Ekki er kálið sopið þó,,,

Þessi EFTA dómur tekur á því að formsatriði var ekki fullnægt. Dómurinn tekur ekki á þeirri skipulegu glæpastarfsemi sem ríki og bankar hafa viðhaft gegn íslenskum heimilum um áratuga skeið. Enda er því sem næst ómögulegt að skíra það út fyrir þeim sem ekki hafa reynt á eigin skinni hvernig verðtryggð húsnæðislán eru útfærð

Á kaffistofuspjalli um daginn kom fram hjá harðduglegum pólskum kunningj mínum að hann skildi ekki hvers vegna ég talaði um skipulega glæpastarfsemi ríkis og banka vegna verðtryggingar. Honum sýndist ekki betur en að það væri sanngjarnt að greiða viðráðanlegar afborganir af húsnæði þar sem væri óþrjótandi vinnu að hafa.

Hann tiltók sérstaklega að þegar hann kom allslaus til Íslands fyrir 8 árum síðan hefði hann fengið stjörnur í augun yfir ríkidæmi íslendinaga sem hann hefði ekki með nokkru móti getað skilið á þeim tíma. Hann hefði hringt í pappa sinn heima í Pólandi og sagt honum að jafnvel pípari gæti átt Lancrusier við húsið sitt á Íslandi.

Eftir hrunið 2008 skildi hann þetta allt saman betur, íslendigar höfðu tekið lán fyrir herlegheitunum því væri ógæfan þeim sjálfum að kenna. Þegar hér var komið við sögu spurði einn íslenskur vinnufélagi á kaffistofuni; hvað átt þú marga bíla í dag? Með bros út að eyrum var svarði hanna þrjá, tvo á Íslandi og einn í Pólandi. Hvað átt þú margar íbúðir í dag spurði ég - með bros út að eyrum svaraði hann tvær eina á Íslandi og eina í Pólandi. Já veistu út af hverju þú átt svona mikið núna sagði ég -hvað meinarðu sagði hann – ég svaraði; við búum í ríkasta landi í heimi.

Þetta var ekki í fyrsta sinn sem svona umræður dúkka upp á kaffistofunni, þessi pólski kunningi minn hafði áður upplýst að landar hans væru að kaupa íbúðir á mjög sanngjörnu verði, jafnvel hálfvirði ef miðað væri við það hvað skuldin hefði verið á íbúðinni þegar fyrri fjölskyld var borin út, það eina sem þyrfti að passa sig á í þessu sambandi væri að kaupa íbúðirnar af bönkunum en ekki af fólkinu sem væri búnir að skuldsetja þær til helvítis.

Þetta geta íslendigar einnig gert sem ekki hafa flækt sig í verðtryggingavefnum, og bankar sverma fyrir þeim sem búa erlendis að taka þar ódýr lán til að húsnæðiskaupa á Íslandi í gegnum fjárfestinga leið Sðlabankans. Pólski vinur minn telur því verðtrygginguna vera ágæta þó svo hún sé ekki fyrir alla. Ég reyni koma fyrir hann vitinu með því að segja að hann hafi ekki aldur og þroska til að skilja dásemdir verðtryggingarinnar. Knnski átti hann sig á henni á sextugsaldri þegar hann verði búin að borga húsið í fjórða sinn og bankinn tilkynnir honum að nú þurfi hann af óviðráðanlegum orsökum að borga það fjórum sinnum í viðbót eða koma sér út með sitt hafur task.

Annars er reyndar best að taka Axelinn á þetta því þar er þetta útskýrt málalengingalaust.

„Fullnaðarsigur íslenskra neytenda“

Var Snorri Sturluson frímúrari?

