Gáfnaljós í lögfræði.

Blessuð gáfnaljósin eru væntanlega búin að komast að því að mótmælendur verða líka að hafa lögfræðina á hreinu.  Það er sennilega bara pólitískir lögfræðingar á þingi og lögfræðiviðundur fjármálakerfisins sem fá að vera á gráu svæði án þess að gáfnaljósin opni síðu með áskorunum á facebook.

Óánægð með ræðu á heimasíðu

Ætlar IMF að gera þjóðina eignalausa?

Í þessu efnahagslega veðravíti telur Alþjóðagjaldeyrissjóðurinn Íslenskum efnahag best borgið með svimandi háum stýrivöxtum.  Eigna- og atvinnulaus almenningur ásamt gjaldþrota fyrirtækum eiga að koma okkur út úr kreppunni.  Alþjóðagjaldeyrissjóðurinn virðist ætla að greiða erlendum lánadrottnum upp í topp á kostnað þjóðarinnar, í samvinnu við ríkisstjórnina.

Hið fullkomna fárviðri

Nýtt alþingi fyrir nýja Ísland.

Gjáin á milli þings og þjóðar virðist stækka.  Þeir fulltrúar sem sitja á Alþingi eru eins og umboðslaus nátttröll frá gömlum tíma.  Á það jafnt við um stjórn og stjórnarandstöðu. 

Maður hefði haldið að þegar stjórnarandstaðan eyðir þeim tíma sem í vantrausttillögu á ríkistjórnina fer, að hún hefði möguleika á að vinna einhverja stjórnarþingmenn á sitt band.  Vantrauststillagan fékk ekki einu sinni atkvæði allra þingmanna stjórnarandstöðunnar einn greiddi atkvæði með stjórninni (hugsanlega hræddur um vinnuna sína).

Það að bera upp vantrauststillögu með svona árangri getur varla flokkast undir annað en lýðskrum.  Með hverjum deginum sem líður stækkar sá hluti þjóðarinnar sem vill þessa alþingismenn burt, sama í hvaða flokki þeir standa.  Þeir buðu sig fram við aðrar aðstæður en þær sem nú ríkja og til annarra verka. 

„Þetta er þjóðin“

"You are master of your fate, you are captain of your soul."

 

Nákvæm hugsun tekur til tveggja grundvallaratriða sem allir sem ætla að nýta sér hana verða að fara eftir. 

Í fyrsta lagi; til að hugsa nákvæmt verður þú að skilja að staðreyndir frá eintómum upplýsingum.  Það berst mikið af upplýsingum til þín sem ekki eru byggðar á staðreyndum.

Í öðru lagi; verður þú að skilja að mikilvægar og léttvægar staðreynda upplýsingar, það sem skiptir máli og það sem ekki skiptir máli.  Aðeins með þessu nærðu að hugsa nákvæmt.

Allar staðreyndir sem þú getur notað til að ná markmiði þínu eru mikilvægar og skipta máli.  Það er aðallega vanræksla á því að greina þessar staðreyndir sem myndar gjána sem skilur að fólk sem hefur sömu hæfileika og jafna möguleika.  Þú getur auðveldlega fundið, án þess að fara út fyrir þitt kunnuglega umhverfi, einstaklinga sem höfðu ekki betri tækifæri en þú og kannski minni hæfileika, en njóta samt sem áður mun meiri velgengni.

"Edison mistókst þúsund sinnum áður en honum tókst að láta loga á ljósaperunni.  Gefstu ekki upp þó að áætlanir þínar gangi ekki upp í eitt eða tvö skipti."

Trúverðugleiki þinn fer eftir margvíslegum viðfangsefnum og kringumstæðum, en þú kemst ekki langt ef þú sniðgengur staðreyndir og byggir dómgreind þína á tilgátum sem þú óskar að séu þér í hag.

 

"Ég hef ekki trú á að ég hafi efni á að blekkja aðra.  Ég veit að ég hef ekki efni á að blekkja sjálfan mig." Þetta verður að vera regla nákvæms hugsuðar.

