Trúleg vísindi.

Hugsunin getur framkallað myndir og séð hlutina fyrir því er hún til alls fyrst og er upphaf þess að skapa frá hinu ósýnilega. Allt sem við sjáum í kringum okkur á sér upphaf í hugsun, allir hlutir urðu til fyrir hugsun. Hlutirnir taka ásýnd eins og þeir eru hugsaðir, það er hugsunin sem kemur framkvæmdinni af stað. Þannig voru allir hlutir skapaðir, við búum í veröld hugsunarinnar þar sem hugsunin er hið skapandi afl.

Eins er það aðeins þegar við beinum athygli okkar í ákveðna átt sem hugsanir verða hagnýtanlegar sem atburður í tíma og rúmi.  Um leið og við drögum athyglina frá honum aftur, verða þær aftur að hugsunum í formi minninga.  Þannig geturðu séð að athugun þín og eftirtekt á einhverju getur hreinlega orðið að ákveðnum tímasetjanlegum atburði.

 

 

 

 

Gregg Braden.

 

Vísindamaðurinn, rithöfundurinn og fyrirlesarinn  Gregg Braden er þekktur fyrir að brúa bil vísinda og andlegra efna til samhengis við raunveruleikann.  Hann hefur átt farsælan feril sem jarðfræðingur hjá Phillips Petroleum, starfað sem yfirmaður tölvukerfa við Martin Marietta Defense Systems og verið  tæknilegur framkvæmdastjóri fyrir Cisco Systems.

Í meira en 25 ár, hefur Gregg leitað uppi og rannsakað forna texta sem geymdir eru á fáförnum stöðum s.s. í klaustrum, eins rúnir fornra mannvirkja til að afhjúpa tímalaus leyndarmál þeirra. Verkum hans hafa m.a. verið gerð skil á History Channel, Discovery Channel, National Geographic og ABC.

Hingað til hafa uppgötvanir Gregg leiddi til þess að hann hefur skrifað bækur á við God Code, The Divine Matrix, Fractal Time, og  þá nýjustu, Deep Truth.  Bækur þessar upptendra minningar um uppruna okkar, sögu og örlög.  Í dag, hafa verk hans verið gefin út á 19 tungumálum í 38 löndum, sem sýna okkur umfram allan vafa að lykillinn að framtíð okkar liggur í visku fortíðarinnar.

Gregg Braden fer yfir það í þessum fyrirlestri hér fyrir neðan á hve einstökum tímum við lifum.  Tímar sem fornir menningarheimar voru búnir að sjá fyrir og hefðu viljað gefa mikið fyrir að lifa.  Tímans hjól eru að hefja nýjan hring sá fyrri er á enda runninn eftir þúsundir ára þann 21.12.2012.  Það merkilega er að saga okkar samkvæmt ritúalinu nær aðeins yfir lítinn hluta þess tímahrings sem er að enda.

Möguleikar mankins á þessum tímamótum virðast vera magnaðir.  Einnig fer Bradd yfir það hvernig heimurinn er að breytst fyrir framan nefið á okkur án þess að því sé veitt eftirtekt en á meðan er fólki haldið uppteknu af heimsmynd Darwins í gegnum fjölmiðla og menntastofnanir með ímyndinni um það að þeir hæfustu komist af þegar reyndin er sú að markaðslögmál samkeppninnar eru að hrynja alt um kring og úlfúðin komin á það stig að eira engu, allra sýst þeim hæfustu.

Nútíma vísindi eru u.þ.b. 300 ára gömul og hafa markvisst útilokað fleiri þúsund ára þekkingu.  Þeir vísindamenn eða kennarar sem reyna að flétta andans málum inn í  rannsóknir sínar eða námsefni er umsviflaust útlokaðir í fjölmiðlum og fræðimannsamfélagi við að koma þeirri þekkingu til skila. Með því hafa vísindin sett sig á stall með sömu trúarbrögðum og ástunduðu galdrabrennur.

