Um áramót.

 

 

Um áramót hef ég þann sið að fara yfir árið og setja markmið fyrir árið framundan. Um síðustu áramót stóð ég á gati hvað markmiðasetningu varðar en það hafði ekki gerst í mörg ár. Árið hefur engu að síður verið skemmtilegt og sumu hef ég fengið tækifæri til að fylgjast með og leggja lið. 

Árið 2010 hefur verið sérstakt eins og öll önnur ár.  Í október hætti ég endanlega þeim rekstri sem ég hef haft atvinnu af undanfarin ár, eða réttara sagt leifunum af þeim rekstri,  þar sem rekstrargrundvöll skorti. 

Það má segja að í árslok standi ég á meiri tímamótum en oft áður,  þarf að finna nýjan starfsvettvang.  Ég hef haft atvinnu af eigin rekstri nánast alla mína starfsævi, en nú er ekki um auðugan garð að gresja í byggingariðnaði eða tengdri þjónustu. Helst að það vanti iðnaðarmenn í Noregi.

En það jákvæða við verkefnaleysið er að í markmiðasetningu fyrir 5 árum síðan hafði ég gert það að langtíma markmiði að skipta um starfsvettvang um þessi áramót. Það má því segja að draumarnir rætist alltaf þó aðstæðurnar séu kannski ekki alveg eins og vænst var. En þá er bara að nýta tækifærin sem eins og þau koma fyrir.　

Á þessu ári hafa vissulega komið upp andvökunætur og eftirsjá.   Um síðustu áramót gerði ég að mínu markmiði sem má finna stað í fjallræðunni. Matt 6,22; Augað er lampi líkamans. Sé auga þitt heilt, mun allur líkami þinn bjartur. En sé auga þitt spillt, verður allur líkami þinn dimmur. Ef nú ljósið í þér er myrkur, hvílíkt verður þá myrkrið. Þetta hefur mér gengið þokkalega að hafa í huga og hef fundið leiðir til að sjá ljósið þar sem dimmt var áður.

Hvað árið 2011 varðar þá á ég s.s. ekki auðvelt með að setja mér veraldleg markmið fyrir það frekar en fyrir árið 2010. Þó er ákveðið leiðarljós sem ég hef ákveðið að fylgja og enn kemur fjallræðan við sögu, Matt 6,26 ; Lítið til fugla himinsins. Hvorki sá þeir né uppskera né safna í hlöður og faðir yðar himneskur fæðir þá. Eruð þér ekki miklu fremri þeim? 

Megi árið 2011 færa ykkur öllum gæfu og hamingju.     

Það er svo við hæfi að kveðja gamla árið og heilsa því nýja með speki Bobby McGee.

Til hamingu Ísland með að Jón fæddist hér.

Það var vel til fundið að gera Jón Gnarr að manni ársins 2010.  Jón vill hafa frið og kærleika í fyrirrúmi.  Það er því við hæfi að minnast orða kolleika hans Bill Hicks. ¨

 

"Lífið er eins og ferð í skemmtigarð og þegar við ákveðum að  fara um hann finnst okkur hann vera raunverulegur, vegna þess hve máttugur hugur okkar er.  Og ferðin er upp og niður, hring eftir hring, með spennandi og hrollvekjandi uppákomum þar sem allt er litað skærum litum, og með háværum áherslum, og það er svo gaman - um stund.

Sumir, eftir að hafa verið á ferð um langa hríð, spurðu eftir stund er þetta raunveruleikinn eða er þetta virkilega bara ferðalag?  Sumir sem þekkja þetta ferðalag koma til baka til að segja okkur;  "Hey, hérna þarft þú ekkert að óttast aldrei, eða vera hræddur, vegna þess að þetta er bara ferð" -og við drepum þetta fólk. 

"Hann verður að halda kjafti!  Ég hef fjárfest í þessari ferð...sérðu ekki hvað ég ég markaður áhyggjum...sjáðu hvað ég hef lagt á mig fyrir bankainnistæðurnar mínar...fyrir fjölskylduna....þetta verður að vera raunveruleikinn".

En þetta er nú samt sem áður bara ferðalag.

En við drepum alltaf góðu gæjana sem reyna að segja okkur það, og leifum djöflunum að ganga af göflunum.  En það skiptir ekki máli, þetta er bara ferðlag og við getum breytt um stefnu hvenær sem við viljum.

Allt sem við þurfum er að velja.

Ekkert erfiði, engin vinna, ekkert starf, engin sparnaður né peningar - bara að velja á milli ótta og kærleika.

Með augum óttans viltu setja stærri lás fyrir útidyrnar, kaupa byssur og loka þig af - augu kærleikans sjá okkur aftur á móti öll sem eitt.

Það sem við getum gert til að breyta heiminum strax, er að taka alla peninga sem við samþykkjum að eitt sé í vopn og varnir ár hvert.  Í staðinn notað þá í að fæða, klæða og uppfræða þá sem eru þurfandi í heiminum, sem væri samt mörgum sinnum meira en þyrfti og ekki ein manneskja yrði útundan, síðan kæmumst við áfram ...saman...bæði hið innra og ytra...að eilífu...í friði.