 

Það eru fjórir þættir sem þú þarft á leið þinni upp á við í nákvæmri hugsun.  Það eru vísbendingar, gefa undirmeðvitundinni jákvæðar og nákvæmar myndir, skapandi hugsun og takmarkalaus greind.  Með því að leggja sérstaka áherslu á þrjá fyrstu þættina, verður það síðan undir stað og tíma komið hvernig þú nýtir þér þverskurður þeirra og umbreytir þeim í þann fjórða, það er takmarkalaus greind.

Þú veist hvað átt er við með hugboði og undirmeðvitund.  Eins verðurðu að vera viss um hvað er átt við með skapandi hugsun, þar er átt við jákvæðar og uppbyggilegar hugsanir en ekki neikvæðar og niðurbrjótandi.  Með sjálfstjórn framkallarðu skapandi hugsanir, leifðu þér því ekki að hugsa á neikvæðan hátt.  Ef þú hefur ekki tileinkað þér sjálfstjórn í hugsun þá er hæpið að þú getir notað þér skapandi hugsun til að öðlast þitt aðal markmið.

Undirvitundin er jarðvegurinn sem þú sáir í þínu fræi (markmiði).  Skapandi hugsun er áburðurinn sem hjálpar fræinu til að spíra og vaxa.  Undirmeðvitundin mun ekki fá fræ markmiðs þíns til að vaxa og verða að veruleika ef hugsanir þínar eru neikvæðar og snúast um hatur, öfund, afprýðisemi, sjálfselsku eða græðgi.  Þessar niðurbrjótandi hugsanir munu kæfa góð áform, líkt því að nota eitur í stað áburðar.  Skapandi hugsun gerir ráð fyrir og heldur huga þínum við að þú náir takmarki þínu og þú hafir trú og traus til að öðlast það. 

"Mundu að raunveruleg auðæfi þín verða ekki mæld í því sem þú átt, heldur hvað þú ert."

"Við klífum til himna að mestu á rústum okkar sjálfumglöðu áætlana, komumst á leiðinni að því að mistök okkar eru aðeins vinalegir vegvísar sem vísa okkur veginn á leið okkar til velgengni."

Maðurinn er samansettur úr frumefnum sem myndi varla kosta meira en 2000 kr. að verða sér úti um, auðvitað með þeirri undantekningu sem er hinn stórfenglegi kraftur, mannshugurinn, sem stöðugt er að störfum í vöku og svefni.

Til að öðlast nákvæma hugsun verður þú að skilja hverju hugurinn getur komið til leiðar.

1. Huganum er hægt að stjórna, leiðbeina og stefna í skapandi og uppbyggilegar áttir.
2. Huganum er einnig hægt að beita á neikvæðan hátt, og hann mun sjálfkrafa brjóta niður og eyðileggja, nema að meðvitaðri áætlun verði hrundið af stað um að snúa honum til jákvæðni og uppbyggingar.
3. Hugurinn hefur vald yfir hverri frumu líkamans og sér til þess að hver fruma vinnur sitt verk fullnægjandi, en með neikvæðri notkun ímyndunaraflsins getur hugurinn skaðað eðlilegt starf og hlutverk fruma líkamans.  Þú getur gert þig veikan með hugsuninni einni saman.
4. Öll mannanna verk eru afsprengi hugsunar, og sá hlutur sem líkamsbeiting á í þeim kemur á eftir, fyrst og fremst er líkaminn bústaður fyrir hugsunina.
5. Það besta úr öllum mannanna verkum hvort sem það er á sviði skáldskapar, lista, fjármála, framleiðslu, kaupsýslu, flutninga, trúarbragða, pólitíkur eða vísindalegra uppgötvana, varð venjulega til í huga eins manns en oft umbreitt í veruleika af öðrum mönnum með sameinuðum kröftum huga og líkama.  Að fá og útfæra hugmynd er á færi fárra en eftir það eru milljónir manna sem geta þróað hana og framleitt í hin ýmsu efnislegu form.
6. Meirihluti hugsana verður til í huga manna án nákvæmni, þar er meira um að ræða skyndi ákvarðanir og skoðanir.