Þó nútíma vísindin hafa t.d. fært okkur netið og snjallsímann, hafa þau ekki getað komið með það á sannfærandi hátt hver við erum, hvaðan við komum og hvert við stefnum.  Þessi grundvallar atriði hafa þau hulið móðu og það sem þó er gefið uppi samkvæmt tilviljanakenndri þróunarkenningu stenst enga skoðun.  Það muni heldur ekki verða í stóru fjölmiðlunum eða skólunum sem upplýst verður um hin sönnu vísindi um það hvernig tilveran snýst, það mun hver maður finna í hjarta sínu.

Fyrir sérvitringum eins og mér sem slökkt hefur á sjónvarpinu og útvarpi var það að rekast á vísindi Bradens ekki svo framandi, en á hans áhugaverðu sjónarmið rakst ég á alheimsnetinu fyrir nokkrum árum.  Með því að setja vísindi Bradens við upplifanir eigin lífs finn ég hvernig hann hefur rétt fyrir sér um það hvernig allt tengist.  Hvernig lögmál alheimsins og taktur náttúrunnar eru allt um kring.  Ég hef lengi haft grun um að þessi taktur hafi verið menntaður frá fólki og falinn í fjölmiðlum.  Þeim fari fækkandi sem hann finna og stundum hefur mér dottið í hug að bændur og sjómenn sem lifa með náttúrunni þekki lögmál hans best. 

Síðasta laugardagsmorgunn þegar ég opnaði útidyrnar til að taka sólarhæðina var refur við dyrapallinn þetta var það snemma morguns að umferðin um aðal umferðaræð Harstad, sem liggur um hlaðið hjá mér var ekki byrjuð.  Ég hafði mætt rebba áður á kvöldgöngu við verslunarmiðstöðina hinu megin við götuna, þá forðaði hann sér í snatri.  En nú horfðumst við í augu um stund áður en hann skokkaði í burtu og stoppaði svo við rekkverk bílaplansins til að athuga hvað ég hefði að segja, ég spurði hann hvað ert þú að gera hér Mikki refur.

Þegar leið á morguninn fór ég í minn vanalega göngutúr í uppáhalds víkina, settist þar sem sólin merlaði sjóinn í þarabreiðunni.  Úti fyrir spegilsléttri víkinni blés kaldur vindur haustsins og fyrsti snjórinn hafði gert fjallatoppana við Vogsfjörðinn hvíta.  Það leið ekki á löngu þar til máfur kom kjagandi yfir klett sem stóð upp úr þara breiðunni.  Mér datt augnablik í hug að hann hefði ekki tekið eftir mér og spurði "hvað ert þú að gera hér Jónatan Livingston mávur".   Hann gramsaði í þaranum synti svo spölkorn út á víkina flaug svo nokkra metra og settist akkúrat þar sem sólin merlaði sjóinn í andlitið á mér í smá rjóðri í þaranum.  Síðan labbaði hann í áttina til mín; hvað skildi hann ætla langt hugsaði ég, hann stoppaði svona meter frá mér.  Þarna sátum við saman um stund og létum sólina verma okkur bæði af himni og með endurkasti merlandi sjávar.

Ég fór í vasann til að ná í myndavélina og þóttist ætla að rétta honum, hélt kannski að þetta væri brauð mávur úr bænum.  Hann hafði engan áhuga á því sem ég rétti svo ég gat tekið myndir af honum að vild það eina sem hann var svolítið óöruggur yfir voru rafmagns hljóðin í linsu myndavélarinnar.  Hann kom sér svo betur fyrir upp á steini til að taka sólarhæðina, gaf frá sér hljóð í kveðju skini og flaug út yfir spegilslétta víkina kom svo til baka yfir höfðinu á mér kominn nógu hátt til að hafa vindinn í vængina.

Mér hefði ekki þótt þessi morgunn merkilegur og hefði sennilega túlkað sem tilviljanir, að hafa bæði talað við Mikka ref og Jónatan Livingston máv fyrir hádegi ef ekki hefði komið til samtal, sem ég átti við bókara fyrirtækisins sem ég vinn hjá, daginn áður. 