Um það bil 20 árum eftir að Evrópskir krossfarar höfðu frelsað hina helgu borg Jerúsalem undan yfirráðum múslima árið 1118, er stofnuð regla musterisriddara sem sögð er hafa haft aðsetur þar sem musteri Salomons stóð. Regla þessi auðgaðist gríðarlega af áheitum og landareignum víða á vesturlöndum. Í Frakklandi einu er hún talin hafi átt um 10.000 herragarða. Leynd hvíldi yfir reglunni og þeim fornu fræðum sem hún á að hafa haft aðgang að úr musteri Salomons, sem sum hver voru talin komin úr Egipsku píramýdunum. Öfund gerði vart við sig í garð reglunnar vegna ríkidæmis hennar og þegar múslímar náðu Jerúsalem aftur á sitt vald árið 1291 fór að halla verulega undan fæti fyrir musterisriddurum.

Páfinn í Róm og Filippus Frakkakonungur blésu til ofsókna gegn Musterisriddurunum. Voru reglubræður þá um 20.000 talsins, ákærðir fyrir hvers konar upplognar sakir. Árið 1307 voru reglubræður í Frakklandi handteknir í stórum hópum. Eftir sýndarréttarhöld og pyntingar voru þeir brenndir á báli í þúsunda tali um alla Evrópu fyrir galdur og önnur forn fræði. Árið 1312 bannaði páfinn reglu musteriddara og leið hún undir lok að talið var, því er þó haldið fram að að hópur musterisriddara hafi sloppið undan ofsóknunum á meginlandi Evrópu yfir til Skotlands. Hin nýja regla Musterisriddara varð síðan forveri seinni tíma frímúrarareglna og var sett á laggirnar í Skotlandi undir verndarvæng Robert Bruce konungs Skotlands árið 1314. Árið 1319 veitir nýr páfi, Jóhannes XXII , reglunni aftur tilverurétt þá undir nafninu Riddarar Jesú Krists.

Ítalski verkfræðingurinn og dulmálssérfræðingurinn að Giancarlo Gianazza telur sig hafa fundið sterkar vísbendingar um að stór hópur musterisriddara hafi komið til Íslands árið 1217 með leyndar helgar frá Jerúsalem. Telur Gianazza sig hafa lesið þett út úr dulmálskóda sem megi finna í hinum Guðdómlega gleðileik eftir Dante. Þórarinn Þórarinsson arkitekt hefur unnið með Giancarlo Gianazza við að fylla uppí myndina með vísbendingum sem felast í Sturlungu. Þórarinn telur komna fram raunverulega skýringu á pólitískum átökum í kringum Snorra Sturluson á þrettándu öld. Hverjir voru hinir „áttatíu austmenn, alskjaldaðir" sem voru í fylgd með Snorra á Þingvöllum? Þórarinn og Giancarlo telja að þetta kunni að hafa verið musterisriddarar sem töldu tryggast að koma dýrgripum frá landinu helga í örugga geymslu vegna trúarlegra og pólitískra átaka í Evrópu.

Í grein um fræði Gianazza sem birtist í Leyndarmálum sögunnar (Historic Mysteries) 10. febrúar 2011 er greint frá að Gianazza hafi ransakað þetta undarlega mál frá því 2004. Þar segir m.a.;

"It seems incredible that Iceland would be a part of what some call the greatest literary work of all time. Gianazza avers that it is not so far-fetched.

Apparently a group of the Knights Templar, a monastic military order of the Middle Ages long associated with discovering holy relics, visited Iceland. "In the official historic records of Iceland it is stated that in 1217, during the meeting of the Althing - the Parliament established in 930 - the leader and poet Snorri Sturlusson appears next to what the text defines as ‘80 knights from the south, all dressed and armed in the same fashion’ and is elected as commander for that year.” Gianazza is convinced that the Knights "travelled to Iceland and backed the election of Sturlusson in exchange for his support in the building of a secret chamber to be filled over the years with sacred books and objects from the Temple of Jerusalem.

" After the eradication of the Knights Templar in 1307, Gianazza believes a secret elite of the Knights remained and that Dante belonged to this elite. Dante, therefore, would have been privy to the knowledge of the Knights and the whereabouts of the secret chamber. Consequently, he would have coded this knowledge into the Comedy."