- Bill Hicks 1961 - 1994 (grínisti og uppistandari var vanur að ljúka þáttum sínum með þessari orðum). 

Jón Gnarr maður ársins á Stöð 2

Samstaða um svik?

Sennilega á sú samstaða sem leiðtogar ríkisstjórnarinnar óska efti á nýju ári helst hljómgrunn á meðal fjórflokksins.  Það er nokkuð ljóst að margir þeir stjórnmálamenn sem á Alþingi sitja fá ekki endurnýjað umboð frá þjóðinni í kosningum. 

Stjórnmálamenn hafa slegið skjaldborg um fjármálkerfið og sjálfa sig.  Svikið þjóðina oftar en einu sinni.  Undarleg er þögn stjórnmálamanna og fjölmiðla um raunverulegt innihald nýs icesave samnings.  En þar er um gömlu hugmyndina að ræða, láta almenning ábyrgast skuldir gjaldþrota einkabanka, með 1% lægri vöxtum en fyrri samningur gerði ráð fyrir.   

Ekki kæmi á óvart að nýji samningurinn færi í gegn með samþykki allra flokka undir merkjum þjóðstjórnar, eða þar sem hjáseta við atkvæðareiðslu verði hluti af leikritinu á svipaðan hátt og þegar fjárlagafrumvarp AGS var samþykkt nú í desember.  Allar líkur eru á að þjóðin muni  þurfa að standa saman um að henda svikahröppunum út af löggjafasamkomunni á árinu 2011.

Hvetja til samstöðu á nýju ári

Global warming / vísindi eða spákukl?

Með hlýjustu árum hér á landi

Í fótspor Jamaica.

Það á greinilega að kæfa þann vaxtarsprota sem ferðamannaiðnaðurinn hefur verið tvö s.l. ár með ofurskattlagningu.  Í stað þess að fá ferðamenn til landsins og fá af þeim virðisauka í gegnum þjónustu sem þeim er veitt á að skattleggja þá um leið og þeir stíga upp í flugvélina. 

Þetta og kreppa í öðrum löndum mun fækka ferðamönnum til Íslands á næsta ári og valda ferðaþjónustu stórskaða og þar með atvinnu fjölda fólks.  Sennilega skítur ríkið sig svo í fótinn á svipaðan hátt og þegar skattar hafa verið hækkaðir á eldsneyti og áfengi, það kemur ekkert meira í kassann.

Þessar aðferðir sem notaðar eru við efnahagstjórn hafa oft verið notaðar áður með þeim árangri að skuldir hafa stóraukist.  Jamaica gerði samning um 5 ára prógramm við AGS árið 1977 í dag er AGS enn að aðstoða eyjarskeggja  við efnahagsmálin, með þeim árangri að skuldir ríkisins hafa aldrei verið hærri.

 

Skattar hækka um milljarð

Tala upp markaðinn.

Það væri gott ef fasteignamarkaðurinn væri á uppleið einungis vegna þess að nú "segjast fasteignasalar skynja aukna eftirspurn og jákvæðari horfur á næsta ári og Væntingavísitala Gallups virðist styðja það því vísitala um fyrirhuguð húsnæðiskaup hækkar úr 4,3 stigum í 7,0 stig og hefur ekki verið hærri síðan í september árið 2008, rétt fyrir hrun".  En þetta er samt lítið annað en tilraun til að tala upp frosinn markað.  Aukin fasteignasala er sennilega meira í ætt við fjárfestingu.  Þeir sem eiga peninga treysta ekki bönkunum.

 

Staðreyndin er að það þarf að verða mikil leiðrétting, áður en fasteygnamarkaður kemst í fyrra horf. Þó svo ekki væri þá verið að miða við árin 2005 -2008.  Fasteignir eru í stórum stíl yfirveðsettar, þeir sem komu nýir inn á markaðinn síðustu árin of skuldsettir og laun í landinu eru lá.  Það er athyglivert að fylgjast með því sem sagt er um önnur lönd.  Sumstaðar í USA hafa nýbyggingar tekið kipp, ekki vegna þess að það vanti þær á markað heldur vegna þess að það vill engin búa í hverfum þar sem vantar fólkið.

 

Athygli vert er að lesa skrif Jóhannes Björns hagfræðings á http://www.vald.org/ en í gær mátti lesa þetta m.a. um horfur á efnahagsbata. 

"Fasteignabólan í Kína springur á næstunni-ekki endilega vegna þess að yfir 60 milljónir híbýla standa auð-heldur frekar vegna þess að meðaltekjur í landinu eru allt of lágar og ekki í neinu samhengi við fasteignamarkaðinn. Fólk hefur verið að fjárfesta í nokkurs konar keðjubréfum, kerfi þar sem síðustu fasteignakaup hjálpa braskaranum að fjármagna næstu reyfarakaup. Þetta er Ponzi-kerfi sem hrynur um leið og fasteignaverðið staðnar.