"Thoughts are things."  "Hugsanir eru hlutir."  Gættu að því að þær hugsanir sem þú hugsar koma til með að verða efnislegur veruleiki hvort sem þær eru góðar eða slæmar.

Vald þitt yfir hugsunum þínum er eina valdið sem þú getur haft fulla stjórn á.  Það er ekkert eins mikilvægt og að átta sig á þessari staðreynd.  Það veltur á því hvernig þú agar huga þinn hvort hugsanir þínar eru jákvæðar eða neikvæðar og þá hvort þær færa þér jákvæða eða neikvæða hluti.

"You are master of your fate, you are captain of your soul."  "Þú ert skapari örlaga þinna þú ert stjórnandi sálu þinnar." Með þeim hugsunum sem þú hugsar geturðu skapað hvað það sem þig girnist.

Hugsanir sem uppfylla skilyrði nákvæmrar hugsunar eru þínar, þær hugsanir sem koma frá öðrum sem skoðanir og vísbendingar teljast ekki til nákvæmra hugsana.  Einkenni og tilgangur nákvæmrar hugsunar er sá að hún er byggð á sannleika.

 

Jesú sagði

Jóh.8.32 "Ef þér eruð stöðugir í orði mínu, eruð þér sannir lærsveinar mínir og munuð þekkja sannleikann og sannleikurinn mun gera yður frjálsa

Sitjandi Alþingi hefur misst umboðið.

Það má vera ljóst að enginn stjórnmálaflokkur bauð fram í síðustu kosningum með það á stefnuskrá sinni að mæta því ástandi sem nú er á Íslandi. Í ljósi ólgunnar í samfélaginu verður það því að teljast sérstakt að formenn stjórnarflokkanna telji sig hafa umboð til áframhaldandi valdasetu út kjörtímabilið án endurnýjunar.  En sérstakara er það í ljósi þess að allar aðgerðir þeirra í aðdraganda hrunsins og á eftir það orka tvímælis.

Kosningar eru vissulega engin óskastaða og kannski engin lausn.  Núverandi Þingmenn allra flokka á Alþingi gætu þurft að svara fyrir ástandið, allavega fyrir það að hafa ekki séð fyrir  hrikalegar afleiðingar neyðarlagna sem sett voru 6. október.  Með neyðarlögunum virðist ábyrgðin á bönkunum, sem voru einkafyrirtæki, hafa flust yfir á þjóðina með ófyrirsjáalegum afleiðingum.

Stjórnarsáttmáli heyrir sögunni til

Hugurinn, það dýrmætsta sem við eigum.

Hugsunin getur framkallað myndir og séð hlutina fyrir því er hún til alls fyrst og er upphaf þess að skapa frá hinu óendanlega.  Allt sem við sjáum í kringum okkur á sér upphaf í hugsun, allir hlutir urðu til fyrir hugsun. Hlutirnir taka ásýnd eins og þeir eru hugsaðir,  það er hugsunin sem kemur framkvæmdinni á stað.  Þannig voru allir hlutir skapaðir, við búum í veröld hugsunarinnar þar sem hugsunin er hið skapandi afl.

Allt sækir sér orku í hið óendanlega, til orku sólarinnar til gangs himintunglanna.  Tréð sem vex frá fræi hefur frá upphafi sitt ákveðna form það vex upp og teygir greinar sínar í átt til sólarinnar.  Tíminn sem er á milli þess sem ákvörðunin verður til með hugsun og þangað til hún er orðin að veruleika er oftast fyrirfram ákveðinn.  Þetta kemur vel í ljós við byggingu húss, þar sem ákveðnum grundvallaratriðum verður að sinna áður en hafist er handa.  Fyrst þarf að sjá húsið fyrir með hugsun, skipuleggja og teikna, þegar hafist er handa hefur allt sinn tíma, grunnurinn er byggður, gólfið, veggir og þak.  Ef hlutirnir eru ekki hugsaðir og skipulagið er ekki fyrir hendi fer illa húsið verður til vandræða í framkvæmd og á eftir byggingu ef það nær þá því að verða til.  Þess vegna ætti að vera auðvelt að sjá að ekkert verður til frá hinu óendanlega án hugsunar og því nákvæmari sem hugmyndin er því auðveldari verður framkvæmdin. 