Þó það sé langsótt að halda því fram að Snorri Sturluson hafi verið forveri frímúrara á Íslandi og þó svo tilgátur ítalans Gianazza ættu ekki við nein rök að stiðjast, þá er eftir sem áður um athygliverða tilgátu að ræða. Þetta verður sérlega áhugavert þegar ævi Snorra er skoðuð í þessu ljósi og höfð til hliðsjónar kenning Jochums M Eggertssonar í Brisingameni Freyju frá 1948 þar sem hann leggur m.a. út frá orðum Gísla Oddaonar biskubs í Skálholti (1634-1638) í bókinni Íslensk annálsbrot og undur Íslands, um; -„að ófreskju skuggar og áþreyfanleg Egipsk myrkur hafi eihvern tíma, ráðist inn í þetta föðurland vort og varpað skugga á það. –Ég hef ekki fundið tilgreint, hve lengi þeir hafi haldist við í hvert sinn, né ártölin.“ –skrifar biskup.

Snorra Sturlusonar er einkum minnst fyrir íslendingasögurnar og hið mikla ritverk Heimskringlu, sem hefur að geyma sögu Noregskonunga auk þeirra heimilda um norræna goðafræði sem í verkum hans felast. Vegna þessarar arfleiðar mætti ætla að Snorri hafi verið mikill fræðimaður og grúskari. En sannleikurinn er sá að hann var umfarm allt annað íslenskur höfðingi á umbrotatímum sem hæpið er að ímynda sér að hafi haft tíma til að sinna grúski og ritstörfum. Á ævi Snorra logar Ísland í borgarastyrjöld sem endar með því að landið kemst undir Noregskonung. Helstu persónur og leikendur í þeirri styrjöld voru Noregs konungur ásamt biskupnum í Niðarósi sem íslenska kirjan heirði undir, auk íslenskra höfðingjaætta á við „Sturlunga“, ætt Snorra. Enda gengur tímabilið undir heitinu Sturlungaöld í Íslandssöguni.

Auðsöfnun og valdagræðgi var áberandi á meðal íslenskra höfðingja 12. og 13. aldar og náði sennilega hámarki með Snorra Sturlusyni. Tilgáta Giancarlo Gianazza er sérstaklega áhugaveð í þessu ljósi. Eins kenning Jocums M Eggertssonar um að Snorri hafi ekki skrifað þær bókmenntir sem við hann eru kenndar heldur hafi þær verið skrifaðar mun fyrr, en Snorri hafi komist yfir þau handrit og látið endurrita þau þannig að þau varðveitast. Sturlungaöldin hófst árið 1220 þegar Noergskonungur fer þess á leit við Snorra Sturluson að hann komi Íslandi undir norsku krúnuna og hann gerist lénsmaður konungs. Þarna hefur konungur því talið sig vera að gera samning við einn valdamesta mann landsins, en Snorri gerði lítið til þess að koma landinu undir Noreg og var drepinn árið 1241 af Gissuri Þorvaldsin að undirlagi konungs.

Það er ævintýralegt að setja frama Snorra Sturlusonar í stjórnmálum Íslands í samhengi við Musterisriddara en því verður samt ekki á móti mælt að eftir þessa heimsókn 80 austmanna sem mæta með alvæpni á Þingvöllum með Snorra 1217 hefst frami Snorra sem var sonur Hvamm Sturlu Sighvatssonar sem talin er hafa verið nýlega tilkominn höfðingi af bænda ætt en ekki goða. Eins verður ævi Snorra sem rithöfundar allt önnur í þessu ljósi því auðséð er á þeim bókmenntaverkum sem kennd eru við hann að þar var um víðtækar heimildir að ræða sem ná árhundruð ef ekki þúsund aftur í tímann frá hans æviárum.

