Reiknimeistarar ríkisins.

Skrítið hvað erfitt er að reikna út laun samningarnefndarinnar hjá Fjármálaráðuneytinu.  En ekkert mál hefur verið að reikna út með nokkurra vikna fresti  stöðugt batnandi horfur á því að lítið sem ekkert falli á ríkissjóð vegna icesave.   Jafnvel látið að því liggja að um gróða gæti verið að ræða fyrir rest, og samninganefndin notuð til að bera þjóðinni fögnuðinn.

Margir hafa tekið þá Lee Buchet og Lárus Blöndal sem óræk vitni um hversu góður icesave3 samningurinn er, þeir hafi skipt um skoðun og tali nú fyrir því að þjóðin samþykki icesave.  það er svolítið síðan að ég áttaði mig á því að lögfræðingar tala fyrir þeim málstað sem þeir fá borgað fyrir.  Þegar eitthvað er að marka lögfræðing þá talar hann frá hjartanu og það gera lögfræðingar frítt eins og aðrir menn.

Enn reiknað í ráðuneytinu

Eftirlitsiðnaðurinn lætur ekki að sér hæða.

 

 

Þá eru háskólamenntuðu bjálfarnir að ná sér á strik innan landbúnaðargeirans, eiga eftir að skapa ótal eftirlitsstörf á næstu árum til að hafa vit fyrir þeim sem vita hvað þeir eru að gera, með starfsfólki sem hefur ekki hugmynd um hvað landbúnaður snýst .

Mér verður oft hugsað til kunningja míns sem rekið hefur bát í ferðaþjónustu yfir sumartímann.  Hann hóf þennan rekstur fyrir 16 árum síðan og hefur hann gengið áfallalaust með öllu.  Á þessum tíma hefur eftirlitið verið aukið með tilheyrandi kostnað þannig að æ erfiðara verður að ná endum saman enda hafa margir í þessari grein hætt við smávægileg áföll.

Stærsti kostnaðarliðurinn er hið einkavædda eftirlit.  Yfirferð björgunarbúnaðar, siglingatækja og fleiri sjálfsagðra öryggisatriða.  En jafnframt eru þykktarmæling, jafnvægismæling osfv. og ef einhver heldur að þetta sé einn eftirlitsaðili þá er það misskilningur þeir eru jafnmargir og atriðin sem eru skoðuð og kosta frá tugum þúsunda til hundruða þúsunda skoðun hvers atriðis.  Sem dæmi þá er byrðingur þykktarmældur annað hvert ár þrátt fyrir að vera úr 8 mm stál en reglur kveða á um 4 mm lágmark.  Á þessum 16 árum hefur stálið eðlilega ekki þynnst um 1 mm, en kostnaðurinn við mælingarnar hleypur orðið á hundruðum þúsunda.

Fyrsa árið sem ég sigldi með bát félaga míns voru öryggisvesti fyrir alla farþega á stað sem auðvelt var að nálgast þau, fljótlega kom fyrirskipun um að allir skyldu klæðast öryggisvestum um borð, síðastliðið ár voru settar reglur um að öll öryggisvesti skyldu hafa blikkandi ljós með tilheyrandi rafhlöðubúnaði.   Þegar bent var á að hver 40 min siglingin með bátnum byði upp á 2 klst landtöku og því færi hver farþegi úr og í öryggisvesti tvisvar með tilheyrandi hnjaski á rándýrum búnaði blikkljósanna voru fyrirmælin skýr, kaupið þið bara nóg af vara ljósum. 

Það þarf ekki að taka það fram að þó svo að þessi ferðamannbátur sé aðeins gerður út um hábjartan sumartímann og sigli aldrei í myrkri þá rýmast svoleiðis staðreyndir ekki innan reglugerða fábjánanna allir um borð skulu vera eins og útblásnir appelsínugulir björgunarbelgir með blikkandi ljósabúnað á siglungu um hábjartan dag í glampandi sumarsólinni.

Bændabýli teljast fóðurfyrirtæki

Icesave er verkfæri djöfulsins.

 

Það sem ekki hefur komið fram er Benedikt XVI páfi tjáði Ólafi Ragnari Grímssyni forseta vorum þegar icesave málið bar á góma, að hann hefði það eftir áreiðanlegum heimildum að icevesve123 væri verkfæri Djöfulsins. 

Þetta hafa reyndar flestir Íslendingar vitað í hjarta sínu allt frá kristnitöku og jafnvel frá þeir að þeir yfirgáfu ríki Haralds hárfagra, þrátt fyrir að allir helstu lögspekingar landsins séu komnir á launskrá hjá Mammon við að tala fyrir icesave.  