Við erum hugsanamiðstöðvar, allir hlutir sem við sköpum og höfum í höndunum urðu fyrst til sem hugmynd.  Maðurinn hefur notað hendurnar til að koma hugsunum sínum í framkvæmd það er það sem við köllum vinnu.  Ef við ætlum að ná lengra verðum við að leggja niður allar hugmyndir um að hlutirnir komi ekki frá alsnægtum hins óendanlega. Við getum staðfest hugsun okkar og gert okkur hugmyndir í hinu óendanlega og ekkert getur komið í veg fyrir að þær rætist nema okkar eigin efi. Köstum því efanum frá okkur eins og synd, slökkvum á honum eins og á sjónavarpi.  Látum fjölmiðlana ekki segja okkur að alsnægtir hins óendanlega séu ekki fyrir okkur.

Með því að hugsa út frá alsnægtum hins óendanlega getur ekkert komið í veg fyrir að við öðlumst þær.  Þetta hafa margir þeir sannað sem hafa brotist til betra lífs frá fátækt munurinn á þeim og hinum sem ekki brutust úr fárækt var ekki heppni eða að þeir væru endilega betri gáfum gæddir, þeir einfaldlega sáu sig fyrir með hugsun í öðrum aðstæðum og aðstæðurnar komu til þeirra eins og fyrir töfra en gerðu það fyrir það að þeir efuðust aldrei.  Til að njóta hagsældar verðum við því að hugsa á ákveðinn hátt, þetta á ekkert skylt við samkeppni eða lífsgæðakapphlaup, heldur hugsýnina um að allt sé óendanlegt og þaðan komi hlutirnir til okkar svo framarlega sem sjáum þá í huganum  án allrar vantrúar. 

Til þess að njóta hagsældar verður að gera hlutina á ákveðinn hátt til þess að hægt sé að gera hlutina á ákveðinn hátt ræður hugsunin mestu.  Hvernig við hugsum, í hvaða hugsanir við notum huga okkar skiptir öllu.  Sá sem hugsar og talar um sjúkdóma og skort mun upplifa það í sínu umhverfi, sá sem hugsar út frá samkeppni og lífsgæðakapphlaupi mun upplifa það, sá sem hugsar út frá örbyrgð mun upplifa hana  því er svo mikilvægt að gæta að því um hvað við hugsum. 

Til þess að gera hlutina eins og við viljum hafa þá er fyrsta skrefið að stjórna því um hvað við hugsum og stýra hugsuninni í þá átt sem við viljum, hugsum ekki um hindranir sjáum okkur ná markinu.  Allir einstaklingar ráða því um hvað þeir hugsa, en það kostar mikla ögun að hugsa um það sem maður vill, frekar en um það sem umhverfið býður.  Að hugsa um það sem umhverfið býður er auðvelt, þar höfum við fjölmiðla, fréttir, afþreyingu osfv., en að gera sér grein fyrir og hugsa um það sem við raunverulega viljum kostar mun meiri vinnu. 

Það er enginn vinna eins mikilsverð eins og sú sem við vinnum með huganum, það getur verið erfitt að halda huganum við þá vinnu, en það er heldur enginn vinna sem skilar okkur eins miklu.  Þetta er oftast auðsjáanlegt í veikindum við erum veik þegar hugurinn er að hugsa um það en veikindin hverfa fljótlega þegar hugurinn sér ekkert nema heilbrigði.  Eins er það með fátækt, ef við höldum huganum við takmarkanir og fátækt þá framkallar hann það, en ef við höldu honum við hið gagnstæða eru allsnægtir.  Að geta hugsað um heilbrigði umkringdur sjúkdómum og umræðu um þá eða um allsnægtir þegar  fátækt og skortur eru mest í umæðunni kostar mikla orku og sá sem getur agað huga sinn til að hugsa út frá heilbrigði og alsnægtum skapar sér sinn ofurhuga sem getur framkallað það sem hann óskar sér.  Við getum ráðið okkar örlögum við getum haft það sem við viljum með því að gera okkur grein fyrir að með huganum getum við sótt það til hins óendanlega.  Með huganum búum við til þá veröld sem við lifum í og þegar við gerum okkur grein fyrir því getum við formað hana eins og við viljum með hugsunum okkar þegar við gerum okkur grein fyrir að með því að setja hugsanir okkar í samband við hið óendanlega þaðan sem allt kemur, hverfur allur efi og ótti, við vitum að við getum gert það sem við viljum, haft það sem við óskum og orðið það sem við viljum verða.