Það er því spurning hvort Musterisriddarar hafi valið Snorra til að geima þær launhelgar sem fluttar voru úr musteri Salomons vegna þeirra miklu bókmenntaverka sem hann varðveitti þá þegar og við hann eru kennd. Samkvæmt kenningu Jochums sem finna má í Brisingarmeni Freyju eiga verk Snorra uppruna sinn í Krýsuvík, mörghundruð árum fyrir fæðingu Snorra. Fræðasetrið í Krýsuvík á svo að hafa átt rætur sínar að relkja til eyjarinnar Iona á Suðureyjum Skotlands, nánar tiltekið klausturs St. Columbe, og verið flutt til Íslands löngu fyrir landnám eða um árið 700.

Allavega virðist Snorri hafa haft tengingar til Skotlands ef marka má Sturlungu. Þann 29. september 2013 má finna í Akureyrarblaðinu áhugaverða grein um kenningar Giancarlo Gianazza , þar segir m.a.;

„Í Sturlungu segir frá Skotanum Herburt sem var hér á landi sumarið 1216 en hann var fylgdarmaður Snorra Sturlusonar. Segir frá deilum hans og annars útlendings sem kallaður var Hjaltinn en sá var aðstoðarmaður Magnúsar goða. Má draga þá ályktun að Herburt hafi haft frumkvæði að þessum ágreiningi þeirra á milli og jafnvel gert meira úr honum en efni stóðu til. Í kjölfarið upphófust deilur milli Snorra og Magnúsar og liðsmanna þeirra. Fleiri deilumál komu upp milli þessara tveggja aðila sem enduðu með því að árið eftir (1217) mættust þeir tveir á Alþingi sem þá var á Þingvöllum. Þar komum við að því sem Gianazza telur vera eina vísbendingu af mörgum sem styðji kenningu hans um veru gralsins hér. Í kjölfar frásagnar af deilum þeirra Snorra og Magnúsar sem áður var minnst á segir eftirfarandi: „Eftir þetta fjölmenntu mjög hvorirtveggja til alþingis. Snorri lét gera búð þá upp frá Lögbergi er hann kallaði Grýlu. Snorri reið upp með sex hundruð manna og voru átta tigir Austmanna í flokki hans alskjaldaðir. Bræður hans voru þar báðir með miklu liði.“ (Sturlunga saga, 1988:253-254). Samkvæmt þessu var Snorri Sturluson með stóran hóp fylgdarmanna á Alþingi og þar af voru 80 Austmenn.“

Þróa þáttaröð um Sturlunga

Revelations Of A Mother Goddess

Allra heilagra messa.

 

 

Allraheilagramessa er 1. nóvember. Hún á sér fornar rætur því vitað er til að messur þar sem beðið var fyrir látnum voru haldnar þegar á 4. öld eftir Krist. En oftast er upphaf allraheilagramessu samt rakið til þess er Pantheonhofinu í Rómaborg var breytt í kirkju og vígsludagurinn - 13. maí árið 609 eða 610 - jafnframt helgaður öllum píslarvottum. Þetta má finna á vísindavef háskóla Íslands.

 

Randall Carlson rannsakandi heilagrar rúmfræði heldur því fram að allra heilagra messa eigi sér mun lengri rætur, jafnvel aftur fyrir syndaflóðið. Carlson hefur komist að því að "allra heilagra messa" var haldin á sömu daga í öllum fornum menningar heimum, hvort sem þeir voru í Evrópu, Asíu, Ameríku eða Ástralíu. Fyrirlestur Randal Carlson um uppruna allra heilagra messu eða Halloween má finna hér.