Það myndi ekki sakaða að fá þessi ummæli staðfest hjá hans heilagleika páfanum sjálfum.  En vegna viðkvæmrar stöðu hans heilagleika munu  ummælin ekki verða eftir honum höfð á opinberum vettvangi.

 

Forsetinn á fréttastöð páfa

Evran er gjaldeyrishöft.

Velkist menn í vafa um hverskonar gjaldeyrishöft fylgja evrunni þá ættu þeir að kynna sér ástandið í Suður Evrópu löndunum sem treysta á ferðaþjónustu.  Á Spáni er atvinnuleysið yfir 20% í Grikklandi ríkir upplausnarástand.  Þessar þjóðir tóku upp evru í staðinn fyrir peseta og drökmur og eru nú múlbundnar í höftum evrunnar.

Segir krónuna kalla á gjaldeyrishöft

Ekki varanleg lausn.

Búrkubann í gildi 11. apríl

Maðurinn með hattinn.

 

 

Ef ég á að segja alveg eins og er þá líður mér eins og ég hafi verið rændur.  Eignarhluturinn í húsnæði heimilisins er horfinn, fyrirtækið mitt er í andarslitrunum og ég er án atvinnu.  Bréfin streyma inn frá Motus, inmomentum og lögreglan ber til mín boðanir á kvöldin.  Nú er ég í fyrsta skipti á ævinni orðin eins og;

Maðurinn með hattinn

stendur upp við staur,

á að borga skattinn,

en á ekki aur.

Mér líður eins og ég hafi verið rændur undir handleiðslu skipulegra glæpasamtaka, sem í daglegu tali kallast ríkið.

Lögregla fái aukið fjármagn

Gjaldþrot dauðans.

 

Þegar svona hagnaðartölur birtast dettur manni ósjálfrátt í hug að það sé orðið stutt í gjaldþrotið.  Svona glansandi fínar afkomutölur hjá nýslátruðum sparigrís sem endureistur hefur verið úr einu af stærstu gjaldþrotum heims og ætlar að mergsjúga skuldugustu þegna heims, vekja ósjálfrátt tortryggni.  Þar að auki er Íslandsbanki staðsettur í gömlu frystihúsi með gjaldþrotasögu dauðans, þar sem Sambandið, Goði í bakhúsinu og Glitnir í andyrinu hvíla beinin.

Fyrir þá sem hafa áhuga á að setja sig inn í reiknikúnstir Íslandsbanka við að fá út betri afkomu en gullaldarárið 2007 bendi ég á blogg Marinós Njálssonar.

29,4 milljarða hagnaður

Vatn á bílinn.

Ég hef verið að benda á hliðstæðan búnað hérna á blogginu um nokkurn tíma.   Til er einfaldur búnaður til að setja í bíla, bæði bensín og diesel, sem býr til hydrogen sem eldsneyti.  Sagt er að þessi búnaður geti sparað 25 - 75% í eldsneytiskostnað.  Það að er hægt að fá þennan búnað m.a. á e-bay og kostar hann um $-100 eða ca. eins og ein tankfylling á meðal bíl.  Mér hefur verið sagt að helsta atriðið til að ná fram sparnaði sé hvernig búnaðinn stillist inn á tölvustýrðar innspýtingar en mun minna mál er að fá búnaðinn til að virka í eldri bílum sem ekki eru með eins flókunum tölvubúnaði. 

http://www.youtube.com/watch?v=5wLRHfm9pus&feature=player_embedded

 http://shop.ebay.com/i.html?_nkw=Hydrogen+Generator&_sacat=0&_odkw=New+High+Output+Hydrogen+Generator&_osacat=0&_trksid=p3286.c0.m270.l1313

 

Minnkar bensíneyðslu um 30%

Það verður sem sagt gróði af icesave.

Nú liggur það í augum uppi að það gæti verið orðinn gróði af iscesave áður en til þjóðaratkvæðagreiðslu kemur.  Óvissu þáttunum virðist fækka stöðugt, eini gallinn er að einhver töf verður á að hægt verður að ráðstafa gróðanum en þar er nú bara um nokkrar vikur að ræða og verður sú töf að skrifast á héraðsdóm.

Það er alveg snilld hjá glæpagengi Landsbankans, ríkisstjórninni og launaðri samninganefnd hennar að boða til blaðamannafundar til að upplýsa þjóðina á svona hlutlausan hátt.  Sennilega má ætla að eftir fjórar vikur verði boðað til annars blaðamannafundar þar sem ákveðið verður hvernig gróðanum af icesave verður varið í þágu fólksins í landinu.  Þar má einnig ætla að þjóðin verði hvött til að samþykkja þarflausa ríkisábyrgð á skuldum gjaldþrota einkabanka til að missa ekki af veislunni.

Endurheimtur batna

Ojos de brujo

Spænskir popparar á listahátíð