Organite og orkuflögur.

Undanfarið hefur organite oft komið til tals á þessari síðu og kannski kominn tími til að gera viðfangsefninu einhver skil.  Ég var svo lánsamur að áskotnast tvo organite píramída hlaðna orku sem kom yfir himin og haf, alla leið frá Ástralíu hingað langt norður fyrir heimskautsbaug á 69°N.  Það er ekki um það að villast að þetta fyrirbæri hefur orkuvirkni þó ég þori varla að kannast við það eftir að Helgi fræddi mig á því að fólk sem væri svolítið ruglað fyndi þetta betur.  En eftir að Matthildur mín kannaðist við orkustreymið frá þeim líka, þó svo ég fræddi hana áður um speki Helga, þá fer ég allur að koma til með að þora að kannast við þetta.

Það sem einnig gerðist eftir að ég fékk Áströlsku píramídana var að ég hrasaði um sama steininn í þriðja sinn í uppáhalds fjörunni minni hérna á 69°N, fjöru sem er hlaðin töfrum.  Það var því ekki um það að villast að þennan stein höfðu örlögin ætlað mér að skoða, en ég hafði tekið eftir því fyrri föllum að hann gæti verið fallegur, en það hef ég ekki viljað með nokkru móti kannast við að Noregur hefði fallegt grjót að geyma, það er bara á Íslandi.

Þegar ég var kominn með steininn heim á stofuborð á milli píramídana hófst rannsóknavinnan.  Það þarf ekki að efast um það að Ástralska organitið er sett þannig saman að orkustreymið frá þeim er auðfinnanlegt, því má segja að það hafi vinninginn fram yfir Norska stofu grjótið sem sem lítur út eins og stálslegin kvartsfylling.  Þegar ég fór að lesa mig til á háskólasetrinu google um organite kom nafni minn á Filippseyjum fljótlega upp í hugann, en hann hefur sent mér þessar fínu flögur hlaðnar orku sem ég hef límt á mig við verkjum og svefnleysi.

Málið er að nafni á Filippseyjum sagði mér frá verkjaflögum sem höfðu hjálpað honum við gigtarverkjum.  Svo var það fyrir ári síðan að ég sá ekki fram á að geta verið í þessu starfi lengur, sem útheimtir að skriðið sé á hnjánum, vegna verks í vinstri hnébót.  En þann djöful hafði ég haft að draga í nokkur ár eftir aðgerð sem kemur hnénu ekkert við.  Þar sem ég vissi að ekkert var að hnénu mínu hlaut þetta að vera rangur misskilningur, eða þannig.  Því datt mér í hug að tala við nafna sem sendi mér verkjaflögur um hæl og svefnflögur svo ég ætti ekki fleiri andvökunætur vegna hnésins.  Þetta virkaði alveg glimrandi, svo vel að ég er ennþá á hnjánum, sef eins og engill ef ég man eftir því, en verst þykir mér hvað er lítill buisness í mér fyrir nafna. 

Ég er semsagt að verða kominn að þeirri niðurstöðu að píramídarnir og flögurnar séu af sama meiði.  Hvorutveggja hafi með það að gera að halda orkustreyminu í takt við himintungl alheimsins.  Organitið sé grunnvísindin og flögurnar séu þessi mörg þúsund ára gömlu vísindi í nútíma neytendapakkningum.

http://www.soul-guidance.com/health/orgonite.htm      organite

http://www.cieaura.com/index.html   orkuflögur

Fyrir þá sem hafa ekki áhuga á organite og orkuflögum er boðið upp á í fimmtudagsbíói viðtal við drottningu austfirsku steinanna.

Athugasemdir

[Sólrún (IP-tala skráð) 26.7.2012 kl. 21:48]

Mikil svaka bomba er þetta sem hér mætir augum.

Það kemur svo margt upp í hugann að eg veit ekki hvar á að byrja

Hvað haldið þið að mundi gerast ef að það yrði sturtað einu

bílhlassi af kopar inn í garðinn hjá henni steina Petru ?

Ætli Stöðvarfjörður mundi ekki bara svífa inn í aðra vídd með manni og mús ?

Eg er alveg orðlaus að sjá allar þessar gersema á einu bretti.

Það eru til merkilegar annsóknir sem bandarískur prófessor gerði sem sýna það að allir sjúkdómar byrja í orkulíkamanum og eru oft til staðar þar mánuðum saman áður en þeir birtast í kjötinu.

