Það hlaut að vera.

"Seðlabankinn bendir á að miklar skuldir íslenskra heimila skýrist að hluta til af því að hlutfall heimila í eigin húsnæði er með því hæsta sem gerist í heiminum." 

Það hlaut að vera eðlileg skýring á þessari skuldaukningu í íbúðarhúsnæði langt um fram 110% leiðina.  Ég ætlaði líka að fara að segja það að hvort hagfræðingarnir í Seðlabankanum ætluðu að kenna guðdómlegri vertryggingunni um þetta, nei þá er þvælt yfir í óskyld mál.

Núna eru að verða liðin því sem næst þrjú ár frá hruni og fjögur frá því að bankarnir byrjuðu að spila markvist, svo ekki fór framhjá neinum, á víxlhækkanir verðlags og eigna sinna í skuldum almennings í gegnum verðtrygginguna.  Stjórnmálamenn sitja enn allir sem einn með hendur í skauti og horfa upp á heimilin rænd.

Í siðuðum ríkjum eru heimili ekki talin hafa möguleika á að eignast íbúðarhúsnæði fyrir meira en 2,5 - 3-föld árslaun, hvað skyldi þetta hlutfall talið vera á Íslandi og hvenær ætla stjórnmálamenn að hafa kjark til að leiðrétta kúrsinn, hvað þá að skikka þjófana til þess að skila þýfinu?  

Verðbólgan étur skuldalækkun

Athugasemdir

[Kjartan (IP-tala skráð) 30.7.2011 kl. 08:19]

Það má líka bæta því að það eru bankarnir sem skapa 95% verðbólgurnar með bankapeningunum sem þeir koma í umferð. Hvernig gera þeir það? Er hægt að sjá hér http://visindavefur.hi.is/svar.php?id=841

Þeir skapa semsagt verðbólguna og eru tryggðir fyrir því.

[Magnús Sigurðsson, 30.7.2011 kl. 08:39]

Hárrétt athugað Kjartan og því til áréttingar má sjá bréf sem Gunnar Tómasson fyrrverandi hagfræðingur hjá AGS sendi alþingismönnum nýlega.  Þar skýrir hann út á mannamáli hvernig rán bankanna fer fram, þó svo verðtryggingin bætist ekki við í ofanáálag.

16. júlí 2011 | Gunnar Tómasson

Ágætu alþingismenn:

Ég leyfi mér að framsenda á ykkur eftirfarandi punkta um peningamál.

Alþjóðapeningakerfið hefur stefnt fram af hengiflugi síðustu 40 árin.

Kjarni vandans er einfaldur og felst í ákvörðun alþjóðasamfélagsins upp úr 1970 að aftengja þann hemil á nýsköpun alþjóðagjaldmiðilsins—USD—sem fólst í Bretton Woods kerfinu.

Ákvörðunin var pólitísk en hagfræðingar í fremst röð, sem svo voru sagðir vera, gáfu aftengingu hemilsins blessun sína.

Nútíma peningar eru ekki verðmæti sem slíkir heldur jafngilda þeir ávísunum á verðmæti.

Á síðustu 40 árum hefur nafnvirði peninga/ávísana á gömul verðmæti og ný aukist margfalt á við aukningu heimsframleiðslu og fjármagnað alls kyns verðbólur og spákaupmennsku.

Á sama tíma hafa harðvítug hagsmunaöfl—bankar, lífeyris- og vogunarsjóðir—risið upp í kringum „sparifé“ í mynd innistæðulausra ávísana.

Það liggur í hlutarins eðli að slíkum ávísunum verður ekki skipt í raunverðmæti NEMA með eignaupptöku hjá samborgurum ef „spariféð“ er innlent og hjá skattborgurum skuldsettra ríkja ef „spariféð“ er erlent.

Bréfið má sjá í heild sinni á www.vald.org

[Júlíus Guðni Antonsson, 30.7.2011 kl. 08:48]

Það er kominn tími til að fólkið í landinu rísi upp gegn þessari vitleysu sem viðgengist hefur s.l. þrjá áratugi hvað vísitölutengingu snertir.

[Margrét S. (IP-tala skráð) 30.7.2011 kl. 11:03]

Þá skrifum við undir áskorun Hagsmunasamtaka Heimilanna á: www.heimilin.is.  Ef við erum nógu mörg þá verða stjórnvöld að hlusta.

[Magnús Sigurðsson, 30.7.2011 kl. 19:44]

Morgunnblaðið segir frá manni sem fékk 900 þúsund króna skuldalækkun. Sökum verðbólgunnar hefur þó höfuðstóll láns mannsins hækkað um 1.200.000 það sem af er ári.

Þetta er kallað 110% leiðrétting segið svo að það borgi sig ekki að hafa lært algebru við að möndla keisið.

[Helgi Armannsson (IP-tala skráð) 31.7.2011 kl. 22:35]

her er god lesning a vald.org http://vald.org/greinar/110731/   

allir aetu ad skrifa undir