Sérkennilegur fréttaflutningur.

Á youtube má finna myndir frá mótmælunum í Egyptalandi sem sýna sjónhorn sem lítið koma fram í fjölmiðlum.  Þessar myndir eru teknar af almenningi á farsíma og síðan hlaðið inn á youtube.  Hér má sjá frétt sem Ajazeera hefur sett saman um dráp hers og lögreglu á mótmælendum. 

Þessar myndir gefa aðra mynd af "skjóli skriðdreka" og "sjúkrabúðum" stjórnvalda við að bjarga mótmælendum frá vosbúð langrar útiveru.  Kannski ekki skrítið að Egypsk stjórnvöld hafi horn í síðu internetsins og Aljazeera.

 

Þriðja vika mótmæla hafin

Helferðarstjórn.

Það er nokkuð ljóst að samkvæmt þessum neysluviðmiðunum þarf að hækka lægstu laun  allt að 90% eins verður ríkið að endurskoða skattastefnuna í snarheitum ef hún vill kenna sig við velferð.

"Jón Þór Sturluson, einn aðstandenda verkefnisins, lagði áherslu á að neysluþörf einstaklinga væri breytileg og að þetta væru því viðmið sem hægt er að styðjast við, en ekki nauðsynlegar tekjur til framfærslu." 

Þeir sem eiga ekki kartöflugarð, veiðistöng og þrjár hænur, auk þess að vera langt undir viðmiðunum, ættu að hætta meðvirkni með kerfinu, lesa sér til um sjaldgæfan sjúkdóm og vinna að því að koma sér á örorkubætur.

Viðmið einstaklings 292 þús

Hvað með vatn?

Til er einfaldur búnaður til að setja í bíla, bæði bensín og diesel, sem býr til hydrogen sem eldsneyti.  Sagt er að þessi búnaður geti sparað 25 - 75% í eldsneytiskostnað.  Það að er hægt að fá þennan bunað m.a. á ebay og kostar hann um $-100 eða ca. eins og ein tankfylling á meðal bíl.  Það væri gaman að heyra af því hvort einhver hefur prófað þetta.

http://shop.ebay.com/i.html?_nkw=Hydrogen+Generator&_sacat=0&_odkw=New+High+Output+Hydrogen+Generator&_osacat=0&_trksid=p3286.c0.m270.l1313

 

Steinolía notuð í stað dísels

Holl ráð.

Allt frá fyrsta degi mótmælanna í Egyptalandi hafa Bandarísk stjórnvöld ausið úr viskubrunnum sínum til handa Egyptum.  Það ætti engum að koma á óvart enda búa þeir yfir mikilli reynslu heimafyrir hvernig má nota fjölmiðla í  þágu stjórnvalda.

   

Egypsk yfirvöld hætti að handtaka blaðamenn

Bræðralag fyrir frelsi.

Bræðralagið hefur viðræður

Ef ég hefði vængi / Halli Reynis

Geta haldið áfram að gera í buxurnar.

Sturla Jónson verktaki og mótmælandi var fulltrúi litla mannsins í Valhöll í dag eftir eftir því sem fram kemur í Pressunni.  Sturla var með fyrirspurn til formanns Sjálfstæðisflokksins.

"Sturla líkti fyrsta IceSave samkomulaginu við slitnar gallabuxur sem kostuðu 10 þúsund krónur. Nýja IceSave samkomulaginu líkti hann við sömu slitnu buxurnar, sem væru á útsölu og kostuðu
3 þúsund krónur. Hann sagði að það sem Bjarni væri að bjóða upp á með afstöðu sinni væri það að taka slitnu buxurnar á 3 þúsund.

Bjarni svaraði því til að þeir sem keyptu ekki ódýru buxurnar gætu lent í því að enda allsberir.

Þá sprakk salurinn,

eins og einn fundargestur orðaði það við Pressuna." 

Það er nokkuð ljóst að Bjarni og elítan hafa orðið sér úti um buxur á útsölu til að gera í, en fyrir litla kalla eins og okkur Sturlu verður eitthvað í að við komumst aftur í buxur.  Útsölubuxur þeirra Bjarna og félaga kosta hvern vinnandi mann í landinu ca. 500.000 ef allt fer á besta veg.

„Sætti mig við þessi málalok“

Létum þjóðina falla.