Og ekki næst fullur bati fyrr en orkulíkaminn verður heill.

Ef byrjað er að lækna það sem að er frá þeirri hlið fyrst þá leiðréttist efnislíkaminn gjarnan fljótt og varanlega.

[Helgi Armannsson (IP-tala skráð) 26.7.2012 kl. 23:01]

mjög vel set saman hja þer Magnus eins og við ma buast og frabærir linkar .ekki skalt þu vera hræddur við að vera svolitið ruglaður tað er sjalfsagt það besta sem getur komið firrir, eg skrapp aðins up i bæ i gær og fek mer kaffi i veslunarmiðstoð sat þar i da¡litla stund og horfði a folkið labba framhja og eitt get eg sagt þer það siðasta sem eg mun vilja er að vera normal eða að vera i 96% klubnum miklun betra að vera svolitið ruglaður

[Helgi Armannsson (IP-tala skráð) 26.7.2012 kl. 23:11]

Sólrún fekst þu myndirnar

[Sólrún (IP-tala skráð) 26.7.2012 kl. 23:46]

Helgi það er ekki hægt að sjá að honum Magnúsi hafi farið neitt aftur við það að fá sendinguna frá þér.Nema síður væri.

En auðvitað spilar nú fleira inn í þessa dagana :)

Takk fyrir myndirnar.

Magnus mér þykir þú vera á grænni grein með allt þetta fína góss

Og Helgi vonandi búinn að tryggja það með sínum aðgerðum að þú eigir aldrei eftir að þurfa lenda í því að verða normal....

Flottur steinnin þinn sá norski og eg hef ekki séð svona áður.

[Magnús Sigurðsson, 27.7.2012 kl. 05:11]

Ef ég á alveg að segja eins og er þá fannst mér breyting hafa orðið þegar organite píramídarnir komu hingað inn fyrir dyr, fyrir utan það að skynja hita í uppstreyminu frá þeim þá hefur mér fundist eins og að það sé annar tími, margt hætt að skipta máli. Get ekki alveg skilgreint þetta ennþá en það á eftir að koma í ljós.

Held að þetta sé rétt með orkusvið líkamans og sjúkdóma, betur að rannsóknum bandaríska prófessorsins yrði gefin meiri gaumur.  Held einmitt að það sé þetta atriði sem gerði Einari á Einarstöðum og fleirum fært að hjálpa fólki.

Hvað flögurnar frá nafna varðar, þá fékk ég þær fyrst fyrir hana Matthildi fyrir einu og hálfu ári síðan, þær virkuðu á hennar verki þó svo hún sé ekki laus við sitt vandamál.  Hvað mig varðar þá virðist ég hafa losnað við mitt hnébótar vandamál með nokkrum flögum yfir 2-3 mánaða tíma.

Ég hef verið að gauka þessu að vinnufélögum mínum ef þeir kvarta undan verkjum eða svefnleysi og auðvitað eru þeir skíthræddir um að ég ætli að fara að selja þeim eitthvað sem gæti gert þá að minni tekjulind ævilangt, ég er lengi að koma þeim í skilning um að þetta sé skilyrðislaus gjöf af minni hálfu.  En svona hafa nú lyfjavísindin farið með hugarheim fólks. 

Einn viðurkenndi þó að hann hefði notað flögur eftir að hann var orðin óvinnufær vegna hnés eftir törnina miklu í vetur.  Hann hafði einnig farið í nálastungu sem og oft áður, enda mætti hann fjallhress á hnjánum daginn eftir flögu og stungur.  Hann sagði reyndar að hann hefði ekki átt von á svona skjótum bata með stungunum einum það hefði ekki gerst áður.  

Það er einmitt það sem nafni hefur frætt mig á að flögurnar hafa áhrif á sömu orkustöðvar og nálastungur.  En það er bara mikið þægilegra að líma á sig litla flögu af og til heldur en heilan Kínverja með nálar þó að þeir séu nettir.

[Sólrún (IP-tala skráð) 27.7.2012 kl. 09:33]

Magnus eg held að áhrifin sem þú ert að lýsa af organítinu gætu verið það að þau virki sem nokkurskonar afruglarar ef svo má segja.Við áttum okkur örugglega ekki á því hvað orkusvið okkar er truflað á margvíslegan máta.

set her link sem eg rakst á um daginn...