"Hvað gerir þú eginlega um helgar Magnús spurði bókarinn;" - ég sagðist ekki eiga í vandræðum með helgarnar ég fengi mér gönguferðir.  "Já svo þú ert þá væntanlega búin að fara á flesta fjalltoppa hérna í nágreninu til að skoða náttúruna". - Nei, ég finn styðstu leiðina niður í fjöru og sit þar á stein og bíð eftir að náttúran komi til mín, með því móti hef ég náð að tala við elg, otur, ref, fugla og ófáa ketti". 

Ég fór ekki út í að reyna skíra það fyrir honum, eftir að ég sá undrunarsvipinn yfir sumum dýrunum sem ég hefði talað við í innanbæjarumferðinni, að eins hefði ég prufað að sitja tímunum saman og telja taktinn í hafinu á meðan flæddi að milli fjöru og flóðs.  Það merkilega væri að takturinn væri sá sami og ég hefði lesið í gamalli frásögn drengs sem hafði haft tíma í að telja þennan takt. 

En nú er ég kominn út um víða völl en ætla að mæla með þessum stórskemmtileg fyrirlestri Gregg Bradens þó svo að hann fari í stóra hringi sem ekki er auðvelt að sjá fyrir endann á um tíma er það svipað og á nótaveiðum, það er þeim meira í nótinni þegar hún snurpuð saman.

 

Bláar myndir á sunnudagskvöldi.

Trúleg vísindi.

Það er orðið svo mikið til af áhugaverðu myndefni á netinu sem ætti helst heima í dagskrá sjónvarpstöðvana en er því miður ekki þar að finna, að ég sé mig tilknúinn til að hefja útsendingu þátta hérna á síðunni á fimmtudagskvöldum undir heitinu "trúleg vísindi".   Nafnið segir sig sjálft ef efnið er skoðað.

Því hefur verið haldið fram að trúarbrögðin og vísindasamfélagið hafi gert með sér samkomulag í fyrndinni í þá veru að vísindin láti stofnanir trúarbragðanna einar um að túlka andans mál, á meðan trúarbrögðin láti sér fátt um finnast hvað vísindin telja fólki trú um í því veraldlega. 

Þetta hefur gert það að verkum að vísindin eru orðin nokkurskonar trúarbrögð sem hafna því andlega og æ færri aðhyllast trúarbrögðin, telja sig jafnvel trúlausa í nafni vísindanna.  Hvernig sem svo farið er að því þar sem trúin er hávísindaleg og engar vísindauppgötvanir verða til nema fyrir innblástur andans.

Vonandi sjá sér flestir fært að láta ljós sitt skína öðrum til andlegrar upplyftingar og yndisauka.

 

Deepak Chopra.

Fyrir u.þ.b. 10 árum uppgötvaði ég Deepak Chopra þegar ég keypti lífspekibókina hans "Lögmálin sjö um velgengni" sem þýdd var á íslensku af Gunnari Dal.  Það má segja að speki Chopra hafi vakið svipuð viðbrögð og þegar alsheimersjúklingurinn vildi ekki sleppa kristalvasa sem hann veifaði í kringum sig, þegar eiginkonan ætla að taka vasann af honum áður en hann bryti hann því þetta var kær brúðkaupsgjöf þeirra hjóna.  Hún spurði hann "hvað heldur þú eiginlega að þetta sé maður, kannski eitthvað til að veifa í kringum sig", hann svarið "ég veit ekki alveg hvað þetta er en mér finnst þetta vera eitthvað sem tilheyrir mér".

Ef ég man rétt þá er Chopra læknir menntaður í lyflækningum.  Einhvern tíma rakst ég á áhugavert viðtal við hann þar sem hann skírði frá því með hvaða hætti það kom til að hann fór að stunda andlegar lækningar ef svo má að orði komast.  Þar skírði hann það út á mannamáli hvernig krabbamein verður til vegna ójafnvægis eða það sem kallað er stress.  Eins hvernig það getur verið eitt það versta sem upp kemur við þannig aðstæður sé að meinið uppgötvast.  Því  það á það til að valda meira stressi og stækkar meinið.  Fólk gæti þess vegna verið búið að fá oft krabbamein á lífsleiðinni án þess að hafa minnstu hugmynd um sem hyrfu við það að fólk næði andlegu jafnvægi á nýjan leik. 