 

Ólafur Ragnar ásamt þjóðinni á rauðu ljósi.

Eitthvað virðist Ólafur Ragnar forseti hafa farið yfir strikið þegar hann hann var boðin í mat hjá danska sendiherranum.  Sjálfsagt eru einhverjir ánægðir með að Ólafur lét þetta lið sem þarna var í mat heyra það.  En verra er að forsetaembættið telur eins og allt íslenska stjórnkerfið eðlilegt að gefa út yfirlýsingu í hálfkveðnum vísum til þjóðarinnar og bera við ónákvæmni í fréttflutningi.  Á þessum samskiptamáta ráðamanna er þjóðin búin að fá nóg.  Ólafur áttar sig sennilega ekki á að hann er kominn á rautt ljós ásamt íslensku þjóðinni.

Það ætti hver íslendingur að að hugleiða þegar stoppað er á rauðu ljósi,bílaflotann sem streymir hjá.  Á einu ljósi má sjá hundruð milljóna fara hjá í Range Rover-um, Bimm-um, Porash-um, Cruser-um auk fjölda annarra eðalbíla "just name it". 

Í vikunni kom við hjónin í okkar fyrrum heimaborg Reykjavík, ekki það að ég hafi ekki komið þangað um langan tíma en það hefur þá helst verið í mjög stuttan tíma í sambandi við flug erlendis eða í eins dags viðskiptaerindum.  En þetta var í fyrsta sinn í fjögur ár sem ég kom upp fyrir Ártúnsbrekkur en við bjuggum áður efst í Grafarvogi.  Í þetta sinn fór ég að skoða umhverfið í rauðu ljósi. 

Við hjónin ákváðum sem sagt að fara upp í Álafosskvos að kaupa lopa í prjónaskap konunnar.  Þegar við komum inn í verslunina komu tveir einlægir smiðir í bláum sloppum inn af smíðastofunni Ásgarði.  Erindið var að kvarta yfir svarta hundinum sem var á smíðastofunni hjá þeim hann hafði glefsað annan þeirra í lærið.  Þeir vildu skýr svör um hvað ætti að gera við svarta hundinn en fengu einungis að heyra að þau fengu þeir ekki þarna þeir yrðu eiga það við eigandann.  Þess einlægu smiðir töldu að svarti hundurinn væri kominn á síðasta séns.

Eftir árangursríka verslunarferð í Álafoss ákváðum við að beygja niður að Korputorgi til að kíkja í verslanir.  Heilu breiðurnar af bílastæðum biðu okkar en búðirnar voru flestar tómar af varningur og viðskiptavinum.  Ég varð reyndar svolítið undrandi yfir því að þessi verslunarmiðstöð skyldi vera þarna því ég gat ekki séð að það hefði orðið slík fólksfjölgun á svæðinu að það væri ástæða til annars en að fara í Spöngina eða aðra verslunarkjarna sem fyrir voru.  En þegar ég fór framhjá Bauhus hinumegin við Vesturlandsveginn og upp í hæðir Úlfarsfells rann upp fyrir mér rautt ljós þegar við keyrðum í gegnum nýbyggingahverfi sem er á stærð við eitt meðalþorp úti á landi svipað og það sem við búum í núna.  Þarna var hvert einbýlishúsið af öðru í byggingu en fáir iðnaðarmenn sjáanlegir.  Á þessum mánudagsmorgni voru færri við vinnu en búast hefði mátt við á jóladag í eins góðu veðri.  Það var á þessu "rauða ljósi" sem ég áttaði mig á að sú atvinnugrein sem ég starfa við er á löngu rauðu ljósi og sennilega verð ég að fá konuna til að kenna mér að prjóna.