Það kemur helst á óvrt þar hvað Illuminati þykir vænt um okkur og eru alltaf á fullu að bjarga okkur með þvi að drepa okkur.

http://www.youtube.com/watch?v=jxLUbochzsA&feature=g-hist

[Helgi Armannsson (IP-tala skráð) 27.7.2012 kl. 10:59]

athyglisvert myndband Solrun . her er annað sem Solrun benti mer a sem eg hafði ekki sjeð aður

http://www.youtube.com/watch?v=tgYIVM_Qm8g&feature=related

[Magnús Sigurðsson, 27.7.2012 kl. 19:35]

Ja hérna þetta voru aldeilis linkar í lagi, fæ ekki betur séð en hér sé fjallað um forboðið efni.  Það er nokkuð öruggt að organitið hefur áhrif í þá átt sem þú nefnir Sólrún.  Þetta var áhugavert viðtal vi Steward Swerdlow og enn ein ábendingin á hvað er í gangi.  Mér fannst niðurstaðan viðtalsins um það hvað er til ráða sannfærandi, en það er að með því að breyta sjálfum sér eru vopnin slegin úr höndum skrattans og þetta með spegilmyndina um það að það sem maður sér ógeðfellt í fari hans sé í raun gallar sem maður hefur ekki yfirunnið hjá sjálfum sér.  Hef reyndar víðar rekist á það að lykillinn að öðrum og betri heimi sé í gegnum spegilinn.

Ekki var myndin um Wilhelm Reich síðri, þeir eru orðnir nokkrir sem þaggað hefur verið niður í fyrir neytendann eða kannski réttara sagt vegna hagvaxtarins, eða þannig.  Um þennan Wilhelm hef ég ekki heyrt áður en organitð kom hér inn fyrir dyr.  Mig grunaði reyndar að þessi organite umræða myndi skila mörgum áhugaverðum púslum í myndina.  

Það er með marga af þessum mönnum sem vilja fólki vel að þeir ógna hagvextinum.  Þar með tilveru þeirra sem geta ekki hugsað sér annað en að selja öll lífsgæði eftir mæli, orkuna helst í fötu og heilsuna í pillu og halda þannig við hinum heilögu kúm neytandanum og hagvextinum.

Það fór ekki svo við þessi áhorf að hausinn á mér flæktist ekki út um allar koppa grundir  og þá mundi ég allt í einu eftir einu svona náttúrubarni til sem ég rakst á þegar ég fór að kinna mér Nicola Tesla um árið, en hafði svo gleymt þar til í dag.

Við getum þakkað menningarsetrinu youtube og menntastofnuninni google að saga þessara snillinga séu ekki tínd og tröllum gefin.  En í dag mundi ég sem sagt eftir einum enn af sama meiði honum Victor Schauberger, hann var aldeilis ekki fastur í dæminu 2+2=4.  Það fer vel á því að taka stutta kynningu á hann með hjartanu fyrir nóttina eða daginn, eftir því hvernig kúlan snýr, og láta Jeff Beck um bláu tónana.

http://www.youtube.com/watch?v=8M81_FRbTLc

[Sólrún (IP-tala skráð) 27.7.2012 kl. 22:07]

Það gerist sífellt harðara stöff hér á þessari síðu og þetta er eitthvað sem eg hef aldrei nokkurntíma heyrt tónað eða talað eins og sagt var.Og lítil hætta á að þessi náungi hafi verið látinn ganga lengi laus.Og hefur vafalaust verið hýddur duglega að auki

.

Nicole Tesla þarna komstu nú einmitt með það nafnið sem eg var búin að gleyma en hef ekki gleymt videoinu sem þú settir hér inn í vetur.Og nú langar mig að skoða það aftur.

Ætlaði alltaf að spyrja þig en gat ekki munað nafnið.Svona ertu nú orðinn skarpur Magnús að koma bara beint með þetta sem eg var að bögglast með.

Steward segir að umfram rafmagn sé notað til að rugla í okkur með því að leiða það ofan í jörðina.Maðurinn er eina lífveran sem hefur sömu tíðni og jörðin eða að minstakosti á að hafa ef maður og jörð eru ótrufluð.

Nú loksins skil eg af hverju eg fæ flog annað slagið og finnst mig vanta að komast þangað sem ekkert rafmagn er og helst vera þar um nokkurn tima.

