fékk þetta frá hverjum og einum, því hann var einnig búin að koma því þannig fyrir að hann lánaði landeigandanum, efnisalanum og iðnaðarmönunum svo þeir gætu þjónustað fjölskylduna við húsbygginguna.  

 

Nú er svo komið að allir sem komu að húsbyggingunni eru gjaldþrota þar með talið bankinn  sem lagði ekkert til nema tölur sem yfirgáfu aldrei tölvukerfið.   Nú leggur IMF til fleiri tölur í tölvukerfi Seðlabankanns með svimandi vöxtum, sem ætlast er til að séu skráðar sem skuldir þegnanna og þeim hlaðið á ókomnar kynslóðir.   Það er út frá hagsmunum þessara reiknikúnsta sem Seðlabankinn finnur sína óhagkvæmni.

http://www.thecrowhouse.com/ftnwo.html 

Niðurfelling skulda óhagkvæm

Athugasemdir

[Haraldur Bjarnason, 27.3.2009 kl. 21:56]

Góður!

[Jón Þorbjörn Hilmarsson, 27.3.2009 kl. 22:10]

Góð athugasemd.

Það var ekki spurt um óhagkvæmni þegar sparifé var varið 100%.  Einhver hlaut þó að borga þá máltíð og skuldarar tóku þátt í að borga þann gjörning  eins og aðrir.  Sem sagt, skuldarar skulu borga skuldir sína að fullu og til viðbótar skulu þeir borga sparifjáreigendum inneign þeirra.  Það verður ekki á stjórnviskuna logið!

[Magnús Sigurðsson, 27.3.2009 kl. 22:27]

Þakka athugasemdirnar. 

Halli þetta er ágætis dæmi fáránleikans. 

Jón, ég held að sparifjáreigendur komi til að tapa verulega þegar upp er staðið og þar muni afskriftir skulda ekki spila neina rullu. 

Lífeyirssjóðirnir eru þegar búnir að stórtapa þrátt fyrir verðtryggingu, háa vexti og erlenda fjárfsestingu sem hefði átt að skila sér í stór gróða í íslenskum krónum við gengisfallið. 

Það er ásettningur að stefna sparifjáreigendum og skuldurum í hár saman, mest öll íslenska þjóðin er í raun á sama báti og úr þeim báti þarf að ausa skuldunum.

[(IP-tala skráð) 27.3.2009 kl. 22:45]

Snillingur

[Magnús Sigurðsson, 27.3.2009 kl. 22:52]

 Takk Sigurlaug, það verður að losna við þessar uppdikktuðu verðtryggingarskuldir. Þær verða að afskrifaðar á einhverjum tímapunkti.  það er bara mikilvægtað það verði gert af íbúðarhusnæði meðan það er í eigu fjölskyldnanna.