Síðan ég flutti úr höfuðborginni er kominn himinhár turn við Smáralindina með fjölda verslana á neðstu hæðunum.  Hægt er að fara í Elko og Intersport sitthvoru meginn við Reykjanesbrautina bara af því að það er þægilegra.  Þegar unga fólkið sem á að erfa Ísland er farið að fara í Krónuna á Hummer á myntkörfuláni held ég að við ættum öll að snar stoppa á rauðu ljósi ásamt forseta vorum og líta í egin barm. 

Fréttir af ummælum forseta ónákvæmar

Réttur okkar til ríkidæmis.

Réttur okkar til  að verða rík er óumdeilanlegur, því án peninga reynist okkur erfitt að láta okkar einstæðu hæfileika koma í ljós, til góðs fyrir okkur og samfélagið.  Þess vegna skulum við aldrei véfenga þennan rétt.  Þessi réttur er sama eðlis fyrir okkur og blómin sem vaxa frá því að vera fræ til þess að blómstra sínu fegursta, á sama hátt og blómið á rétt eigum viðrétt á láta okkar hæfileika njóta sín, og eins og blómið vex í gjöfulum jarðvegi þurfum við að njóta velsældar sem hjálpar til að draga fram okkar hæfileika.  Allt hefur tilhneigingu til að vaxa og stækka þannig er lífið, gerum okkur því ekki það að sækjast eftir litlu.  Því þeir sem hafa ekki næga peninga verða af því að upplifa mikið af því sem hæfileikar þeirra hafa að bjóða. 

Velgengni í lífinu felst í því að upplifa það sem við viljum  verða og því getum við einungis náð með því að hafa peninga sem greiða okkur götuna að þeim markmiðum sem við þráum.  Til að skilja réttinn til að vera rík verðum við að losa okkur við hugmyndir um að það sé eitthvað rangt við það.  Óskin um að vera rík er sama eðlis og tilgangur alls lífs um að vaxa og bera ávöxt, hún er eðlileg.  Þeir sem telja sér trú um að þeir þurfi ekki að verða ríkir og geti verið án þeirra lífsgæða sem þeir þrá eru úr takt við gróanda lífsins.

Þau er þrjú sviðin sem við lifum á; sálin, hugurinn og líkaminn.  Ekkert þessara sviða er öðru æðra og getur án hinna verið, að lifa einungis fyrir andann gengur ekki frekar en að lifa einungis fyrir líkamann eða hugann, fullkominn samhljómur er það sem gefur mesta lífsfyllingu.  Ef eitthvað þessara sviða er vannært getum við ekki látið hæfileika okkar blómstra.  Við getum ekki lifað góðu líkamlegu lífi án heilsusamleg fæðis, þægilegs klæðnaðar, góðs húsnæðis osfv..  Eins getum við ekki uppfyllt óskir hugans án þessa að hafa frjálsan aðgang að upplýsingum, góðar bækur og tíma til að lesa þær, eða án þess að hafa tækifæri og tíma til að ferðast osfv..  Til að gleðja sálina verðum við að eiga ást og til að láta hana í ljós verðum við að hafa eitthvað að gefa þeim sem okkur þykir vænt um, þeir sem hafa ekkert að gefa geta ekki uppfyllt skyldur sínar sem foreldrar, vinir, góðir þjóðfélagsþegnar osfv..  Það er miklu leiti í gegnum hin efnislegu gæði sem við upplifum drauma okkar.  Það er því fullkomlega eðlilegt að þrá það að vera ríkur, því það er í samræmi við gróanda lífsins og tilgang þinn við Guð og samfélagið.

Það er til óbrigðul aðferð til að njóta velsældar sem lítur stærðfræðilegu lögmáli, hugsum út frá allsnægtum en ekki skorti því takmarkanirnar verða til í hugum okkar.    