það ber mörgum saman um spegilmyndarkenninguna og erfitt að rengja hana þegar meistararnir Gandi og Bashar standa báðir fast á henni.

Eg hef verið að spá í þetta með það að aðrir sýni manni það sem þarf að laga hjá sér.

Eg hugsa að aþð sé kannski ekki alltaf sem viðkomandi er að sýna nákvæmlega þá eiginleika en gæti líka stundum verið til að sýna hvað þarf að bæta í viðbrögðum okkar gagnvart þeirri hegðun.

Kannski bara hundalógík..

[Sólrún (IP-tala skráð) 27.7.2012 kl. 22:20]

Þarna er kellíng sem að þeir eðlilega hafa þurft að losa sig við ekki seinn aen stax.

Og ætli þeir hafi ekki vitað vel hvaða með0l væru öruggust og dygðu best.......

Og segja síðan :þarna sjáið þið nú hvað hefur verið mikið að marka hana sem sjálf fór úr krabba...

Enginn skyldi nú halda neitt athugavert við meðferðina

http://www.youtube.com/watch?v=u-aYxu4Uys0&feature=g-hist

[Magnús Sigurðsson, 28.7.2012 kl. 06:28]

Það var svo margt sem Steward sagði um rafmagn og rafmagnstæki að þetta með umfram rafmagnið í jörð fór fram hjá mér, en ef það hefði ekki gert það hefði mér þótt það mest upplýsandi hluti viðtalsins.  Eins og við vitum er allt rafmagn innan bæjarmarka komið í jörð á Íslandi fyrir nokkru síðan.  Hérna í Noregi eru aftur á móti loftlínur ríkjandi, svona svipað og var á Íslandi upp úr 1970.

Ég hef oft verið að velta fyrir mér léttinum þegar ég kem út fyrst á morgnanna hérna, eitthvað sem ég kannast ekki við lengur á Íslandi, en þessi léttir sem ég upplifi nú minnir á gamla daga.  Mér var búið að detta rafmagnið í hug og meir að segja að þetta hefði með rafmagn í jörð að gera.  Noregur er klettur því er gríðarlega dýrt að leggja rafamagn í jörð.

Síðast núna á fimmtudaginn átti ég morgunn hugvekju um þetta atriði.  En við vorum að gera okkur klára til að keyra í vinnu í Finnsnesi rétt fyrir 7 að morgni og ég var svolítið á undan öðrum út í rigninguna.  Það var þvílík kyrrð að aðeins heyrðist í krunkandi kráku og smáfuglum auk rigningardropanna þegar þeir smullu á malbikinu, svo náttúruleg garnagaulið í mér sem blandaðist hljóðum morgunnkyrrðarinnar.  Mér var akkúrat þá hugsað til þess hvort þetta gæti verið tilfellið þegar ég leit eftir loftlínunum sem bylgjuðust niður götuna.  Það væru allavega orðin mörg ár síðan maður hefði fundið til léttis við að koma út í mígandi rigningu að morgunnlagi innanbæjar á Íslandi.

Annars hef ég trú á að Helgi sé hafsjór af upplýsingum um það hvað það sé mikilvægt að láta rafmagnið ekki trufla sig meira en þarf.  Ég hef hann reyndar grunaðan um að vera búin að slökkva á tölvunni í forvarnarskyni og kveiki bara á henni annað slagið svona eitthvað svipað og þegar loftskeytamennirnir fóru í mors-tækin í denn.

Þetta var áhugavert viðtal og hefur örugglega verið talið stórhættulegt fyrir hagvöxtinn.  Það skiptir engu máli hvort konan fór úr krabba það er jafnvel meira að marka hana fyrir vikið.  Hún hélt sínu og kom sannleika sem allir ættu að velta fyrir sér skýrt til skila.  Þessi krabbameinsiðnaður hefur ekki dregið úr dánartíðni svo nokkru nemi þrátt fyrir 50 ára stjarnfræðilegan fjáraustur.  Heldur hefur hann þvert á móti skilað fjölda fólks ömurlegum ævilokum á rándýrum manndrápslyfjum.  Ég hygg að þær séu margar fjölskyldurnar sem hafa mátt upplifa þann óskapnað.