Það sem vantar upp á að myndin sem forsetinn dregur upp sé sönn er sú staðreynd að stjórnvöld frá hruni hafa látið skuldara og skattgreiðendur landsins axla tapið og eru á góðri leið með að gera almenning eignalausan. 

Því sem rænt hefur verið frá almenningi hefur verið notað til að endurreisa bankakerfið í öllu sínu veldi, Sjóvá, Sparisjóðina, Húsasmiðjuna og stórauka umsvifin í stjórnkerfinu svo lítið eitt sé upptalið. 

Og nú hyggjast alþingismenn láta almenning taka ábyrgð á icesave.  Þetta heitir ekki að láta bankana falla.  Þetta heitir að láta þjóðina falla. 

Leyfðum bönkunum að falla

Er offita ímyndunarveiki?

Væri ekki munur að geta hugsað sig frá aukakílóunum?  Þá ætla ég að segja frá því að það er hægt.  Ég átti við það að stríða að vera of feitur árum saman.  Aðferðin til árangurs við að léttast var allt öðruvísi en ég hafði ímyndað mér.  Hún fólst í að ég át meira en nokkru sinn áður, stundaði enga líkamsrækt, léttist samt um tugi kílóa á fáum mánuðum.  Ég breytti mataræðinu, en fyrst og fremst hugsunarhættinum.  Flest mín megrunarátök höfðu mistekist eftir ákveðinn tíma, en með því að hafa engin tímamörk, heldur breyta mataræðinu þá skipti ég um stöðu og fann út hvaða mataræði þyrfti til að ná kjörþyngd. 

Því hefur verið haldið fram að genunum verði ekki breytt og þau stýri því hvort fólk verður feitlagið.  Munurinn á því hvernig vísindin og skammtafræðin sjá heiminn kollvarpa þessum hugmyndum.  Skammtafræðin gefur þau skilaboð að hlutirnir séu ekki eins fastskorðaðir og vísindin gefa til kynna.  Þetta er því á valdi hvers og eins.  Skammtafræðin tekur mið af andanum og því sem hann fær umbreytt, hvort sem við viljum kalla það trú eða eitthvað annað.

Út frá sjónarhorni vísindanna er fátt sem hægt er að gera til að lækna sjálfan sig með því einungis að nota hugann.  En allir hafa heyrt af því að sjúkir hafa læknast við að taka óvirkar hveitipillur og þannig læknast, af ímyndunarveiki.  þetta sýnir best hversu öflugur hugurinn er ef þú hefur jákvæða væntingu til lyfsins þá mun árangur nást jafnvel þó notuð sé hveitipilla.  Hvað þá ef afstöðunni er breytt til alls sem er yfir í jákvæða, ekki einungis til hveitipillu.

Hérna er video þar sem vísindamaðurinn Bruce Lipton skýrir það hvernig þetta getur virkað.  Eins eru hugleiðingar um þessa aðferð á bloggsíðunni minni Mason.

 

Tíundi hver fullorðinn of feitur

Þjóðaratkvæði takk.

Vonandi ganga einhverjir málsmetandi menn fram í því að þjóðaratkvæðagreiðsla fari fram um icesave3.  Verður það þeir í Indefense? 

Það hefur verið sagt oft áður á þessu bloggi að að kæmi ekki á óvart að icesave3 renni hljóðlega í gegnum þingið með samþykki fleiri þingmanna sem hafa verið á móti í þessu grundvallarmáli hingað til, um það hvort réttlætanlegt sé að setja skuldir gjaldþrota einkabanka á ábyrgð almennings. 

Það sem kemur á óvart núna er að 1% lægri vextir miðað við fyrri samning skulu teljast frábær árangur, og væntingar um betri heimtur í þrotabúi Landsbankans.  Það verða að uppistöðu til sömu þingmenn og tóku fullan þátt í því að setja Ísland á hausinn sem ætla að samþykkja icesave3. 

Þegar kemur í ljós hver þessi reikningur í raun verður, stendur þjóðin frammi fyrir þeim kostum, að taka hyskið af launaskrá, eða lifa sjálf við stórskert lífskjör.  Að samþykkja icesave3 verður dýr lexía.  Því er nauðsynlegt að þjóðin fái að segja sitt álit, þjóðaratkvæði takk.

InDefence styður ekki Icesave