Auðlegð er afrakstur vinnusemi, peningar eiga að vera afleiðing ekki orsök, þeir eiga að vera þjónn ekki húsbóndi.  Peningar ættu því að vera drifkraftur en ekki lokatakmark, heldur skiptimynt fyrir annað og meira.

 

 

 

Gullna reglan.

Gullna reglan er einföld; gerðu öðrum það sem þú vilt að þeir geri þér, ef þú værir þeirra sporum.  Þessi regla nær út fyrir allt og er lögmálið sem segir við uppskerum eins og við sáum.   Þú getur ekki breytt eða umsnúið þessu lögmáli, en þú getur aðlagað þig að því og þannig notað ómótstæðilegt afl þess til að ná þínum æðstu markmiðum, sem þú gætir ekki án þess hjálpar.

Þetta lögmál nær ekki einungis til gerða þinna, hvort þú sýnir öðrum ósanngirni eða velvild, það gengur miklu lengra en það, því það nær til hverrar hugsunar sem þú hugsar.  Því skalt þú hugsa til annarra eins og þú vilt þeir hugsi um þig.  Lögmálið sem gullna reglan er byggt á byrjar að hafa áhrif til góðs eða ills um leið og hugsunin verðu til.  Með því að virða þetta lögmál og nota þessa gullnu reglu verður heiðarleiki sjálfkrafa til, þú hefur ekki efni á að hata, öfunda, lítillækka eða fara illa með nokkra manneskju og þú hefur ekki heldur efni á að svara í sömu mynt þó einhver komi illa fram við þig. 

Hafðu fullan skilning á þessu lögmáli og þú munt vita, án minnsta efa, að með hverri aðgerð sem þú framkvæmir gegn því ertu að vinna gegn sjálfum þér.

Tólf ráð til að tileinka sér gullnu regluna:

1. Ég trúi að gullna reglan eigi að vera grundvöllur allra mannlegra samskipta.  Þess vegna mun ég aldrei gera öðrum það sem ég vildi ekki að þeir gerðu mér ef ég væri í þeirra sporum.
2. Ég ætla að vera heiðarlegur í viðskiptum við aðra jafnt í stórum sem smáum atriðum, ekki einungis vegna þeirrar vonar minnar að ég sé sanngjarn, heldur ekki síður til að tileinka undirmeðvitund minni heiðarleika sem koma mun fram í persónuleika mínum.
3. Ég ætla að fyrirgefa þeim sem eru ósanngjarnir við mig, án þess að hugsa um það hvort þeir eigi það skilið.  Ég veit að lögmál fyrirgefningarinnar styrkir persónuleika minn og heldur áhrifum sárinda frá undirmeðvitund minni.
4. Ég mun ávalt vera örlátur og sanngjarn í samskiptum við aðra, jafnvel þó ég viti að það mun ekki verða eftir því tekið né þegið, vegna þess að ég að nota þetta lögmál til að byggja upp eigin persónuleika og veit að þverskurðurinn af honum munu vera gerðir mínar og dáðir.
5. Í hvert skipti sem ég sleppi því að afhjúpa veikleika og mistök annarra, mun mér ganga betur að leiðrétta eigin veikleika.
6. Ég ætla ekki að baktala neina manneskju, sama hvað hún á það mikið skilið, því ég vil ekki sá neinum eyðileggjandi hugmyndum í undirmeðvitund mína.
7. Ég geri mér grein fyrir mætti huga míns og því sem hefur áhrif á hugsun mína utanfrá, því mun ég ekki sá neinum niðurdrepandi hugmyndum.
8. Ég mun yfirstíga algengar mannlegar hvatir s.s. öfund, sjálfselsku, afprýðisemi, illgirni, hatur, svartsýni, efa og hræðslu, þar sem ég trúi að þessar hvatir séu heimsins vandræðamesta uppskera.
9. Þegar hugur minn er ekki upptekinn við að vinna að mínu aðal markmiði í lífinu, mun ég sjálfviljugur halda honum við hugsanir um hugrekki, sjálföryggi, og velvilja í garð annarra, sem og trú, trygglindi, ást á sannleika og réttlæti, vegna þess að ég trúi að með því að leggja rækt við þessi atriði muni ég stuðla að vexti góðrar uppskeru.
10. Ég veit að skilningur á notkun gullnu reglunnar gagnast hvorki mér né öðrum nema að henni sé komið í framkvæmd.
11. Ég skil að með notkun mun gullna reglan þróa persónuleika minn til hugsunar og athafna, þess vegna mun ég gæta þess hvað mun hafa áhrif á þá þróun.
12. Skilningur á að langvarandi hamingju öðlast ég einungis með hjálpsemi við aðra, að velvilji er ávalt endurgoldinn þó hann sé ekki beint endurgreiddur, því mun ég gera mitt besta í að verða öðrum að liði þegar þess er óskað og þegar tækifæri gefst til.