Þetta viðtal er reyndar á öðrum nótum en verður áhugaverðara eftir því sem á líður.

 

Bláar myndir á sunnudagskvöldi.

Verkfræðiundur?

Það er spurning hvort orsakir bráðnunar Grænlandsjökuls telst til verkfræðiundurs, eða geoengineering eins og það heitir á fagmálinu.  Geoengineering hafa verið stundaðar um nokkurt skeið til að hafa áhrif á veðrið mest undir því yfirskini að bægja geislum sólar frá jörðu í baráttunni við global warming. 

Ekki veit ég hvort þeir sem hafa skráð atburðarásina á Grænlandsjökli hafa tekið þann möguleika inn í reikninginn að þetta kunni að tengjast geoengineering.  Hvað þá hvort einn besti ljósmyndari Íslands, RAX hefur tekið myndir af fyrirbærinu sem er orðið það áberandi á himinhvolfinu að það ætti ekki að þurfa að fara framhjá nokkrum lifandi manni.  Þessum verkfræðiundrum hefur að því ég best veit aldrei verið gerð skil í íslenskum fjölmiðlum, sem á netinu má bæði finna um fræðslumyndir og samsæriskenningar.

Í þessum link má sjá myndir sem ég hef tekið af fyrirbærinu á þessu ári.

http://magnuss.blog.is/album/otuslodir/

Ég hvet alla til að kynna sér þetta málefni frá sem flestum hliðum og horfa að minnsta kosti á trailerinn af þessar fræðslumynd sem hér er settur inn. Myndin er svo öll í slóðinni fyrir neðan og er reyndar mun áhugaverðari en trailerinn sem virðist gera mest úr því að flagga leiðindakjóanum Bill Gates sem fjárfesti í geoengineering tækninni.

http://www.youtube.com/watch?v=mEfJO0-cTis

Vötn og stórfljót á íshellunni

Geoengineering.

 

Eins og þeir vita sem eiga það til að líta inn á þessa síðu þá er henni haldið úti af skýaglóp sem hefur haft það að aðaláhugamáli um langt skeið að fylgjast með skýunum á ferð sinni yfir himininn.  Það er svolítið merkilegt að um sum ský er ekki talað, það er eins og fólk taki ekki eftir þeim, flestir eru samt tilbúnir til að tala um veðrið.

Þó svo að ég hafi ekki haft tök á því að fylgjast með skýjunum af svölunum mínum í Útgarði vegna skýjaskoðunaferðar til N-Noregs sem staðið hefur á annað ár, þá vita mínir nánustu af þessu áhugamáli mínu og senda mér myndir yfir hafið af því sem fyrir augu ber á Héraðshimninum.  Matthildur mín man t.d. bæði eftir mér og bláum himni bernskudagana sem er orðin pastelblár eða jafnvel álgrár nú á tímum.  Við höfum jafnvel rætt það okkar á milli hvað það eru orðnir margir dagar nú orðið sem það dregur ekki ský fyrir sólu heldur álgráa mósku sem virkar svipað og sólskrín gardína. 

Hérna má sjá myndir sem við höfum tekið af furðukýjum á þessu ári, ekki það að þetta sé eitthvað uppáhalds myndefni síður en svo, því í sumar hafa þotur séð um að útkrota norður norska himininn af og til án þess að maður hafi haft geð í sér til að beina myndavélinni að gjörningnum, enda mikið fallegra í N-Noregi en svo.

http://magnuss.blog.is/album/otuslodir/

Fyrir nokkrum árum rakst ég á skýringuna á fjölgun þessara furðuskýa sem mér fannst lengi vel einhver fáránlegasta samsæriskenning sem ég hafði heyrt.  Það væri verið að spreya himininn með þotum til að búa til ský og til þess væri notað ál í duftflöguformi því það hefði svo góða svifeiginleika.  Kannski ekki skrítið að áliðnaðurinn blómstri í miðri kreppunni þegar tugi þúsunda tonna þarf til að koma upp góðu sólskríni svo jörðin ofhitni ekki á þessum síðustu og verstu dögum hnattrænnar hlýnunar.