 

 

 

Mikið af þeirri dulspeki sem notuð er með táknmyndum í skemmtana og auglýsingaiðnaði nútímans á sér því uppruna aftur í grárri forneskju. Stundum er upprunaleg þýðing táknmyndana ekki öllum kunn hvað þá að fólk hafi reynsla þeim tengdum til að átta sig á hvernig þetta virkaði. Margvísleg misnotkun táknanna í gegnum tíðina hefur svo orðið til þess að þau hafa misst merkinguna og eru allt eins talin vera komin frá hinu illa, jafnvel tilbrigði við djöfladýrkun. En málið er að það er munur á notkun þessara tákna til ljóss eða myrkurs, þar liggja jú andstæðurnar.

 

Það hefur því oft verið nokkur misskilningur um þá fornu þekkingu sem andleg tákn eru rakin til hvað þá þegar kemur að dulspekinni sjálfri. Það er auðvelt að draga ályktanir um fáránleika táknfræði út frá myndefni dagsins í dag. En að skilja merkingu sem upprunalega var lögð í gömul tákn getur verið vandasamara, enda varla mögulegt fyrir fólk sem lifir nú á tímum að fara í gegnum sömu andlegu reynslu og þau sem notuðu þessi tákn í fortíðinni. En táknfræði þess hefur engu að síður lifað í gegnum aldirnar sem tungumál þar sem mörgum orðum, jafnvel heilli hugmynd er fyrir komið í tákni.

 

 

 

Andleg þekking fólks til forna virðist oftast hafa verið fengin með reynslu utan líkamans, með þrá til þekkingar og uppljómunar.

Sum tákn hafa lengi verið í þjónustu trúarbragðanna og  sum eru notuð jafnvel enn í dag af ýmsum félagasamtökum s.s. frímúrurum. Merking þeirra getur átt rætur sem ná langt aftur í tímann á meðan önnur eru endurgerð fyrir nútímann eða jafnvel nýtilkominn sem vörumerki. Þetta gerir það að verkum að endurgerð fornra tákna inniheldur oft ekki þau skilaboð sem þau upphaflega stóðu fyrir og hafa þau verið afbökuð á þann hátt að upphafleg meining þeirra hefur jafnvel glatast.

Mikið er hægt að uppgötva um gömul dulspeki tákn með því að rannsaka hvað um þau hefur verið ritað, en til að komast að raunverulegri merkingu þeirra verður að notast við annarskonar rannsóknir, s.s. með því að leyfa sálinni að ferðast út fyrir skilningsvit líkamans. Þá er mögulegt, að svo langt verði farið út í myrkrið, að uppruni hins illa verði skiljanlegur. Jafnvel sjá áhrifum sjónhverfinga beitt i nútíma samfélagi og hvernig óheillvænlegar hersveitir myrkursins ráðskast með heiminn. 

 

 

 

 

Enn þann dag í dag eru gömul dulspeki notuð, ekki síst af þeim sem eru í valdastöðum samfélagsins. Margt fólk útilokar tilveru þess vísdóms sem þessi tákn standa fyrir sem hverri annarri fjarstæðu, en það eru mistök, skilningur á þeim getur verið leið til þroska; þetta vita þeir oftast sem með valdið fara en meirihlutinn ekki. Það hefur því verið  kappsmál sjálfhverfra valdhafa að leggja línurnar um það hvaða merkingu almenningur leggur í hina fornu dulspeki og útmála vísdóm hennar sem bábilju, sem er geðslegra en valdhafar fyrr á tímum gerðu með því að ástunda galdrabrennur í þeim tilgangi að eyða þeim sem réðu yfir þekkingunni.

 

Táknfræðin dulspekinnar hefur smásaman verið breytt og er notuð í þeim illa tilgangi að lauma efnishyggju um alla afkima mannlegrar tilveru. Á þann hátt meðtekur grunlaus almenningur boðskapinn fyrir framan sjónvarpsskjáinn í gegnum tilfinninguna; þetta verð ég að fá. Þar sem eðli myrkursins er andhverfa ljóssins þá hafa mörg vísdóms táknin verið eignuð hinu illa með því að snúa leiðarljósi þeirra á hvolfi og brengla upprunalegri merkingu. 