Þegar bandaríska fasteignabólan náði hámarki 2007 kostaði meðalverð íbúðarhúsnæðis 6,4 sinnum meira en meðalupphæð árlegra ráðstöfunartekna í landinu. Núna er þetta hlutfall dottið niður í 4,7 og er enn á niðurleið. Í stórborgum Kína er meðalverðið húsnæðis 22 sinnum hærra en meðal ráðstöfunartekjur, sem þýðir að verðið verður að lækka um 70-80% til þess að vera í takt við kaupið." Hér má sjá greinina alla.

 

Þau íslensku heimili sem skuldsett hafa sig vegna íbúðarhúsnæðis, standa auk þessara einkenna frami fyrir hinni makalausa verðtrygging, dómum Hæstaréttar og aðgerða stjórnvalda sem gerir það að verkum að samningar eru marklausir og gegndarlaus eignaupptaka er stöðugt í kortunum.  Eru jákvæð teikn á lofti?  Allavega eru verið að reyna að sá fræjum bjartsýni.

Jákvæð teikn á lofti

Biblían eða Darwin?

Líkan sem hermir eftir öllu

Pólitísk axarsköft.

Það má vafalaust víða finna skort á pólitískri forustu þessi misserin.  Landeyjahöfn er sennilega ekki einsdæmi.  Víða eru vegir ekki opnaðir svo mánuðum skiptir jafnvel þó þeir þjóni fleiri íbúum en Landeyjahöfn.  Má þar nefna hinn 20 km þjóðveg 939 um Öxi sem styttir hringveginn um ca. 90 km og skiptir marga íbúa austurlands miklu máli.  En á meðan þjóðvegir eru lokaðir vegna sparnaðar við snjómokstur, sem samt kostar smáaura að halda opnum miðað við Landeyjahöfn, mega íbúar gera sér að góðu að fara lengri leiðina með tilheyrandi kostnaði.

En pólitísk axarsköft og forustuleysi stjórnmálamanna einskorðast ekki við Eyjafjallajökul og sandburð þaðan, heldur við þá staðreynd að þeir flæktu ríkissjóð, sem sagður vera skuldlaus 1. október 2008, í botnlausar skuldir vegna gjaldþrota einkabaka.  Það væri kannski rétt að Róbert og Ögmundur hefðu það í huga þegar greidd verða atkvæði um icesave þrjú.

Skortur á pólitískri forystu

Holl ráð.

 

 

Í bók Michael Pollan, Mataræði, sem kom út fyrir jólin má finna 64 holl ráð til að velja rétt fæði.  Í þessari stuttu og hnitmiðuðu bók raðar Pollan saman einföldum  persónulegum markmiðum sem eiga að hjálpa fólki að borða alvöru mat í hóflegu magni og forðast með því vestræna mataræðið.  En almenn skilgreining á því er sú að það að það byggist að miklu leiti á unnum matvælum og kjöti, viðbættri fitu og sykri, miklu af unnu mjöli.  Oft mikið unnar blöndur framleiddar af matarvísindamönnum úr hráefnum sem venjulegt fólk á ekki heima hjá sér og aukaefnum sem mannslíkaminn er ekki vanur.  

Í bókinni má t.d. finna auðskilin ráð sem auðvelt er að setja sér sem reglu; t.d.  "Borðaðu ekkert sem amma hefði ekki kannast við sem mat.  Ímyndaðu þér að amma þín fari með þér í stórmarkað.  Þið standið saman fyrir framan mjólkurkælinn.  Hún tekur upp ílát með litríkri mjólkurafurð og hefur ekki hugmynd um hvað plasthólkurinn með litaða og bragðbætta hlaupinu gæti innihaldið.  Er þetta matur eða tannkrem?" 

Auk þess "Það er ekki matur ef það heitir það sama á öllum tungumálu t.d. Big Mac eða Pringles."  "Neyttu ekki matar sem er framleiddur þar sem allir bera skurðstofuhúfur." svo dæmi séu tekin.   Það sem er óvenjulegt við þessa bók um mataræði er að hún er stórskemmtileg lesning.

Breskir karlmenn verða feitari og feitari

Tölvuhryðjuverk.

Stjórnvöld ætla sér að koma böndum á netið með öllum ráðum.  Smá saman breytist orðalagið í kringum þau atriði sem stjórnvöld nota til að ná markmiðum sínum fram.  Fyrst var talað um tölvu vírusa, nú eru það tölvu árásir, næst verða það tölvu hryðjuverk.

NATO er jafnframt komið í málið en framkvæmdastjóri NATO Anders Fogh Rasmussen tíundaði t.d. hættu á netárásum fyrir stuttu.  Allt er þetta gert með það í huga að hefta tjáningarfrelsið sem hefur verið því sem næst óheft á netinu.  Kristallast þetta m.a. í kringum Wikileaks.

 

 

Þjóðverjar bregðast við tölvuárásum