Eftir því sem ég hef skoðað fyrirbærið meira þá hafa fleiri kurl komið til grafar.  Þar á meðal heimildarmyndir sem ekki eru sýndar í sjónvarpi frekar en að um þær sé fjallað í "vandaðari" fjölmiðlum sem hefur verið haldið gangandi af opinberu fé í gegnum áratuga raðgjaldþrot. 

Opinberu skýringarnar á fyrirbærinu eru samt alltaf að poppa upp af og til almenningi til sáluhjálpar á grámóskulegum blíðviðrisdögum.  Það er þá oftast frá veðurfræðingum sem eru með háskólagráðu í skýjaskoðun og ætti því að vera hægt að treysta betur en eigin tilfinningu og bernskuminni.  Nema þeir séu á svipuðu sérfræði kaliberi og þegar maður lærði algebruna utanbókar í gamla daga til að standast prófið án þess að hafa hugmynd um til hvers.  Þotur hafa verið við lýði til farþegaflutninga í meira en hálfa öld í þessum heimi þó svo að þær hafi ekki skilið eftir slóðir sem sáust nema við einstök skilyrði, en ekki eins og herþotur á flugsýningu með skrautlegan strókin í eftirdragi þangað til fyrir svona sem tæpum tveimur áratugum. 

http://www.vedur.is/vedur/frodleikur/greinar/nr/2508

http://www.yr.no/nyheter/1.8213424

Samkvæmt samsæriskenningunum, sem virðast vera orðnar að samsærinu sjálfu, þá eru þessar þotuslóðir hannaðar af verkfræðilegri nákvæmni til að auka hagvöxtinn auk þess að bjarga okkur frá því að stikna .  Þetta er kallað geoengineeing á fagmálinu og er orðinn álitlegur fjárfestingakostur þegar litið er til hnattræns hagvaxtar sem á að vera sjálfborinn af neytandanum sem er steinhættur að kippa sér upp við að sjá ekki til sólar nema í gegnum móðu. 

Ég hvet alla til að kynna sér málefnið frá sem flestum hliðum og horfa að minnsta kosti á trailerinn af þessar fræðslumynd sem hér er settur inn.  Myndin er svo öll í slóðinni fyrir neðan og er reyndar mun áhugaverðari en trailerinn sem virðist gera mest úr því að flagga leiðindkjóanum Bill Gates sem fjárfesti í geoengineering tækninni.

http://www.youtube.com/watch?v=mEfJO0-cTis

Bláar myndir á sunnudagskvöldi.

Vissi ég ekki!

Okkur hættir til að trúa því að utanaðkomandi innræting sé raunveruleg og heimurinn sé því utan okkar sjálfra.  Sem börn höfum við upplifað að draumurinn er raunveruleikinn vegna þess að hann býr í hjarta okkar.  Því er kenning Krists í fullu gildi "hver sem tekur ekki við Guðs ríki eins og barn mun aldrei inn í það koma". Þrátt fyrir þessa meðfæddu vitneskju hefur innræting heimsins gengið út á að aftengja traust barnsins á innsæi hjartans.

Í tilefni þess að skólarnir eru að byrja í þessari viku set ég hér á síðuna áhugaverðra mynd um öll börnin sem "greinast einstök".  Það sem mér datt í hug eftir að hafa horft á hana var; "þetta vissi ég allan tímann", og nú veit ég að;

"Sannleikurinn og samhengið mun með ótrúlegri orku sinni ná til alheimsins með síauknum hraða."

"Það verður vaxandi meðvitund á jörðinni fyrir því að margir hlutir eru í raun ekki eins og þeir hafa virtist vera, og svo hefur verið um langan tíma."

"Fyrir marga verður þessi mynd til þess að þið segið

" vissi ég ekki."