 

 

 „Í táknfræði dulspekinnar er andhverfan öfugur kraftur... sá sem stundar svartan galdur getur því aldrei notað táknmynd hvíts galdurs (upplýsingar) án þess að snúa henni á hvolf, annars kæmu vélráðin honum sjálfum í koll. Hann verðu því að afbaka táknmyndina á þann hátt að einkenni réttrar merkingar hverfi og að hún bendi ekki á að það sé hann sjálfur sem er að koma sínu fram. Svartur galdur er því ekki eiginleg sköpun; hann er misnotkun á sköpun. Þess vegna hefur hann engin samsvarandi eigin tákn. Hann notar því skapandi tákn hvíts galdurs (upplýsingar) með því að umsnúa þeim og gefa til kynna að þau merki hið gagnstæða" - Manly P Hall, The Secret Teachings of All Ages.

 

 

 

Pentagram er gott dæmi um það hvernig myrk öfl hafa umsnúið merkingu dulspeki tákna. Með því að snúa því sem stundum er kölluð morgunnstjarnan á hvolf verður hún að fallinni morgunnstjörnu, því sem stundum kallað er geit Mendesar, jafnvel fótspor djöfulsins. Það eru fá tákn sem hafa eins rækilega verið eirnamerkt því hvernig andinn er undirgefin holdsins físnum. En þetta er ekki upphafleg merking táknsins.

 

 

 

 

Pentagram er hins vegar öflugt tákn gegn til verndar gegn illu. Pentagram stjarnan hefur fimm arma sem vísa til fimm elementa, undirarmarnir fjórir tákna grunnefnin loft, vatn, jörð og eld, efstur er svo andinn sem ríkir yfir efninu. Í miðjunni er fimmhyrningurinn Pentagon til varnar, kannski engin tilviljun að höfuðstöðvar varnarmálaráðaneytis Bandaríkjanna nefnast Pentagon.

 

 

 

 

Það er fátt sem er eins og virðist við fyrstu sýn þegar kemur að táknmáli dulspekinnar og er íslenski Ægishjálmur gott dæmi um það.

 

Fyrir u.þ.b. tveimur árum var sagt frá því á þessari síðu að Ægishjálmur væri til skoðunar. Þær upplýsingar sem koma fyrst upp á netinu um hann eru; "Ægishjálmur er gamall íslenskur galdrastafur sem er til í fjölmörgum gerðum og útgáfum. Hans er getið í Eddukvæðum, Sigurður Fáfnisbani bar Ægishjálm þegar hann sigraði drekann Fáfni á Gnitheiði".

 

Eftir að hafa leitað upplýsinga um Ægishjálminn með því að lesa Völsungasögu, Eddukvæði og það sem um hann stendur í þjóðsögunum komst ég að því að fátt er að marka sem um hann er sagt við fyrstu uppflettingu, s.s. að Sigurður Fáfnisbani hafa borið hann í viðureigninni við Fáfni. Þar hafði sögunni verið snúið á hvolf eins og svo oft er með dulspeki táknin, hjálmurinn var Fáfnis.

 

Ægishjálmurinn er mikið stærra tákn en kemur fram við fyrstu sýn á netinu. Eftir að hafa lesið um hann, teiknað, mótað í kopar og málað á striga mánuðum saman voru orðnar til það miklar upplýsingar að um það mætti skrifa heila bók.

 

Ægishjálmurinn er í raun alheimstákn sem enn er í gildi, dulspeki hans hefur verið ástunduð í öllum menningarheimum og af vel flestum trúarbrögðum. Endirinn á rannsókninni varð sá að ég setti saman myndband með upplýsingum um hvar uppruni Ægishjálmsins er samkvæmt Norrænni Goðafræði og hvar hann á sér samsvörun.

 

 

 

Hrekkjavökubúningar stjarnanna

Blámóðan.