"Þú skalt elska náunga þinn eins og sjálfan þig" er lögmálið um gullnu regluna um að gera öðrum það sem að þú vilt að þeir geri þér.  Þetta er lögmálið um að svara í sömu mynt.  Þú munt fá til baka það sem þú gerir fyrir aðra og reynist þú þeim vel þá munu þeir reynast þér vel. 

"Auga fyrir auga og tönn fyrir tönn" er neikvæða hliðin á þessu sama lögmáli.  Sýnir þú öðrum yfirgang og illgirni munt þú uppskera það sama.

Þó þú beitir gullnu reglunni án þess að fá svörun sömu mynt í einhvern tíma, eða jafnvel aldrei frá sumum, þá skalt þú hafa í huga að orðspor þitt er byggt á áliti annarra, en þú byggir sjálfur þinn persónuleika.  Þú ættir einnig að koma auga á að án þess að beita gullnu reglunni, mun ræðumaðurinn ekki getað sannfært áheyrendurnar.  Gullna reglan gildir einnig um sölumanninn hann verður að selja sjálfum sér vöruna fyrst, áður en hann getur sannfært kaupandann.

Jesú sagði:

Matt  7.12  Allt sem þér viljið, að aðrir menn gjöri yður, það skuluð þér og þeim gjöra.     

                           

 

 

Atvinnuhorfur ekki góðar.

Ef að ástandið fer ekki að breytast verulega til hins betra hvað fjármögnun verkefna varðar gæti 7% atvinnuleysi í lok janúar verið varlega áætlað.

Það er sama við hvern er talað í bygginga og verktaka geiranum það er algjör stöðnun, fyrirhugaðar framkvæmdir að falla út og fjármögnun á því sem er í gangi í uppnámi.  Flestar þjónustugreinar eins og verslun eru að fækka starfsfólki svo ekki sé talað um bankastarfsemi.  Í útflutningsgreinum eins og sjávarútvegi vantar ekki fólk.

Hjá mínu litla fyrirtæki sagði ég upp meira en helming starfsmanna minna um mánaðarmótin ágúst-september, ástæðan var ekki eingöngu  verkefnaskortur heldur sú að treg innheimta og tapaðar viðskiptakröfur ógnuðu rekstrinum.  Í byrjun Desember verða 4 starfsmenn eftir hjá fyrirtækinu en voru flestir 12 á þessu ári.  Verkefnastaðan er nú í algjöru uppnámi eins og víðast hvar hjá fyrirtækum í byggingariðnaði.

Sú tilfinning hefur orðið sífellt sterkari, eftir því sem á október hefur liðið, að við séum að sigla inn í tímabil svo mikils atvinnuleysis að annað eins hafi ekki áður verið hér á landi.  Því miður hafa stjórnvöld ákveðið að fara þá leið að hækka vexti og ríghalda þannig í það stjórntæki sem átt að halda niðri verðbólgu undanfarin ár en án árangurs.  Þegar þessari aðferð er beitt í algjörri lausafjárþurrð getur það varla leitt til annars en keðjuverkandi gjaldþrotahrinu hjá fyrirtækjum með tilheyrandi fjölda atvinnuleysi.

Hrina hópuppsagna hafin