Stórviðburður í nánd?

Það er alltaf gaman að hlusta Pier Corbyn, veðurspámanninn knáa sem velgir "global Warming" trúboðunum reglulega undir uggum.  Nú bregður svo við að Corbyn telur að stórviðburðir geti verið í nánd á tímabilinu frá 26. júní til 2. júlí.  Þetta kemur fram í viðtalsbút á stöðinni Al Jazeera. 

Stóru fjölmiðlarnir hafa yfirleitt verið tregir til að birta upplýsingar um það sem vísinda menn á kantinum telja að sé að gerast á jörðinni, telja sennilega að það falli á trúverðugleikann fylgi þeir ekki rétttrúnaði vísindasamfélagsins.   En Corbyn er einn af þeim vísindamönnum sem hefur gagnrýnt trúboð vísndasamfélagsins.

Fyrir vikið er nánast ekkert í fréttum um hvað hið stóra samhengi hefur mikil áhrif á atburði sem gerast hér á jörðu, s.s. sólgos, tunglstaða og fleira sem getur haft breytingar á segulsvið jarðar.  Þagað hefur verið þunnu hljóði yfir því í fréttum að segulpólar jarðar eru á fullri ferð og tilgátur eru uppi um pólskipti geti verið hafin sem komi til með að hafa aukin áhrif á náttúruöflin þegar litið er til jarðskjálfta, eldgosa og öfga í veðri. 

 

Stærðarinnar smástirni skammt frá jörðinni

Athugasemdir

[Sumarliði Einar Daðason, 26.6.2011 kl. 13:17]

Það er gaman að fylgjast með umræðunni um þetta á Internetinu. Á meðan sumar heimasíður fjalla fræðilega um þetta þá eru aðrar að blanda trúarbrögðum inn í þetta og tala um heimsendir. Þetta er það sem gerir Internetið svo skemmtilegt    ...eða er sannleikurinn þar?  

[Magnús Sigurðsson, 26.6.2011 kl. 14:00]

Netið er mun skemmtilegra en fræðasamfélagið.  Þegar tunglið var næst jörðu í mars, nær en það hafði verið í áratugi, kepptust fræðimennirnir við að segja að engir stórviðburðir myndu verða því samfara. 

það skemmtilega við netið og menn eins og Corbyn er að þeir þora að halda öðru fram og hvort sem við trúum því eða ekki þá gerast stórviðburðir á hverjum degi.