Það er að koma í ljós að eldgosið í Holuhrauni ætlar að bera með sér meiri óværu en í upphafi var haft á orði. Í dag voru fréttir af það mikilli gasmengun á Höfn að íbúar eru beðnir um að halda sig innandyra og þetta ástand geti jafnvel varað næstu 36 tímana.

 

Eins var greint frá því á mbl í dag að Þorvaldur Þórðarson prófessor í eldfjallafræði "Óttast langtímaáhrif gasmengunar" frá Holuhrauni, standi gosið yfir mánuðum saman. Það eru fleyri en íslendingar sem mega óttast gasið ef marka má heimildamynd sem Þorvaldur er áberandi í, myndinni "Doomsday Volcanoes" sem gera þeirri gasmengun skil sem herjaði á Ísland og norðanverða Evrópu í móðuharðindunum. Gasið frá Holuhrauni er talið af sama toga. Myndina má nálgast hér.

 

Það hefur verið ævintýralegt að fylgjast með himninum síðan þetta eldgos hófst fyrir tæpum tveimur mánuðum síðan. Að upplifa sólarupprás í heiðríkju þar sem ylinn og geislana frá sólinni vantaði auk þess sem engir skuggar mynduðust. Þó svo að móðan sjáist best við þegar sólin er að rísa eða setjast þá eru ýmis litbrigði í blámóðu dagsbirtunnar.

 

Sem betur fer hefur styrkur brennisteins í lofti ekki náð þeim gildum sem mælast í Hornafirði í dag, en samt sem áður hefur blámóðan verið sýnileg á Héraði flesta bjartviðrisdaga frá því gosið hófst. Ég set hérna inn nokkrar myndir því til staðfestu. 

 

Strax 29. ágúst, daginn sem gosið hófst, mátti sjá mistraðan himinn yfir Héraðinu af svölunum mínum. 

 

Þessi mynd er frá 5. september, blámóðan liggur yfir innanverði héraðinu og birgir sýn. 

 

 

Ein undarlegasta sólarupprás sem ég hef upplifað var á Stöðvarfirði 7. september. Auk þess að yl og skugga frá sólageislunum vantaði þá steinþögðu fuglarnir. 

 

 

Sólarlagið yfir Egilsstöðum 12. september, sennilega var það þennan dag sem mengunin á Egilsstöðum mældist mest frá gosi eða um 600 á rúmmetir sem er smotterí miðað við 9000 -21000 á Hornafirði í dag. Samt er ég ekki frá því að finna hafi mátt fyrir áhrifum frá gasinu þennan dag. 

 

 

Sólarlag á Stöðvarfirði 13. september. Það sem hefur einkennt blámóðuna í sólskini er brennisteinsgult endurkast sólageislana sérstaklega frá vatni. 

 

 

Litbrigði móðu himins yfir Egilsstöðum 23. september. 

 

 

Blámóða yfir Héraðinu í heiðríkju og logni 14. október, séð í suður, engin fjallasýn í átt að Snæfellinu.

 

 

Sólarlagið í dag, sólin sest í stefnunni á Holuhraun. Vindáttin er hæg norð-vestan sjá má móðuna yfir Fljótsdalnum og Snæfellinu þar sem vindurinn ber hana í suð-austur. 

Fyrsti vetrardagur.

 

Fyrsti vetrardagur er laugardagurinn að lokinni 26. viku sumars. Hann er fyrsti dagur fyrsta vetrarmánaðarins Gormánuðar, í gamla norræna tímatalinu. Fyrsta vetrardag ber upp á 21.-27. október, nema í rímspillisárum, þá 28. október. Rímspillisár þekkist á því að aðfarardagur ársins er laugardagur og næsta ár á eftir er hlaupár (hefur aðfarardagana sunnudag og mánudag).

Gormánuður er fyrsti mánuður vetrar og virðist ekki hafa átt önnur nöfn að fornu, nafnið vísar til sláturtíðar. Veturnáttaboða er oft getið í fornsögum, sem eiga að gerast fyrir eða um kristnitöku . Raunar má segja, að engin árstíðabundin boð eða blót séu nefnd eins oft nema um jólaleytið.