[Magnús Sigurðsson, 28.7.2012 kl. 06:41]

Viðtalinu við þessa heiðrus konu verður aldrei haldið of oft á lofti.

http://www.youtube.com/watch?v=u-aYxu4Uys0&feature=g-hist

[Sólrún (IP-tala skráð) 28.7.2012 kl. 12:16]

Hér kemur síða sem segir frá því hvað langt er síðan orkusviðslækningar voru uppgötvað.

Og hverskonar meðferð þeir hafa mátt sæta sem ruddu brautina þar.

http://rife.is/

http://rife.is/royal_rife.php

Magnus eg skil hvað þú átt við með því að koma út að morgni og fá orkuna frá jörðinni eins og var fyrir rafmagn.

Þegar allt er eðlilegt þá eiga maður og jörð að hafa sömu orkutíðni.Eg er allt í einu að fatta hvað þú hlýtur að vera á hárréttum stað þarna norðurfrá.Sagt er að fólk fái alltaf það sem það í einlægni óskar sér.

Verst að það skyldi þurfa að kosta hrun á Íslandi með öllu tilheyrandi svo að sú ósk þín næði fram að ganga ...:)

[Helgi Armannsson (IP-tala skráð) 28.7.2012 kl. 22:49]

Magnus það eina sem eg veit um rafmagn er að það er holast að koma sem minnst nalægt þvi , her erum við lika að mestu eða eins og hægt er buinn að losa okkur við þraðlaust bæði sima og internet .eins er orðid algengt að folk slökvi a ollu rafmagni i tofluni þegar maður fer að sofa bara til að fa ser pasu i sma tima .þegar eg birjaði a þvi fekk eg timburmenn i 3 daga .Solrun eg a eftir að horfa a siðustu linkana fra þer er aðins að flita mer nuna

[Magnús Sigurðsson, 29.7.2012 kl. 06:22]

Þetta eru athyglisverðar upplýsingar Sólrún sem ég hef ekki séð áður, þó svo að ég geti ekki beint sagt að þær komi á óvart.  Ég hef grun um að hljóðbylgjur á hinni ýmsu tíðni hafi mun margvíslegri áhrif en almennt er þekkt t.d. má halda flugum og músum í skefjum með tæki sem kefur frá sér hnjóðbylgjur sem mannseyrað greinir ekki.  Því er samt oft þannig farið með þetta óhefðbundna líkt og lyfin að því er ætlað að auka hagvöxt þeirra sem með það höndla.  Sem dæmi þá frétti ég af kynningu á Íslandi á orkuflögum sambærilegum þeim sem nafni útvegar mér, kynningarverðið var fimmfalt verðið hans nafna sem er í þeim verðflokki að manni munar ekkert um að gefa nokkrar vinum og kunningjum ef þær kynnu að hjálpa.

Já Helgi þú hefur oft sagt mér þetta með rafmagnið og þráðlausa dótið.  Eins þekki ég fólk sem segist ekki þola gsm síma vegna hita við eyra og höfuðverkjar.  Þú sagðir mér einhverntíma hvað þú fannst vel hvað mikill léttir var að vera laus við þetta í sex vikna göngutúrnum í óbyggðum um árið.  Það sem ég er samt stundum að velta fyrir mér er að hvað miklu leiti er hægt að gera ráðstafanir, t.d. stoppa ég alltaf við ísskápinn með það að slá út rafmagninu.  Eins er spurningin með þráðlausu tækin hvort það sé bara hægt að forðast þau að vissu marki því að þráðlaus samskipti eru allt í kring og hafa alltaf verið löngu fyrir tíma farsíma, internets og svoleiðis töfratækja.  Manstu t.d. þegar við vorum ungir, oftast vissum við nokkru áður en síminn hringdi  að við ætluðum að heyrast?

[Helgi Armannsson (IP-tala skráð) 29.7.2012 kl. 22:40]

Sólrún þetta er stormerkilegt tæki eg get ekki annað en haft ahuga a þessu apparati þekkir þu einhvern sem hefur notað þetta tæki

[Óskar Arnórsson, 1.8.2012 kl. 23:40]

Meiriháttar umræða og skemmtilegur pistill hjá þér Magnús. þetta með pýramídaorkuna er alveg magnað og eiginlega allt sem snýst um þá. Ég las einhverntíman að pýramídarnir væru forn battery sem hefðu safnað allskonar tegundum af orku eftir því hvernig þeir voru stilltir innan í þeim.