Þetta á sér líklega þær náttúrulegu skýringu að á haustin var mest til af nýju sláturkjöti, og var það nánast nauðsyn að neyta þess nýmetis þá í sem ríkustu mæli vegna þeirra vandkvæða, sem þá voru á geymslu þess, þegar ekki voru til frystihús og salt. Kornuppskera var þá einnig lokið, hafi hún verið einhver.

Veturnáttboð er aftur á móti ekki getið í samtíðarsögum frá 12. og 13. öld, þótt t.a.m. jólaveislur haldi áfram og síst minni í sniðum. Þessi munur gæti átt sér þá eðlilega skýringu að öllum veislum af þessu tagi fylgja nokkrir helgisiðir, og í heiðnum sið virðist hafa verið blótað til árs og friðar móti vetri og drukkinn heill heiðinna goða og vætta. En í rauninni var lítil ástæða til að fagna komu Veturs konungs, sem síst hefur þótt neinn aufúsugestur. Svo mjög hafa menn óttast þessa árstíð, að í gamalli vísu frá 17. öld stendur:

Öllu verri er veturinn en Tyrkinn.

Og er þar vísað til hræðslu manna við sjóræningja þá sem kenndir voru við Tyrki. Því er líklegt að í veturnóttaboðum hafi heiðnar vættir verið blótaðar í þeim tilgangi að fá þær til að milda veturinn, líkt og líklega hafi verið með þorrablót.

Norræna tímatalið er það tímatal sem notað var af  norðurlandabúum þar til júlianska tímatalið tók við sem almennt tímatal, og raunar lengur. Tímatalið og mánaðaheitin miðast við árstíðir sveitasamfélagsins og skiptast í sex vetrarmánuði og sex sumarmánuði. Það miðast annars vegar við vikur, fremur en daga, og hins vegar við mánuði, sem hver um sig taldi 30 nætur. Með þessum hætti hefjast mánuðirnir þannig á ákveðnum vikudegi, fremur en á föstum degi ársins.

(heimild wikipedia) 

Íslensku mánaðaheitin

• Vetur: gormánuður, ýlir, mörsugur, þorri, góa, einmánuður. 
• Sumar: harpa, skerpla, sólmánuður, heyannir, tvímánuður, haustmánuður. 

 

 

Getur það verið?

Stóð aldrei til að kaupa vopnin

Sjálfum sér næstir.

Það má segja að hver sé sjálfum sér næstur þegar kemur að greina frá gasmengun frá Holuhrauni.

En sennilegast er að hennar verði meira vart eftir því sem nær dregur gotstöðvunum þó svo að þess verði ekki svo mikið vart í fréttaflutningi.

Á Jökuldal fór mengunarmælirinn í 3.400 í dag og stóð lengi vel í kringum 3000. Sjá hér.

 

 

Svona var skyggnið á Egilsstöðum í dag þó svo að ekki mældist mikil mengun. 

Mikil mengun við Leirubakka

Hver ósköpin mun það kosta?

Ótæmandi orkulind fundin ef...

Rauðar íslenskar.

 

Það hefur verið einstök veðurblíða austanlands frá vorjafndægri til haustjafndægurs, eða í hálft ár og reyndar allt til dagsins í dag. En nú er farið að blása hressilega með köflum svo að flaggið slitanaði úr stönginni á Sólhólnum um helgina.

Þrátt fyrir einmuna veðurblíðu er ekki enn búið að taka upp kartöflurnar, enda verður seint sagt um rauðar íslenskar að þær séu fljótsprottnar hvað þá að það sé hætta á að það hlaupi í þær ofvöxtur.

Kartöfluupptakan hófst um helgina, þó svo að grösin standi enn, og restin verður sennilega tekin upp um næstu helgi.