T.d. var ekki sama stilling þegar þeir unnu orku úr aðdráttarafli og þegar þeir söfnuðu elektrómagnetisku "rafmagni" sem myndast víst í kringum allt sem er pyramídalagað.

Á sama stað er sagt að ástæðan fyrir því að ferköntuð hús var komið á markaðin, er að það er léttara að stjórna fólki og ná valdi á því enn fólki sem býr í kringlóttum (tjöldum) eða í öllu nema ferköntuðum húsum.

það er Prófessor í skammtafræði hér í Svíþjóð sem er með í byggingu pýramídalagað námskeiðahús í Rättvik í Svíþjóð, því þau fræði sem á að kenna þar í húsinu eru svo sérstök að þau krefjast þess að húsið sé svona í laginu.

Þetta byggir líka á hugmynd hans um að vistist fólk í pýramídalöguðu húsi og sé að læra eitthvað, hafi sjálf þekkinginn allt önnur áhrif á meðvitundinna. Svona skil ég þennan sérfræðing alla vega.

Hann bendir á að það eru ákveðnir punktar eða lönd á jörðinni sem gera þekkingu sterkari. Félagsskapur sem kallar sig "WingMakers" hafa reiknað út það sem kallast "TímaHylki" og það sjöunda á víst að vera í Svíþjóð. Hinir eru í New Mexiko, Peru, Suðurpóll, Ásralía, Kína og Mið Afríka.

WingMakers fá sig mikin skít af "naivistum", hugsunarlausum og "ferköntuðum", "hellisbúum" sem eru mjög margir jarðarbúar, og öðrum sem halda í hugmyndina að jörðin sé t.d. flöt eins og pönnukaka. Þeir eru að sjálfsögðu með félagsskap um þetta (Flat Earth Socity) og tala þeir sig hása um hvað allir séu vitlausir í kringum þá...

Sú umræða verður alltaf með og það er ákveðin listgrein að að láta ekki þetta hafa nein áhrif. Það er eins og að fara í skógarferð á fallegum sumardegi og láta mýflugurnar ráða því hvort maður ætlar að hafa gaman af ferðinni. Það er nóg fyrir mig að éta hálfa sítrónu og þá eru þær horfnar...

Jack Fresco sem er höfundur Venusarprojektet, hélt þessu fram þegar árið 1975 og teiknar öll hús kringlótt. Bjó sjálfur í kringlóttu húsi og býr enn.

Hvað sem er rétt og hvað sem er rangt, þá er sjálf umræðan sem gefur sjálfa þekkingunna af sér þó hægt sé að flýta fyrir þroska og visku með allskonar trixum...

Enn sá sem er uppáld hjá mér þessa dagana er Mooji sem segir að við séum endalaust að "vaða yfir lækin til að sækja vatn" og þess fyrr sem við skiljum það, þess meira gaman að vera til... ;)

[Magnús Sigurðsson, 2.8.2012 kl. 07:44]

Takk fyrir þetta áhugaverða innslag Arnór.  Ég las pistilinn þinn um húsagerð á sínum tíma og þótti hann mikils vísir og hefur oft verið hugsað til hans síðan, upphaflega var það lofthæðin í samspili við raka sem greip sannfæringu mína eins og skot um að þarna væri um mikið mál að ræða.  Þegar þú segir þetta svo núna með ferköntuðu húsin þá rennur það upp fyrir mér að síðasta rúma árið hef ég búið upp í risíbúð og hefur fundist ég vera frjálsari til höfuðsins, reyndar ákvað ég að hafa hvorki sjónvarp né útvarp risinu. 

Ég sé að við eigum fleira en skammtafræði og húsform að sameiginlegu hugðarefni.  Mooji er oft í umræðunni hér og kom síðast í innslagi í gær varðandi Bill Hicks færsluna.

En eitt verð ég sérstaklega að þakka þér fyrir það er ábendingin með mýfluguna og sítrónuna.  Ég hef nefnilega verið í fríi þessa vikuna og hef verið að veigra mér við að fara á vissa staði sem ég hef áhuga á vegna þess að vinstri höndin á mér er útblásin eftir tvö mýbit.  En þjóðráðin koma þegar þeirra er þörf svo nú verð ég mér út um sítrónu og býð konunni í bíltúr suður í náttúruparadísina Vestfjorden.